¹ ዘበር አእለም ሰቭ እንሹሓ ያጠፍማዩ ኢትቨዘርሜ ኧኧሮማ ንጉስ አጉስጦስ ቄሳር አዘዘ፡፡ ² እም አአወተራቸ ኧሰቭ ምዝር ኧጣፊ ቀሬኔዮስ ኧሶሪያ ገኘ ዳኘ ታነን፡፡ ³ ብእም ኧቫአ ሰብ እን ኧገግ ገግኌይ ሹዉ ያጠፊ ኧቴኤፕወ ገኘ ወረም፡፡ ⁴ ኧዳዊት ዘር ኧኸሬ በገሊላ አውራዳ ተናዝሬት ከተማ ተረሳታ ቤቴልኼም ዩሪንዳ ዳዊት ኧቴኤፕወ ከተማ ወረ:: ⁵ ኢጠፍሜ ኧወረ ተፈቸና ሚሬት አርዋ ተኸረች ተቫሪያም እማቴ ባነዶ›፡፡ ⁶ ኽሜ ቤቴልኼምቭ ታኖም ቲኢኝወዳ ቀረሻ ሰናአ፡፡ ⁷ ኧቨኽር ኧችሻ ኤኘችን፤ ኧቫዘነድ ታፎይወዳ ኤኤዲ ትከሻ በጨርቅ ጥቫነረች ባሬእ ጋአድር ገተረችን፡፡ ⁸ ገኘ በኧዳር ኧሬኹና ቲወኦሩዋ በኸብር ኢሩኡዋ ኧረፖሩዋ ዜማንቸ ባነወርተ፡፡ ⁹ ኧጐይታ ክብር በዙሪያኹኖዋ እእዋየኸ አበራ፤ ኹኖም ቡሼኤኽ ፈኞም፡፡ ¹⁰ ኹዳ ዋኻ ባረኖም ‹አትፍረወ ዋ ኧሰቭ እን ኢኸርካ ኑእ ኢሽርካ ዋራይ ኢኢድኹዋይ ማአኹ፡፡ ¹¹ በዳዊት ከተማ ያተርፍካ ሕድ ገታ ክርስቶስ ቴኤፕነኢኹም፡፡ ¹² መርኸት ኢኸርኹዌይ ትከ በጨርቅ ጥዋነርም በጋአድር በጐተሪ ትንከውሴ:: ¹³ ኹዳ እማቴ ኖኦራ ኧሳማይ ኧኞ መላይአይካ ኧጠነቃር ሞኦምታኘ ¹⁴ በፎሬ በሰማይ ኧጐይታ ኧኽር፡፡ ሽኛት በአፈር ፎር ጐይታ ኧረመዶኖዋ ሰቭ እን ኧኽር›› ጐይታ አትሽኮም ቧረንም:: ¹⁵ መላእይካ ኹኖዋ ተኽኖዋ ተዋይተርም ኧሳማይንየ በምኦዋ ቀጥወ ዜማንቸነ ኽኖዋ ኽኖም ተኽኖም ‹‹ዋ ጐይታ አቴሸንረ ኧቴፐ ወግ ዘንጋ ናዥኔ ቤቴልኼም ዩሪንዳ ከተማይ ንኾነ ተቬርም፡፡ ¹⁶ ኽመጋ ካች ቧርም ዎርም፤ በኽሜ ማሪያምቪ ዮሴፍ ትከቭኹድ ባሬኤ ጋአድር በድገተረ ኤኤዲ ነኮዊ፡፡ ^{19 17 18 20} ቀጥወ መላአይካ ኹዳ እትከ ኹዳ አአር ኤኤደኖዋ ሁዳ እማት እማት ኮፎጁሙ እንእ ሰቭ ኤኤጁም፡፡ 18.እመዳ ኧሰምኦዋ ሰቭ እንእ ዜማቸ ኹኖዋ በኤጂዋ ዘንጋ ወግ ኹረዎም፡፡ 19 ማሪያም ጭን ዋ ዘንጋ እንእ በኺንሻ አወናች ትእየኩ ባነደ፡፡ 20.ዜማቸ ኽኖዋ መላአይካ ኤኤጂዮመኸ ኸረታ አሸዉዋይ በሰሙኦዪቢ ባሸዊ ዘንጋ እን ጐይታ ሽኩር ቧርም ቲያኸብጂ ተዠፖርም፡፡ ²¹ 21.ትከ ኹድ በቴኤፐ በሱዉንት ቀረኋ ዘገር ቢያጐኤዳ ቀረ ኢየሱስ ቧርም ሹቭ አወኖነ፡፡ እመዳ በአዶድኋ ከስ ታይቸና ሹወኋ ኢየሱስ ቧሪ ባረ ፤ኧጐይታ መላአይካ ኤኤደባ፡፡ ^{22 23 24} 22 ጐይታ ኧሙሴ ባቨን ቂጫ ‹‹ኢቴኝካ ኧኧች ወንድ እንእ ኧጐይታ ኧቨጠረ አአር ኧኽር›› ባረ ጣፈ ባነደ፡፡ 23. በኽም ኧቫአ ኧሙሴ ቂጫ ኤኤዝዝመኻ ኤቮጥርኰዳ ግዝየ ቲሰርአካ ኢየሱስ ኧጐይታ ዉርኤት ኧዉናር ጭዋጩየ ዌ ዉርኤት ቲቲኰ ኧኽትቭ እትንውት አነዎኸ ኢኢድ ኧረፐሬ ኧኸሬ ኽኖም አቴኤኖም፡፡ ^{25 26} 25.ኽም ግዝየ በኢየሩሳሌም ከተማ አት ሱምኦን ዩሪዳ ምስ ባነደ፡፡ኧጐይታ ኧትገዛ ጥርር ሰቭ ባነደ፤ መንፈስ ቅዱስ በኹዳ ባነደ፡፡ እም ምስ እእስራኤል ሰቭ ኢተርፉኮዳ ተስፋ ይእየ ባነደ፡፡ 26 ኹድቭ እግዜረ ኤኬሽነሁዋቴ ኧቫረ «ክርስቶስ» ታያዥ አይዎደኸ መንፈስ ቅዱስ ኤኤደን ባነደ፡፡ ^{27 28 29} 27.ኽም ግዝየ ስምኦን በመንፈስ ተንሳሳታ ቤተመቅደስ ከስ ገፓ ማሪያሚ ዩሴፍ ኧሙሴ ቂጫ ይቭርመኻ ትከ ኢየሱስ ቤተመቅደስ ከስ አጐፖዪ:: 28.ስምኦን ትከኹዳ ቴኤፐረ ኤኤፈንታ ጐይታ ቲያትሸኩር 29.‹‹ጐይቶ በቃራኸ ኧዝሬከኼመኸ ባሬያኸ በዎኼነድ አስራፕቴ›› ባረ፡፡ ^{30 31 32} 30-31 እኩ ሰቭ እን ኤተርፉዌ እንኸኖዋ ኹዳ በኤርኛ አሸኹ፡፡32. ሁድቭ አአረማዊ ሰቭ እንእ ኧጐይታ መያ ያቲሸኮታ እዋየነኹኖዋ ኧሰቭማኸ እእስራኤል ክብርን፡፡ ^{33 34 35} 33.ዩሴፍቭ ማሪም ኧትከ ኹዳ አአር በኤጅነ ዘንጋ ወግ ኸረዎም፡፡ 34.ስምኦን ዳረኖምታ አአዶድኋ ኧማረያም ዋኸ ባረና፡፡‹‹በእስራኤል በዋ ትከ ኧቫአ ኖኦራ ሰቭ ኢተርፍኬ ኖኦራቭ ሰቭ ኢወድእኬ እመዳ ኧጣፊ ኹዳ በኢየሱስ ሙጥጥ አአር ቢኢጅኮዳ ኹኖዋ መርኸት ኢኸርዎኔ፤35.ብእም ኧቫአ በሮኦራ ሰቭ ኺን እነዳ ኧደኧረ አሳብ ሰቻ ኢዋአኴ አሻይ ኺን ኻ ግዝየ ኧዊንኧድ ሰይፍ ዊገተን ኢዋአኬ፡፡ ^{36 37 38} 36.በኽም ግዝየ አአሴር ጥቭ ኧፋኑኤል ገረድ ኻና ዩሪያዳ ነቢ ባነች፡፡ ኺድቭ ቡሼኧኸ ገነዘች ባነደ፤ ታዎቼያ ግዚየ ቀነሰችታ ተቭስሻ እማቲ ሳቭአት ዘቨር በረፐረች ቀጥወ ምስሻ ሞደና፡፡ 37.ተኽም ቀጥወ ሱዉራዪ አርቭአት ዘቨር ቲኸርካ ስን ተቬተመቅደስ ታድጋፈር ዋእና ተምሳአረ ትጦምቪ ትጠልይቭ ጐይታ ታገክር ባነደ፡፡ በኽም ግዝየ ተኤነቨችታ ጐይታ አኸበደች፡ኧትከኹዳአር ኢተርፍኮዳ ተስፋ ዩኡሮዋ ኧረፖሩዋ ኧኢየሩሳሌም ሰቭ እንን ኧትክ ሁዳ አአር ቲኢድኮዋ ባነደ፡፡ ^{39 40} 39.ዮሴፍ ተማሪያም ጐይታ አቫረኖዋ ቂጫ እን በጀፖረዋ ቀጥወ ገሊላ ቢዩሪዳ ገኘ አነደ ኧናዝሬት ከተማኹኖዋይ ተዠፖሮም ዎርም፡፡ 40 ትከ ኹዳ ተራኧ ተፓቭ፤ ኖኦራ ኻሪ ኸረ ኧጐይታቭ ጠጋ ተኹዳ ባነደ፡፡ ^{41 42 43 44} 41.ማሪያሚ ዮሴፍ ኧኽርቭ ኽርቭ ኧፋሲካ ሙርአ ኢየሩሳሌም ከተማ ያሩዋ ባነደ፤ 42. ኢየሱስ አአስረ ዉርኤት ዘቨር ትከ ቲኸርኩዳ ኧገኘኹኖዋ ቂጫመኻ በኽርቭ ሙራኹኖዋ ቀረ ኢየሩሳሌም ከተማ ዎርም፡፡ 43.ኧሙርአ ቀረኹኖዋ ጆፖርም ቲትዠፖርታ እም ትከ ኢየሱስ በኽሜ በኢየሩሳሌም ከተማ ኤኬስ ባነደ፡፡ ዮሴፍቪ አዶድሞኻ አኋሩዋ ባነደ፡፡ 44.ተኽኖዋ እማቲ አነዳ አአር መሰረኖምታ ታይኺሩም አአት ቀረ መያ ዎርም፡፡ ተኻ ቀጥወ ጭን በደቦምኹኖዋዪ በራማጂሞኹኖዋ ሰቭ ግት ሴኤዊ፡፡ ^{45 46 47} 45.በዎ ኮሪ ቀጥወ ቲሱኢ የሩሳሌም ከተማ ተዦፖርም፡፡ 46.በዎኮሪ በሶኦስት ቀጥወ በአስተማሪ ግት ቸናታ ቲሰቭአኮታዪ መትሳእየ ቲትሳአርኮታ በቤተመቅደስ ከስ ነከዊ፤47.ቲዝሬካ ኧሰሙኤ ሰቭ እን በዎስርት ሞኻዪ በዠፐረኖም መልስ ወግ ኸረዎም፡፡ ^{51 52} 51.ተኽም ቀጥወ ተኽኖም እማቲ ናዝሬት ዪሪዳ ከተማ ወረ፡፡ ኹድ ኽኖዋ ኧዋሪያአር እንእ ኦክያ ዪቭኮዋባ፡፡ በኽም ግዝየ አዶድኋ ዋ ኢኸርካ ዘንጋ እንእ በኺንሻ አወናች ትእየኩ ባነደ፡፡ 52. ኢየሱስ ኧኋርትሞኋዪ ኧዎስርትሞኻዪ፤ ጉፓሞኋ በጐይታዩ በሰቭ ኢፍቲ፤ ቲደቭር ያር ባነደ፡፡