^{1 2 3} 1. ሀአቨታ ኢየሱስ «ኧውረመኛ እሁዋ በዌኤዲ ተትሸኮውዋ ሰቭ አታትሁኗ ኧጎይታ መንግስት በሩእ ደረግ ሜኤተታ ቲያዡዋ ስን አይዎጁዋ ሰቭ አነውዋ» ባረኖም።2. ኢየሱስ ያቆብቪ ዮኋንስ አሄተረታ ባአት ዴካ ቆቶ ፎር ኧንአ፤በህም ኤኤዲ አት ሰቭ አነፐረዳ፤በህሜ ኢፍትኋ ተሽጋገረ።3. ሁጅርሞኋ ማንእየ ሁጅር ኦኡውት ኢሂርወዳ አኧቨ ታድጌፈረን ሁጅር ኢረእካአር ጥርጥር ይር ባነደ። ^{4 5 6} ህም ግዝየ ያቆብቪ ዮሐንስ ኤልያስቪ ሙሴቭ ተኢየሱስ ቲዝረኩታ አሸውዮም።5. ጴጥሮስ ኧኢየሱስ ኢና ዋይ ብነቭነ ኢፈዘንረ ፤አት ዳስ አኸ አት ዳስ ኧውሴ ፣አት ዳስ አኸ ኧውሴ፣አት ዳስ ኤኤልያስ ነረሽነታ ብእመኸ ንበነ» ባረን።6.እም ባሸዊ ዘንጋ ፈኘውም ባነደ፤ህም ግዝየ ጴጥሮስ ኢዝሬካአር ባይሂርካ። ^{7 8} . ተህም ቀጥወ ዳቨራ ማአ ኤፈኖም ፤ተዳቨራቭ ሁዳ ከስ «ዋዳ ኧረድኩዳ ትከነኛ፤ሁዳ ዩሁዋታአር ስውኤ፤»ይካ ቃር ተጎይታይ ማአ።8. ህመጋ አዦርም ቢያዡዋ ኢየሱስ ባሀሬ በሄኤዲ አት ሰቭ አነፐረዳ። ^{9 10} ተቆቶ ሁዳ ፎር በወጁዋጋ፥ኢየሱስ ኧያቆብቪ ኧዮሐንስ ኧሰቭ ትከ ተውንድ ቲትረንሳ ስን ዋ አሸዊ ዘንጋ አአት ሰቭ አዪኤጁዋኸ አትጬፐንፕም።10. ሁኖም ኤኤደኖዋ ሁዳ በሂንሁኗ አዎኖዪ፤ዘንጋ ተውንድ ኧተሸት ኧዋርት፣ ምር ኧዋርትን ቧርም ሁኖም ተሁኖም ኢድዝራኩዋ ባነደ። ^{11 12 13} . ተህም ቀጥወ ፀሐፍት ዩሪዮታ ሰቭ«ብደርተ ኢቫአካ ኤልያስን ኧቭር ዩሩዋ?»ቧርም ተሳአሪ።12. ኢየሱስ ጭን «ኤልያስሽ ብደይተ ሜኤተታ እንእአአር ኤኤፍት ኧረፐረመኸ ኢአኴ፤ባቴ ኧሰቭ ትከሁ ኢቴኤፐርመኸዪ ኢትቀንጥመኸ ኧጣᎉ ሁድሁ ምር ኢቨስርሁዋ? 13. ዘንጋ ጭን ናኤድሁዋ ፣ኤልያስሽ ማአ ባነደ፤ሁኗ ጭን ኧሁዳአር ቦተርም ኧጥᎉመኸ ኧሳረኖኸ ኤፖዊ»ባረኖም። ^{14 15 16} ሼጣን ኧጠበጠን ኧች አፍያ ኸረ ኢየሱስቪ ውርኤቸ ተማሪ ተዦፖርም ቢዎኦዋ ቤኤድ ኧተነፉዋ ኧኢየሱሲ ተማሪ ኖኦራ ሰቭ ኸፐቨኖምታጸሐፍት ቲዩሪዮታ ሰቭ ሽር ቲቴኤጅታ ነኮውዮም።15. በሄኤድ ኧረፖሩዋ ሰቭ እንእ ኢየሱስ ቢያዢ ወግ ኸረዎምታ ወጌም ዩሪ ኧሁዳይ ኤፖም ተራዎኡም ዎርም።16. ኢየሱስተማሪኋ ተፈሪሳ ሰቭ ት ቴኤጂዳ ሽር ኧቭርአፈድናአር ? » ባረ ተሳአረኖም። ^{17 18 19} ተህም ቀጥወ አት ምስ ተሰቭ ግት «አስተማሪዮ ሼጣን ጠበጠንታ ዲዳ ኧኸረ ትከኛ አሄ አቭአሁን አሄ አቫአሁን» ባረን። 18. ቲትረሳወዳ እንእ ግዝየ ኢቃሽኩ፣ኢምባ ቧፍ ኢንአ፣ሽንኋ ቃጭቃጭ ኢንአ ፣ምስየሞኋ እንእ ኢደርእ፤እም ሴጣን ያዎኦኔ ኧተማሪያኸ ሳአርሁኖም ባነደ፤ሁኗ ጭን ያዎኦኔ አኸረኖታ።19. ኢየሱስ« ዋ ታታአውሩዋ ተዋ ዘቨር ሰቭ መቸ ስን ታሁዋ ኧረቭርኴ? መቸቭ ስን ኧፈርህነሁዋቴ?እንዴ ኧች ሁዳ ዋይ ኦኤ »ባረኖም። ^{20 21 22} ሁኖም ኧሁዳይ አቴኤነዊ፤ሴጣንቭ ሁዳ ኧኢየሱስ አሸንታ ፣ሸረር ኤፐን ፤ኧችቭ ሁዳ ባአፈር ወተኧታ እሜዪ ህሜ ቲክቨንር ታንቃኋ ኢምባ ቧፍ ኦንኧት ቀነሰ።21. ኢየሱስ ኧኧች ሁዳይ አባ « ተጠበጠ ምርአህር ቀረ ኸረ?» ባረ ተሳአረን።22. አቭ ሁዳ «ኖኦራ ግዝየ የኧትርኲ ኢሲእታ ብኧሳድቪ ብእሀቭ ፎር ›ኢቃሽኩ፤እንዴ በኸረነኸ ተቨጠጠንረ፤ኧግዘንረቭ»ባረን። ^{23 24 25} ኢየሱስቭ «በኸረነኸ ባኸዪ?ያአቭርካ ሰቭ እንእአአር ኢኸነ»ባረን።24. ኧትከቭ ሁዳይ አባ «ኧኧቨርሴ ፥ዋአካ ስን አናአመርዂ ፍረህኒ ! »ባረ ኮ ባረ።25. ኢየሱስ ሰቭ እንእ ተፍረከረ ቲትራውእ ኧሁዳይ ቲቫአካ አሸታ ፥አኸ ዲዳቪ ኧድሮእኸቭ መንፈስ«ተዳ ዋአ!ተዣቨይተኸቭ እማአኸ»ባረ ኧሴጣን ሁዳ አኸናወ። ^{26 27} . ሼጣንቭ ሁዳ ውው ቲይር ባአፈር አተገ ባክቨነረን ቀጥወ ተኧች ሁዳ ዋአ፤ በሄኤ ኧረፖሩዋ ሰቭ ኧዎዳአር ቲቭስርኮዋ ስን ኧሪሳኸ ኸረ።27. ኢየሱስ ጭን ኧኧች ሁዳኧጅኋ ጠበጠንታስስስስ ^{28 29} . ኢየሱስ ቢድ በገፓጋ ፥ዋ ሴጣን ኢና ኦኦት ኤኤመንረ ሁዳ ኧቭርአፈድ?»ቧርም ተሳአሪ።29. ኧዋኸ አይነት ሴጣን ኢዋአካ ሁዳ እማት በጦም በጠሎትን፤ባረኖም። ^{30 31 32} ተህም ቀጥወ ተሄኤዲ ተረሾምታ፣ገሊላ ኤፖም ዎርም፤ኢየሱስቭአነውታ ኤኤዲ አትዎኋ ኢሂሪ አንሴኤዳ።31. ኢየሱስ ኧተማሪኋ «ኧሰቭ ትከ ኧሰቭ ኤኤቶ ያአይፑሪዴ፤ህም ኧተኤፖሩዋ ሰቭ ዮኦትሪዴ፤ዘንጋ ጭን ተሶኦስት ቀረ ቀጥወ ተውንድ ኢትረሳኴ» ባረ ያትመርኮዋ ባነደ።32. ተማሪኋ ጭን ኢየሱስ አትመረኖዋ ትምርት አምᎆሰሩዋ ባነደ፤አይትሳአሪመኸፈኘዊ። ትንእዎኋ ኢረእካ ማንተ? ^{33 34 35} . ተህም ቀጥወ ቅፍርናሆም ሞኦም፤ ቢድቭ ቦጎፖዋ ቀጥወ ኢየሱስ ኧተማሪኋ «በቨያ ትናነ ታነነ ሽር ትቴኤጁዋ ኧረፐረ ኧቭርአፈዳአር ባነደ?»ባረ ተሳአረኖም።34. ሁኗ ጭን በቨያ ኢቴኤጂ ኧረፐረ ሽርትንእዎኋ ማን ኢረእ ይካአር ኧረፐሬ ፈኘዊታ ቁስ ቧርም።35. ኢየሱስቭ ተቸ ቀጥወ አስረ ውርኤቸ ተማሪኋ ኸናኖምታ «ኢኢፍቲ ኢኸሪ ኢሲኢካ ሰቭ እንእዎኋ ኢኢመዪ እንሞኋይ ሜነኘ ኧህር» ባረኖም። ^{36 37} . ቀሪ ኧች ኢኢፍትሁኗይ አቫአ አትሸከቨ፤ኧችቭ ሁዳ ነሳ ኤኤፈንታ ፥37. ተዋኸ ትከ አት ሁዳ ኢያ ባረ ኢቴኤፐርካ ሰቭ እንእ ኢያ ቴኤፐረ ኧዋርትን፤ኢያቭ ኢቴኤፐርካ ሰቭ ኢቴኤፐርካ እማት ኢያ ታይኸር ኧኬሼይቭ አባኛ ጎይታ ተህም ኢቴኤፐር» ባረኖም። አይድጋፋንረ ሰቭ እብእ ቲናትን ^{38 39} ዮሐንስ ኧኢየሱስ «አስተማሪዮ አት ምስ በሹዋኸ ሼጣን ቲይዋአካ አሸነዪታ ቲና እማቲ አያራአር ኧኸሬ ኸንአነዪ» ባረን።39. ኢየሱስ ጭን አትሁርኤ፥ አት ሰቭ በሹውኛ ወግ ሜና ኧኝኧተታ ቢያ ፎር ሙጥጣአር ኢዝሬኲ አይኸነዳ፤ ^{40 41} . አይዳጋፋንረ ሰቭ እንእ ቲናትን።41. ኧውረመኛ እሁዋ ኧክርስቶሳአር በሁርታሁ፣ኢያ ባረ አት ብርጭቆ እሀገታ አቨናሁዋ ሰቭ እንእ በጎይታ ኢፍቲ ኦሄ ሜና ዋጋ አይቨህርካ» ባረኖም። ^{42 43 44} . ቢያ ቲይአውርታ ሰቭ እንስያአር ኤፐ ቲያዥኮታ ሁኗ ባአት ሁዳ እንቁርፊት ኢኸርካ ሰቭ ኑኡየ ኧወፍጨ እቭር በቨመርኋ ኧግጅቶኰታ በቫር ቢሩኲ ኢፈዙክ።43. ሁመኸ ኧኸሬ ኧጃኸ ባድቫፐረናኸ ኧጥ ቃሽኩ፤ውርኤት ኧጅ ንቨይተነኸታ ባአዛብ እሳድ ብትረንድድካ ሁዳ ኧጀ ቁንጭር ሂንተኸታ አያ ሂንተኸ ብትረቭር ኢፈዝኸ።44. አአዛብ እሳድ ፍርፍርኋ አይዎድካናአር። ^{45 46} ኧግራኽ ባድቫፐረናኸ ኧጥ ቃሽኩ፤ውርኤት ኧጌ ንቨይተነኸታ ባአዛብ እሳድ ብትረድድካ ሁዳ ጅረ ሂንተኸታ አያ ሂንተኸ ብትረቭር ኢፈዝኸ።46. አአዘ እሳድ ፍርፍርኋ አይዎድካነአር፤እሳድሞኋ አየኧፋካናአር። ^{47 48} ኤራኸ ባድቫፐረናኸ ፍጨርቅ አአ ቃሽኩ፤ውርኤት ኤር ንቨይተነኽታ ባአዛብ እሳድ ብትረድድካ ሁዳ፥እማት ኤር ንቨይተነኸታ አያ ሂተኸ ብትረቭር ኢፈዝኸ።48. አአዛብ እሳድ ፍርፍርኋ አይዎድካ፤እሳድሞኋ አየኧፋካ ። ^{49 50} ሰቭ እንእ ብእሳድ ኢቨጥርኴ።50. በኧድ ወሄናአር ፤ዘንጋ ጭን በኧድ ባኔኤቨ በቭር ያቲኢዊ?እመኸ ኧኸሬ ባሁዋ ኧቨኧድ ቸቭና ኧበርዎሁዋ፤አሁም ታሁም አድጋኦዋ