^{1 2 3 4} ኢየሱስ ተሀይ ተረሳታ ኧይሁዳ ገኘቪ ኧዮርዳኖስቭ እሀ ሀጋድ አነውታ ቃያ ወረ።2. ሰቭ ሀአቨ ቢኢፍትኅይ ቁጥቁጥ ባረ ፤ሁድ ኧኧኛ ግዝየመኸ አትሞርት ቀነሰ።2. አታት ኧፈሪሳ ሰቭ ኢፎትሪ ኧሁዳይ ሞኦምታ ፣«ምስ ምሽትኋ ኧግፍሪ? ዌ አይግፍር?»ቧርም ተሳአሪ።3. ሁድ ዠፐረታ «ሙሴ ምር ባረ ኤዘዘናሁም?» ባረኖም።4. ሁኖም፣«ሙሴሽ ፊርማሻ ኤንተናታ ኢገፍርካይ ፈቀደ»ቧሪ። ^{5 6} . ኢየሱስቭ ዋ ቂጫ ኧጣፈነሁዋ ሁዳ ቱኡነድ አሸ ታነዳን ባረኖም።6. ዘንጋ ጭን ፍጥረት ቢቆርሽኰዳ፥ ጎይታ ምስ ተቭሽት ኤፐ ፈጠረኖም። ^{7 8 9} . እመኸ ኧኸሬ ሰቭ አባሞሀዪ አዶድሞኋ ኢችእታ ተቭሽትኋ እማቲ ኢረቭር፤8. ውርኤቸሞሁኗ እማት ኢሆሩዋ፤ተህም ቀጥወ እማትኖዋ ባሀሬ ውርኤት አሆርታ።9. እመኸ ኧኸሬ ጎይታ እማት ኤፐን ሰቭ አትዎኋ አይቫይትርኩ።» ^{10 11 12} ተማሪኋ ቢድ በጎፖዋጋ ዋ ዘንጋ ኧኢየሱስ ሀአውም ተሳአሪ።11. ኢየሱስቭ «ምሽትኋ ገፈረታ ኧኛ ምሽት ያግአካ ሰቭ እንእ ኧረከቨኸ ሁጅር ደመደ ባጢር ኢንአ።12. ተቭስመሻ ተጊያፈረችታ በኧኛ ምስ ኧገፓች ምሽት በቭስሻ ፎር ኧረከቨቸኸ ሁጅር ደመደችታ ባጢር ቲንአ» ባረኖም።ኢየሱስ ኧቭስካድየ ዴንጋ ዳረኖም ^{13 14} .ኢየሱስ ኢውሻኮኸ ሰቭ ብስካድየ ዴንጋ ኧሁዳይ አዎኦም፤ተማሪኋ ጭን ነፎጊዮም።14. ኢየሱስ ዋዳ ቢያዥ ማአቸታ ዋኸ ባረኖም« ብስካድየ ዴንጋ ኢያይ ኦኦዋ አትሁርኤዮዋ ፤መንግስተ ሳቫይ ኧዋሁኗኸ ሰቭናአር፤ ^{15 16} .ኧውረመኛ እሁዋ ኧጎይታ መንግስት ኧትከኸ ሂንተ አይቴኤፐርኩ ሰቭ እንእ አይጋአወዳ ።»16. ዴንጋቭ ሁኖዋ ነሳ ኤኤፈኖም፤ኧጅሞኋ በፎርሁኗ አተገታ ዳረኖም። ደንገኘ አዛድ ኧች ^{17 18 19} ተህም ኤኤዲ ተረሳታ ኧሆርት ቲቀርስካ አት ምስ ኧሁዳይ ቲትራውእ ማአ ቢኢፍትኋይ በጉርቨድኋ ወካታ፥«ሚራ አስተማሪዮ ኧዘላለም አያ ሂንተሁ ኧረቭኸ ምር ኦንኧት አነቪ? »ባረን።18. ኢየሱስ «ኧቭር ሚራ ትሬ? እማት ጎይታ ባሀሬ ሚራ ኤነዳ» ባረ ዠፐረነ፤19. ኧጎይታ እዝዝ ትሂር፤ሁድ ሰቭ አትእትር፣ኧረከኸኸ ሁጅር አድምድ፣አትስርእ፣ አአቫይ ዛር አታአውድ፣ አትቄቅ፣ አቭ ታአዶዳኸ አህብድ።» ^{20 21 22} . ምስ ሁዳ «አስተማሪዮ ዋሁኗ እንእ ተዴግነድኛ ቀነስሁታ እተሁ» ባረን።21. ኢየሱስቭ ኧቭስ ሁዳ አሸንታ ነመደን፤በዋቴ አታአር ኢቀቭርቨኸ፤ሆርታ አነነኸዳ ንቭረድ እንእ አሰየታ ኧዚጋ አቭ፤በሳቫይ ኑእ ዱንያ ትከቭሴ፤ተህም ቀጥወ ተኸተሬ» ባረን።22. ምስ ሁዳ ዋዳ ቢሰቭአ ቡሼኤኸ ተቨጠጠ፤ ኖኦራ ዱኒያ ኧረፐረኒ ኧኸሬ ሳው ባረ ቢድኋይ ወረ። ^{23 24 25} ኢየሱስ አኖዳ ኤኤዲ አዦረ ቲያዥ ኧተማሪኋ፣«ኧደንገኘ ሰቭ ኧጎይታ መንግስቲ ኧጉኧት ኧተኸ ያጀግርካናአር?» ባረኖም። 24. ተማሪሞኋ ኢየሱስ በዝሬከን ዘጋ ወግ ኸረዎም፤ሁዳ ጭን ሀአቨታ «ዴንጎ መንግስተ ሳሳይ ኧጉኧት ኖኦራአር ያጀግርካናአር» ባረኖም ።25. ደንገነ መንግስተ ሳቫይ ቢጋአካ ሁዳ ጋሜራ ኧቨርፍ ጉድድ ቢዩሪዳ ኤኤዲ ቢዋአ ኢፈዝ።» ^{26 27 28} ተማሪሞኋ ቲኢፍት ኢረእ ወግ ኸረዎምታ፣ «እኰኸ በኸረጋ ባቴ ማን ኢተርፍኴ?ተዌዌርም።27. ኢየሱስቭ ኧሁኖዋይ ኤፐ አሸታ፣ «ኧሰቭ አይኸነዳናአር ፣በጎይታይ ጭን ዋኸ አኸረንዳ፤ኧጎይታ እንእአአር ኢኸነ» ባረኖም።28. ጴጥሮስ «ኡክ ኢና እንእአአር ቸኧነ ተሄተኔከ» ባረን። ^{29 30 31} ኢየሱስብ ዠፐረታ፣ «ኧውረመንንንና እሁዋ ፤ኢያቪ ኧወጌልቭ ባረታ ፥ቢድኋ፣ዌ ኧሰማትኋ፣ ዌ ኧተማትኋ፣ ዌ አዶድኋ ዌ አባኋ፣ ዌ ዴንጋኋ፣ ዌ አኡጃኋ ኧቸኧ ሰቭ እንእ፣30.ዋአካ በዋ ዘቨር ቲኢሰድጂቭ ቢድ፣ኧሰማት፣ኧተማት፣አዶድ ዴንጋቪ ቹጃቭ በቨኧር ኧጅ ኢቴኤፐርኴ፤ቢቫአካቭ ዓለም ዘላለም አያ ሂንተ ኢረቭ»ባረ።31. ዘንጋ ጭን ኖኦራ ኢኢፍቲ ኧረፖሩዋ ሁኖዋ ኢኢ ኢሆርቴ፤ኖኦራቭ ኢኢ ኧረፖሩዋ ሁኖዋ ኢኢፍቲ ኢሆርቴ።ኢየሱስ ተዣቨይተ ኢቫአኸ በተረ ኤኤደ ^{32 33 34} . ኢየሩሳሌም ቲያሩዋታ በቨያ ታኖም፣ ኢየሱስ ኢኢፍትሁኖዋይ ያር ባነደ፤ተማሪሞኋ ዋ ዘንጋ ወግ ኸረዎም ባነደ፤ቲኢሞሁኖዋይ ኢትሄተሪዮዋ ኧፖሩዋ ሰቭ ፈኞም ባነደ፤ሀአቨ ኢየሱስ አስረ ውርኤቸ ተማሪኋ ተኧኛ ሰቭ ባይተረኖምታ ኢሰርአወዳ ዘንጋ ኤኤደኖም። 33. «ኢይየሩሳሌም ናነዴ ኧሰቭ ትከ ኧካህን አላቃቪ ኧውሴ ቂጫ አስተማሪቭ ኤኤቶ ያኤቱሪዴ፤ሁኖም ኧውንድ ፍርድ ኢፎርጅኰዴ፤አአረማዊ ሰቭ ኤኤቶ ያኤቱሪዴ ።. ኧሁድ ባጭ ባጭ ኢንኤዴ፣ ኢምባቄሁኖዋ ኢትፍ ዩኰዴ፣ ኢገርᎉዴቭ ተህም ቀጥወ ዮኦትሪዴ፤ሁዳ ጭን ተሶኦስት ቀረ ቀጥወ ተውንድ ኢትረንሳኴ » ባረኖም። ^{35 36 37} . ተህም ቀጥወ ኧዘብዴዮሲ ዴንጋ ያቆብቪ ዮሐንስ ኧሁዳይ ቴኤኖምታ «አስተማሪዮ ንሰኧኔከዳአር አክያ ትረንሬ ንሲኢነ »ቧሪ።36. ሁድ «ምር ኢንአነሁዋይ ትሱኡዋ?» ባረኖም።37. ሁኖም «በቭግስታኸ ክብር አትንራ በቀናኸ አትንራ በጉራኸ ፍቅድንረ» ቧሪ። ^{38 39 40} ኢየሱስቭ «ትሶኦርታአር አትሂርታ፤ኢያ ኧሰጭኩዳ ኧቨከራ ጥዋ ትሰጩዋይ ኢኸነሁዋቴዪ? ኢያቭ ኧጠመኩዳ ኧመከራ ጥምቀት ትጠመቁዋይ ኢኸነሁዋቴዪ? » ባረኖም።39. ሁኖም «እከ ኢህንረሴ» ቧሪ።ኢየሱስቭ «አክያ ኢያ ኢያ ኧሰጭኩዳ ኧቨከራ ጥዋ ትስጠዉዋሴ፤ኢያቭ ኧጠመኩዳ ጥምቀት ትጠሞቁዋሴ፤40 . ቢኸርቭ በጉራመኛዪ በቀነመኛ ኧቸሮት ኧቴቨኖዋ ሰቭናአር ባሀሬ ኢያ ኢካአር አኸረዳ» ባረኖም።ኧኢየሱሲ ተማሪ አስርሁኖዋ ዋዳ ቢሶኦዋ በያቆብቪ በዮሐንስ ኧዋአችት ቆነሺ ። ^{41 42} . ኢየሱስቭ እማቲ ደመደኖምታ፥ ባአረማዊዊ ዳኘ ቧርም ዩሪዮታ ሁኖዋ ኢጎዤዮኸ ዳኘሞሁኖዋ ፣ዳኝነድሞሁኖዋ በሁኖዋ ፎር ያቲሹዋኸ ትሂሩዋ። ^{43 44 45} ባሁዋይ ጭን ዋኸ አኽረንዳ፤ታሁዋ ግት ኑእ ኢኸሪ ኢሲኢካ ሰቭ እንእ አገልጋይ ኧህር ፤44. ኢኢፍቲ ኢኸሪ ኢሲእካ ሰቭእንእ እንእዎኋይ ባሬያ ኧህር፤45. እሸቭ ትከ ያጌኪርሜዪ ባጢረተኘ ሰቭ ያተርፊ ቲይር ሉሁሞኋ ያኤፕሪ ማአ ባሀሬ ፣ኧኛ ሰቭ ኧሁዳ ያጌኪርኲ አማአዳ » ባረኖም። ኢየሱስ ፉርጥ ኧረፐረ በርጠሌሜዮስ ዩሪዳ ምስ አፍያ ኤፐ ^{46 47 48} ተህም ቀጥወ ኢየሱስ ተተማሪሞሀቪ ተሮኦራቭ ሰቭ ተኢያሪኮ ከተማ ቲዎኦታ ኤርኋ ኧፈንጠ ኧጢሞቲዮሲ ኧች በርጤሌሚዮስ በቨያ ሞሬ ቸና ኢሰኧር ባነደ።47. ሁድ ሀሜያ ያርካ ሁዳ ኧናዝሬት ኢየሱስ ኧኸረኸ ሰምአታ ኧዳዊት ትከ ኢየሱሶ ማሬ » ባይቶ ኮ ኧዋርት ቀ።48. በህም ኤኤዲ ኧስ ቧርም አአጥራቆሪ ፤ ሁዳ ጭን«ቲኢፍት ኢረእ ኧዳዊት ትኮ ማሬ ባረ አኸና። ^{49 50} . ኢየሱስ ተሸከቨታ «ሁሬ » ባረኖም።ሁኖም ኧፉርጥ ሁዳ «ተፋደር ተሳኢየሱስ ኢኸራኸ »ቧሪ።50. ሁድ ሁጅርኋ ቃሸታ ክክክ ባረ ተረሳታ ኧኢየሱሲ ማአ። ^{51 52} . ኢየሱስቭ« ምር ኢንአነኼ ትሲእ?»ባረን።ፉርጥቭ ምስ ሁዳ«አስተማሪዮ አዢ ኧሲእ»ባረን።52. ኢየሱስ« ሆር እምነታኸ አተነፈናኸ » ባረን።መህጋቭ ኤኋር ተከፈደ፤ ሁድ ኢየሱስ ተሄተረታ ተሁኖም ወረ።