^{1 2} . በኤኛ ቀረኋ ሃአቨታ በቫር ሚዬ አስተሙርት ቀነሰ ። ሁዳ ቢረቭርውዴኤዲ ኖኦራ ሰቭ ኧስቨሰቬ ፣ በቫር ፎር አንዳ እሲየ መርከቢ ገፓ ችና ሰቨ እንእ በቭር ሞሬ ባንዴኤዲ ተስወሶም ባንደ ። 2. ሁዳ ኖኦራ ዘንጋ በሟሟካ አስተማረኖም ፣ ዋኸ ባረኖም ፥ ^{3 4 5} ስውኝ አት ቻዋጅ ዘር ይዘራይ ዋአ፥ 4.ዘር ቢዘራወዳ ግዚየ አታት በቬያ ፎር ወተኧ አፍ ሞኦምታ ናጮም ቦኖይ ። 5. አኛአር አፈር ቤነወ በጣጤ ኤዲ ወተኧ ገዳኒነኋ አፈር ኤኖይ ኽመጋ ነማ ፥ ^{6 7} . ቢኸር እዋየ ቢዋአ ጭን ሸተረ ኧስር አነፐሮይ ኧኸሬ ደነኸ ። 7.እመኸ ኤኛ ዘር በሶኽ ግት ወተኧታ ነማ ሶሁዳ ነማታ ኧዘር ሁዳይ ኒማ አነቀኒ ምርት አናወደዳ። ^{8 9} . ኤኛ ዘር ሃአቨ በወኼ ቡሽር አፈር ኧወተ ኧዘረ ገተደ ነማ። ኖኦራ ምርት አቨ አታትኋ ሳሳ እታትኋ ስልሳ አታትኋ በኧር ምርት አወንዳ»ባረ ። 9. ሃአቨታ ኢየሱስ ፥ « ይሰቫካ እዝር አነንዳ ኧስቫ » ባረ። ^{10 11 12} ኢየሱስ ኦጣኋ በኸረ ግዚየ አስረ ውሬቸይ እማትሜ ተረፖርዋ ኤኛሞሁኖዋ ኧሟሟካ ሁዳአር ተሳአሪ ። 11. ሁዳ ዋኸ በረኖም «ኧጎይታ መንግስታአር ቲኪርዋኸ አንኩም፥ኤኛሁኖዋ ጭን እንአር በሟሟካ ይኢጂዮዋ ። 12. እመኸ ኦሽትኋ ቲያዥዋ አይቬሲሪኸ ኣጎይታሜ ተዣቨይተዋ ባጢርሁኖዋ አፍ አዩሪዮኸን»ባረኖም። ^{13 14 15} . ተኽም ኢየሱስ ዋኸ ባረኖም ፥እም ሟሟካ አሃርሁዋታ? ባቴ ዋሟሟካ ባሃርሁዋ ኤኛ ሟሟካ ኧተኸ ቲኺርቴ? 14. ቻዋጅ ኧጎይታ ቃር ይዘራካ ሰቨን ። 15. አታት ሰቨ በቬያ ፎር ኧወተኧ ዘርን ኧጎይታ ቃር ቢሰኦዋታ ግዚየ ሴጣን ኽመጋ ይቫአታ በከስሁኖዋ ኧዞኔ ቃር ይዎስድዎዋ። ^{16 17} . እመኸ ኤኛአር በጣጤኤዲ ኧዘኔ ያቲሽካ አንዳ ኧጎይታ ቃር ተሰሞዋመኸ ኽመጋ ሳረኖምታ ይቴኤፖርታ ሰቨንዋ ፥17. ቢኸር ኧግዚየኋ ይቴኤፖሪ ባሃሬ ኧስር ኤኖይ ተቀሪ ቀጥወ በጎይታ ቃር ኧቫአ አት ምካት ቢቫአዎዋ ወይ ቢያሳድጂየዋ ኽመጋ ተክታተፉምታ ይወድኡዋ በሳኽ ግትኧዞኔ ያቲሽካ አንዳ ኧጎይታ ቃር ይሶኦታ ሰቨነዋ ^{18 19 20} . ቢከር ኧዋ አለም ኧዋጋ ንማጅነድ ኤኛ ተሜኛትበኺንሁኖዋ ይገአታ ኧሶሜቃር አነቀ ይጠጥኩ ብእም ኧቫአ በሁኖዋ ኧጎይታ ቃር ምርት አያወትካ ፥ 20. ኤኛሁኖዋ በወሄ አፈር ኧዞኔ ዘር ይቨስር፥ዋኽኖዋ ኧጎይታ ቃር ሰሞምታ ጌኮርሙ ይቴኤፖርታ ሰቨኖዋ ሁኖም ሳሳ ስልሳ በኧር ጉኩረ ምርት ይውታኖዋአር ። ^{21 22 23} . ኢየሱስ ዋኸ ባረኖም «ሰቨ ኩራዝ ተከሰታ ተሴፈድ በገዳ ወይበገባ ከስ ያወራ? ያወሬዳ ሁዳ ቢቲረከቭኬኤዲ አኸረዳዌ?22. እምኸ ኧደእሽራአር እንእ ታይትረከቭ ኧዶኦሪያአር እንእ ስቻይ ታይዋአአይዎኦርካ ፥ 23. « እዝር አነንዳ ኧስቫ »ባረ ። ^{24 25} ተኸም ኢየሱስ «ብሶኦኤዳ ዘጋ ተጠፖዋ ብስፍርኮራ ቁና አሁም ይሰፍነኩዋቴ ተኽም ይረካአር ይደውነኩዋቴ ። 25. አነንዳ ይደውነ ኤነን በኸረ ኽም አነንዳ ሁዳ ይወስችኮዴ » ባረ ። ^{26 27 28 29} ተኽም ቀጥወ ኢየሱስ ዋኸ ባረኖም ኧጎይታ መንግስት በአፈር ፎር ዘር ኧዘና ሰቨ ይቨስር ። 27. ምስሁዳ ይትገተር ጋእ ቲይካ ይትረሳ ኧዘናንመዝረ ኧተኸ ታይኽር ገተደ ይዋአ ።28በአፈር ኧዘኜኔ ዝኝ አፈር ገግሞኋ ያርብቫኩ ። 29. ኧዞኔ መዝረ ቲሰርካ ጎር ኧሰናይ ኧኸሬ ምስ ሁዳ ኽመጋ መኧተትኋ ነሳታ ኦጭት ይቀርስኩ ። ^{30 31 32} ኢየሱስ ዋኸ ባረኖም «ኧጎይታመንግስት ተቭር ናትዋራኔ? ወይ በቭር ሟሟካ ይኢጅነነ? 31. ኧጎይታ መንግስት አብር ይቨስርካ ኧሰናፍጭ ዘር ይቨስር ቲዘሬዳ በአፈር ፎር ታነውታ ዘር እንእ ያአንስ ።32. ቢኽር ዘኖይታ በነማ ቀጥወ ጭን በጎር ተዘኖዮዋ ዘር እንእ ይረእ ኧሳቫይ አፍ ሁኖዋ አጤኋ ጥራር ከስ ያፎይዋ ። ^{33 34} ኢየሱስ ኣሰቨሁኖዋ ቢቬስርኮዳ መያ እመኸ በኸረ በኖኦራ ሟሟኻ ኤኤደኖም ። 34. ሟሟካ አይቫር ባይኢድኮታ ፥ሁዲቪ ተማሪሞኋእማትሜ ቢሆርታ ግዚየ እንእ ዘንጋ ብታተረታ ቢኢድኮተ ። ^{35 36 37} በኽም ቀረ ገፓድ ቲኸርካ ሃአጋድኋ ናአነ ባረኖም ። 36. ሁኖም በኽምኸ ሰቨሁኖዋ ቼኤዊዮምታ ብእሲየ መርከብ ታነመኸ ኽመመያ ጠቦጪታ ወርሙ ፥ ኤኛአር እንሲየ መርከብ እማትሜ ባነውተ ። 37. በኽም ግዚየ ደረጋሞ እቡርቢድ በቫር ፎር ተረሳታ መርከብ ሁዳ እሃ ቲቬናኩ ስን እቡርቢድ ሁዳ ቡሼኧኸ ኧመርከብ ሁዳ ይገፋኩ ባንዳ ። ^{38 39} ኢየሱስ ጭን ተራስ ተራአሰታ ብእሲየ መርከብ ቢኢ አጋድኋ ተገተረ ባንደ ።39. ኢየሱስ ተርብሳታ ኧርፋስ ሁዳ አጥራቆረን ባር ሁዳ ቁስ ባረ ገብ ባር »ባረን ፥ንፋስ ሁዳ ቁስ ባረ አቸ ገብ ባረ ። ^{40 41} . ኢየሱስ ኧተማሪኋ « ኧቭራፈድን ዋኸ ትፎይታ? ኧተኸ እምነት ኤነነሁዋ? »ባረኖም ። 41. ሁኖም ቡሼኤኸ ፈኞምታ ሁኖምተሁኖም « ንፋሲ ባር ስን ኧሁዳ ይቴኤዘዥነዳዋዳ ማንተን? »ቴቬቬርሙ ።