1 2 .ተገሊላ ባር ብእሲየ መርከብ ጌርሴኔኖን ዩሪዳ ገኝ ሞኦም ።2. ኢየሱስቭ ትእሲየ መርከብ ተወደመኸ ሙጥጥመንፈስ ኧጠበጥን ምስ ተሞገማ ኤኤዲ ዋአአታ ኢኢየሱስ ይትራከቭኩይ ኧሁዳሜ ኤፐታ ማአ። 3 4 እም ምስ እንእ ግዚየ በሞገማ ከስር ይረቭርካአሪ ማኒሞኋ ቢኸር ኧግርኋ ያአግድኩዳ ሰቨ አነፐረዳ ።4 ኖኦራ ግዚየ በኧግር ብረዲ በሰንሰለት ያአጉጂዳአር ባንደ፤ዘጋ ጭን ኧጅኋ አአኮጅኮ ሰንሰለት ይቭጣጥስካአሪ ኧግርሞኋ አአኮጅኮ ብረድ ይስፓፕርካአር ባንደ። 5 6 እም ምስ በሞገማይ በቆቶ ግት በዋአናይ በጀውረረ ቲዥፓፐር ሚሲየኋ እንእ ብእቭር ያጥካአር ባንደ።6. እም ምስ ኢየሱስ በኖኢ ባሽንጋ ኢኢየሱሲ ቲትራወእ ወረታ በኧግርኋ ወተኧታ በጉርወድኋ በአፈር ወካታ ሰገደነ። 7 8 . ቃርኋ ነሳታ ቲያኸራ «ትን በፎረ ኑእ ኧኸረ ኧጎይታይ ኧችኢየሱሶ ቲያ ምር አነነኸ? አታጨንቄኸ በጎይታ ኧጠጥኸ! » ባረን ።8. እመኸ ኸቫረን ኢየሱስ « እእምኧውጥጥ መንፈስ ተዋ ምስ ዋአ »ኧቫረዴ።. ቃርኋ ነሳታ ቲያኸራ «ትን በፎረ ኑእ ኧኸረ ኧጎይታይ ኧችኢየሱሶ ቲያ ምር አነነኸ? አታጨንቄኸ በጎይታ ኧጠጥኸ! » ባረን ።8. እመኸ ኸቫረን ኢየሱስ « እእምኧውጥጥ መንፈስ ተዋ ምስ ዋአ »ኧቫረዴ። 9 10 ኽመጋ ኢይሱስ« ሹዋኸ ማንተን »ቲይር ተሳአረን።«ኖኦራንራአር ሹመኛ ሌጌዎንን»ባረን። 10. ተኽም ገኝ ባያዋአኩይ ቡሼኤኸ ሳአረን ። 11 12 13 . በኽሜኤዲ ቢረቭርካ ቆቶ ሚዬ ኧኖኦራአር አቬጌር አጋ ባነውተ። 12. ሙጥጥ መንፈስ ኢኢየሱስ «አአቬጌር ሁኖዋ ስድድንረ ንገቫኔኮይ ፍቅድንረ» ቧርምታ ሳአሪ ። 13. ሁድቭ ፈቀደኖም ፤ሙጥጥ መንፈስ ሁኖም ዎኦምታ በአቬጌር ሁኖም ጎፖም ፤ውሬት ሁም ያአሁርታ አቬጌር ቲትራወኡዋ በሲዌር ጎፖምታ በቫር ሰሞጩም። 14 15 . ኧእአቬጌር ዜማቸ ሴኮምታ ዋራይሞኋ በገኜይ በከተማሞኋ አሰኖይ፤ሰቭ እንዳም ኤፔፐሁዳ ያዥዋይ ታኖኮዴኤዲ ዎኦም።15. ኢኢየሱስሜ በዎኦዋጋ ዲባሸ ጅን ጠበጠንታ ይረቭር ኧረፐረ ምስ ውጅርኋ ተኸተረታ ቀልብሞኋ ተዥፐረነታ በኽመኸ በቸኔኤዲ ቢያዢ ፈኝዊይ ። 16 17 . እመዳ አሸዋ ሰቭ ጅን ኧጠበጠን ምስ ኧቴፐናአሪ በአቬጌር ኧኸረ ዘንጋ ኧሰቨሁኖዋ ኤኤጂዮም።17. ሰቨ ሁኖም ዋዳ ብሶሞዋጋ ገኝሁኖዋ ጊፊተነዋታ ያረኸ ኢኢየሱስ ኣሳአርት ቆኖሹም። 18 19 20 ኢየሱስ እእሲየ መርከቢይ ቢገቫዳ ግዚየ፣ጅን ኧጠበጠ ምስ ተሁዳ እማትሜ ያሪ ሳአረን።19. ኢየሱስ ጭን አንፈቀደነዳ ዘንጋ ጭን«ቢዳኼ ሆርታ ኧዶባኸ እንእ ጌታ ኧኧተኸአር ኤፐናኻአሪ አቴሸናሃአር አፉት አውድኮዋ » ባረን ። 20. ምስሁዳ ወረ፤ኢየሱስ ኤፐናአር እንዳም በአስር ገኝ ከተማ እንዳም ኧአውት ቀነሰ ኧሰሞም ሁኖም ወግ ኸረዎም ። 21 22 23 24 . ኢየሱስ በኽም ቀጥወ ሃአቨታ ብእሲየ መርከብ ተቫር ሃአጋድ በዋአጋ ኖኦራ ሰቨ በቪየኋይ ተስዎሰሙታ በቫር ሞሬ ታኖም ፤ 22. አይሁድ ቢደሞችኮዳ ቢድ አላቃ ተሆርዋ አት ሁዳ ኢያኢሮስ ይሪዳ ምስ ኽመቲኒነ ያር ኧረፐሬ ኢየሱስ ቢያሽኩ በኧግርኋ ወተኧታ፤23. እሲየ ገረድኛ በውንዲ በትሮፍት ግት አነቺ ኧኸሬ ትረፍተችታ በአያ ትረቭረኸ ኧጃኸ ኧድግቫታ ጠሎት ኧናና ቲይር ቡሼኧኸ ሳአረን።24. ኢየሱስ ቭ ተሁድመጋ እማትሜ ወረ።ኖኦራ ሰቨ ኼፖፕምታ ቲትጋፎዋ ቴኼተሪ። 25 26 27 አስራ ውሬት ኽርቭ ደቭ ቲወትካ ኧረፐረች ሚሽት ባነቸ ።26. ኧረኦራ ኡኡዛ ሰቨ በሆርት ቡሼኧኸ ተጨነቀች፥ዋጋመሻ እንዳም በኡዛ ጀፐረች ባደ፥ቢኸር ባአሸሻ ባአሰቫ ባሃሬ ስርም አናፈዘናዳ ፤27. ኺዳቭ ኢኢየሱስ ያተርፈኸ በሰማች ግዚየ ቲኢኋይ አጋድ ማአችታ በሰቨ ሁኖዋ ግት ውጅርኋ ነከደቸን። 28 29 እመኸ ኤፐች «ኢኢየሱስ ውጅር ስን ብነግድ ይፍዘዜሴ ይካ እምነት ባነናደ።29. ይቱካ ኧረፐረ ደቭሻኽመጋ ተሸከቨና በምካትመሻ ኧተነፈችኸ ገግመሻ አኼረና ። 30 31 32 . ኽመጋ ኢየሱስ ተገግኋ ደረግ ኧዋአነኸ አኼረንታ በሰቭ ግት ተዥፓፐረታ «ውጅኛ ኧረከዴ ማንተን? » ቲይር ተሳአረኖም። ተማሪሞኋ «ሰቨ እንእ ቴኼተረናኸታ ቲትጋፎታሽ ታዥ (ማንተን ኧረከዴኧተኸ ትር?) ሪይርዋት ሳአር»32. ኢየሱስ ጭን ዋኸ ኤያዢሜኬኧይቭርባ። 33 34 . ሚሽትሂዳ ጭን ምር ኣቴፐናኸ በሃረች ቀጥወ ፈኝችታ ቲያአረኧድካ ማአችታ በኧግርኋ ቴፌጠቨችታ አነዳአር እንዳም ኤኤደቸን።34. ኢየሱስቭ «ገረድኞ እምነታሽ አተነፈናሽበወገሬት ሆይዋ።ተምካታሽ አፉይዋ» ባረ። 35 ኢየሱስ ቲዚረክ ታነ ሰቨ ሁኖም ተአይሁድ አላቃ ተኢያኢሮስቢዲ ሞኦምታ ገረዳኸ በኸረ ሞደች ተዋቴ ኧቭራፈድን ኧመምኽር ሁዳ ታቂጥኩዳ? ቧሪ። 36 37 38 . ኢየሱስ ጭን ሰቨሁኖዋ ኧዝሬከዊ ሁድ ቁስ ባረኖምታ ኧአይሁድ ይደሞችኮዳ ቢድ አላፊ«ኧቨር ባሃሬ እንፈኝኸ» ባረን ።37. ኢየሱስ ተጴጥሮሲ ተያቆብ እመኸ ተያቆብ ኧስም ተዩሐንስ ባሃሬ ኤኛ ሰቨ ይትኼተርኩይ አንሴኧዳ ። 38. አይሁድ ይደሞችኮዳ ቢድ አላፊ ኢያኢሮሲ ቲሰሮታ ኢየሱስ ሰበሁኖዋ ቲያሆሮታይ ቡሼኤኸ 11ቲቬሁታ አሸታ ። 39 40 ቢድ ከስ ገፓ «እም ኺያዲ ኦክት ኧቭራፈድናአር? ገረድ ኺዳ በኸረች አሞደቻ »ባረኖም። 40. ሰቨሁኖዋ ጭን ዳኮ ።ሰቨ እንእ ተቪድ ታዋአኖዋ ቀጥወ፤ኧገረድ ኺዳይ አቦሚአዶድ እመኸቭ ተሁዳ እማትሜ ተሁዳ ኧዎኦዋ ሰሚይ ተማሪሞኋ አትኼተረታ ገረድ ሂዳ ኧትገተረቸወ ኤኤዲ ገፓ። 41 42 43 . ኢየሱስ ኧገረድ ኺዳይ ኧጅ ጠበጠታ «ጣሊታ ተሴገዋ! » ባረና ። «ገረዶ ተሸዋ» ኧዋርትን ። 42. ገረድ ሂዳ ኽመጋ ተረሳችታ ውርውር ኧዋርት ቀነሰች እድሜመሻአስራ ውሬት ኽርቭ ባንደ። 43. ኢየሱስቭ ዋዘንጋ እማት ሰቨ እሃረ ባረታ ቡሼኤኸ አጬፐኖም «ትቨራካአር አዊያ»ባረኖም።