¹ ቢና ግት ኧቴፖዉዋ ዘንጋ ኢኢድካ ታሪክ ተዋ ኢፍቲ ኖኦራሁኖዋ ጣፉም። ² እም ታሪክ ኢና አሰንኧንረ ቲኢፍት ቆኖሹምታ ቤእርሁኖዋ አሸዊም ኧሁድሜ ቃርኋ ኢኢጁዋ ኧረፖሩዋ ሁኖተ ። ³ ኧትከበርኸ ቴዎፍሎሶ እመኸ ኢያ ቲኢፍት ቀረ ቀነስሁ እንእ አአር ቴጬፐሁ በሃርሁ ቀጥወ ታሪክኋ እንእ አጋ ባአጋ ኧጠፍነሄ ወሄ አአር መሰረ ተረከቨዪ። ⁴ እመዳ ኧዋርትና ኧትማርኸን ትምርት ኧዉረ አአር ኧኸረኸ ቲሂርኲ ትንቭርን፣ ⁵ በይሁዳ ገኘ በንጉስ ሄሮድስ ዘቨር ታአቢያ እማትሜ ቲያጌኪሩዋ ተሮፖሩዋ ካህን አት ሁዳ ዘካሪያስ ዩሪዳ ምስ ባንደ ፤ምሽትሞኋ አአሮን ጥቭ ባነቸ ፤ሹቩመሻ ኤልሳቤጥ ዩሪያ ባንደ፤ ⁶ ዉርኤቸመሁኖዋ በጎይታ ኢፍቲ ጥርር ሰቭ ባኖዉተ ፤አትአር አመር ታይረቭርዎዋ ኧጎይታ እዝዝሞሏ ቂጫሞኋ እንእንይኡሮታ አአር ባኖዉተ ። ⁷ ኤልሳቤጥ ዠገቫ ኧረፐረቺ ኧኸሬ ዉርኤቸመሁኖዋ ዴንጋ ታዪኢኙም ቡሼኧኸ ጎነዡም ባንደ ። ⁸ በህም ግዚየ በካህንነድ ያጌኪሩዋይ ተቬሻሞኋ ኧቤተ መቅደስ ሜና አጋሁኖዋ ባንደ ፤ብእም ሁዳ በጎይታ ኢፍቲ ኣካህንነድ ሜናኋ ዬቭ ባንደ። ⁹ ካህን ዬዉዋመኸ ኢጣን ኢተክሲ ኧርጥ ኧሰንአዌ ኧኸሬ ኧጎይታ ቤተመቅደስ ገፓ ባንደ። ¹⁰ በቤተ መቅደስ ከስ ኢጣንቲቶኩሺዳሰቭ እንእ በወረጀ ኢትሸከቭታ ኧጎይታይ ጠሎት ዬቭ ባንደ። ¹¹ ኧጎይታ መላአይካ ቢረድድካ ኢጣን በቀነ አጋድ ተሸከቨታ ኧዘካሪያስ ተረከቨን ። ¹² ዘካሪያስ መላአይካ ሁዳ ቢያዥኩ ድሪእት ኧደነኧኒ ፈኘ ። ¹³ መላአይካቭ ሁዳ «ዘካሪያሶ አትፍሬ አሎታኸ ተሰምነኸ ምሽትማኸ ኤልሳቤጥ ኧች ቲኢኝነኸዴ፤ ሹቩሞኋ ዮሐንስ ትኩቭዴ ። ¹⁴ እም ኧች በቶኦኝኋ አኸ ሳይተናኸ ትትቭራነእኬ ፤ኖኦራቭ ሰቭ ሁዳ በቶኦኝትኋ ኢሽርኩዴ። ¹⁵ ሁድቭ በጎይታ ኢፍቲ ኑኡየ ሰቭ ኢኸርኬ፤ያሰህርካ ዌይን ዌ ኤኛአአር ያሰህርካ አአር አይሰጭካ ባአዶድኋ ከስ ታነ ኧጎይታ መንፈስ ቅዱስ ኢትቬንአኬ ። ¹⁶ ሁድቭ ትእስራኤል ሰቭ ኖኦራሁኖዋ ኧጎይታ አምላክሁኖዋይ ኢዠፕርኮቴ ፤ ¹⁷ በመፈስቭ በደረግቭ ኧነቢ ኤሊያሰኸሂንተ በጎይታ ኢፍቲ ያርኬ ፤ አአቦሁኖዋይ ሂን ኧዴንጋ ሁኖዋይ አይታአዘዡዋ ሰቪ ሂን ኧፃድቃን ኧኋርተኸ ኢዠፕርኬ ሰቭ ኧጎይታ ያጔኲሩዋኸ ዬቭኬ»ባረን። ¹⁸ ዘካሪያስ ኧመላአይካ ሁዳ «ዋ ዘንጋ ኧዉረ አአር ኧኸረኸ በቭር ኧሃርሴ?ኢያ ባሪቅንሁ ምሽትመኛ ገነዘች » ባረን ። ¹⁹ መላአይካ ሁዳ ዠፐረታ «ኢያ በጎይታ ኢፍቲ ኧትከቭካ መላአይካ ገብሬኤልንሁ፤ዋ ወሄ ዋራይ ኢኢድሄ ኬሸዉኝታ ማአሁ። ²⁰ እኩ አኸ ግዚየኋ ቲሰርአካ ኸርካ አአር ብኒኢድኸ አናአመርኸዪ ኧኸሬ በዋ ኧቫአ ዋኤኤድከ ዘንጋ በግዚየኋ ቲኸር ስን አኸ ዲዳ ትኸርኬ ኧዞጉት አይኸነኸዳ »ባረን። ²¹ ኽም ግዚየ ሰቭ እንእ ዘካሪያስ በጎይታ ቤተ መቅደስ ቲዋአ ስን ዩኡሮይ ባንደ ፤ዋ ምስ ተቭር አቴረ ቧርሙታ ወግ ኸረዎም ። ²² ዘካሪይ ተቤተ መቅደስ ቲዋአካ ተሰቭ ሁኖዋ ቤኤመንጋ ህም ግዚየ ሁዳ በጎይታ ቤ መቅደስ ከስ አት ዘንጋ ኧታሸነኸ ኋርሙ ፤ሁድቭ በኧጅኋ ያቲሽኮዋ ባንደ ፤ህመኸቭ ዲዳ ኸርታ ነፐረ። ²³ ዘካሪያስ በጎይታ ቤተመቀደስ ሜናኋ በጀፐረ ቀጥወ ቢድኋይ ወረ ። ²⁴ ተቀሪ ቀረ ቀጥወ ምሽትኋ ኤልሳቤጥ ዉርኤት አርዋ ኸረች አምእስት በኘ ስን ተቪሻ አቧአቻ። ²⁵ ሂዳ «ጎይታ በወሄነድኋ አሸ ዋ ወሄ ዘንጋ ኤፐኒ ቅነጨመኛ ተሰቭ ግት አፈካኒ ባረች ። ²⁶ ኤልሳቤጥ ዉርኤት አር በኸረች በስድስ በኘሻ መላአይካ ገብሬኤል ናዝሪት ዩዉሪዳ ኧገሊላ ከተማ ያረኸ ጎይታ ኬሸን። ²⁷ ጎይታ ኧማሪያም ዩሪያዳ አአት ኣዘየ ገረዲ ኬሸን ሂዳ ኣዳዊት ጥቭ ኧኸረ ዮሴፍ ዩሪዳ ምሲ ፈቸዊያ ባንደ ። ²⁸ መላአይካ ገብሬኤል ኧማሪያሚ ማአታ «አሻ ጎታ ኧዳረናሽ ወገሬት አሻ ኧህር ጎይታ ታሽትን [አሻ ትሽቻ ግት እንእ ኧትዳርሽዋታንሽዋ አአር ] ባረና ። ²⁹ ሂድቭ በኤደና ቃር ቡሼኧኸኧደነኧናይ ኧኸሬ ዋዳ ኣኧተኸ ወጌምትን ይህርሴ?»ባረችታ አጫመጠች። ³⁰ ገብሬኤልቭ ኧማሪያም «በጎይታ ኢፍቲ ኧትረመድሽዋይ ኧኸሬ እፈኘሽዋ ፤ ³¹ አሽቭ ዉርኤት አርዋ ትኸይቴ ኣኧች ወንድቭ ቲኢኝዋቴ ሹቭሞኋ ኢየሱስ ትቪዴ፤ ³² ሁዳ ኑእ ኢኸርኬ ኧኑኡየ ኧጎያ ኧች ይዉሪዴ ግጎይታቭ አአቦኋኧዳዊት ዙፋን ኧሁዳ ኢኩዴ ። ³³ ብእስራኤል ሰቭ ኧዘላለም ኢረግስኬ ፤መንግስትሞኋ አያርእካ ኧዘለምን ባረና ። ³⁴ ማሪያምቭ ኧገብሬኤል «ምስ አሰንአቪ ዘየንሁ ኧተኸ ኢኢኝኬ?» ባረቸን። ³⁵ ገሬኤል ዠፐረታ «መንፈስ ቅዱስ ባሻ ኢቫአኬ ኑኡየ ኧኸረ ኧይታ ደረግቭ ባሻኢኸርኬ ፤በዋ ኧቫአ ባሻ ኢቴኤኝካ ትከ ቅዱስ ኧጎይታኧች ዩሪዴ ። ³⁶ ዶቦማሽ ኤልሳቤጥ በግርዝና ኧች ቲኢኝኬ ሂዳ ዠገቫ ዩዉሪያ ባንደ ዋአካ ርኤት አርዋ በኸረች ስድስት በኘነሻ። ³⁷ ኧጎይታ «ኢኢምኩዳ አአር አታ አአር ኤንዳ »ባረንና። ³⁸ ማሪያምቭ «ኢያ ኧጎይታ ባሪያንሁ አኸ ኧቫኸኸ ኧህርኒ»ባረቸን። ³⁹ ማሪያም ህም ግዚየ ኤኤልሳቤጥ ታዥካይ ተረሳችታ ይሁዳ ዩሪዳ ገኘ ቆቶ አኖዳ ከተማ አፍጣጠረች ወረች ። ⁴⁰ ኧዘካሪያሲ ኢድ ገፓችታ ኤኤልሳቤጥ አዝራይከቸና ። ⁴¹ ኤልሳቤጥ ኧማሪያሚ ቃር[ወጌምት] ተሰምአችመኸ በከስሻ ኧረፐረ ትከ ዘከረ። ቤኤልሳቤጥቭ መንፈስ ቅዱስ ሜንአቫ ። ⁴² ኤልሳቤጥ ቃርሻ ነሳችታ ኧማሪያም አሻ ትእሽቻ ግት እንእ ኢረእካአአር ጎይታ ዳረናሽ ኧከስማሽ ትከ ጎይታ ዳረን ። ⁴³ ሁድምሏ ኧጎይታኛይ አዶድ ኢያይ ትቫአካአአህር ኢያ ማደንሁ ? ⁴⁴ ኧወጌምትሻ ቃር ብእንዝርኛ ተሰምአሁመኸ ኧከስኛ ትከ በከስኛ ሳረን ዘከረ ። ⁴⁵ ጎይታ ኧዝሬከን አአር ዬቨኸ አአመርሽዋይ ኧትዳርሽዋታንሹዋ አአር ባረቸና። ⁴⁶ ማሪያም ፤ በቩርአ ሂንኛ ኧጎይታኛ አኸብድኩ፤ ⁴⁷ ኢያቭ ቡኡዛኛ ጎይታኛ ኖኦራአአር ኢሽሬ፤ ⁴⁸ ጎይታኛ ኢያ ኧቫሪያኋ እንስነድኛ አሸዪ፤ተዋቴ ኧሰቭ ጥቭ እንዳም ጎይታ ኧትዳረችዳኒያ አአር ይቭሬዴ፤ ⁴⁹ ኑኡየ ደረግ አነንዳ ጎይታ ፤ ቢያ ኑእ ዘንጋ ኤፐ። ሹብሞኋ ተሹዉ እንእ ቦፎረን። ⁵⁰ ጎይታ ኢፎርታ ሰቭ ፤ ጎይታ እንእ ግየ ኢቨርኮዋ ። ⁵¹ ጎይታ በገግኋ ደረግ ፤ ኑኡየ ዘንጋ ኤፐ ፤ ቲቢትሞሁኖዋ ተሂሞሁኖዋ አሳብ አጫሞጪ ሁዳ ጎይታ ብራጨዎም ። ⁵² ዳኘ ኧረፖሩዋ ሁኖዋ ፤ ተዙፋንሁኖዋ አወንደኖም ፤ ንሲየኖዋ አአር ኧሪዮዋ ሁኖዋ ጎይታ ነሳኖም። ⁵³ ኧጋደኖዋ ኖዋ ፤ በወሄ አአር አአፎኖም፤ ደንገኘሁኖዋ ጭን፤ ጠረረ ኧጅሁኖዋ ጔከደኖም። ^{55 54} እዜር አአቦንራ ፤ አአብራሃምቪ ኧዘርሞኋ ኧዝሬይከመኸ ፤ ኧዘላለም ፈነኸ ።ባረች ^{56 57 58} 56 ማሪያም ሶኦስት በኘ ስነጋ ተኤልሳቤጥ እማቲ በቸናች ቀጥወ ቢድሻይ ወረች ። 57 ኤልሳቤጥ ቲኢኝወዳ ቀረ ሰንአታ ኧኧች ወንድ ኤኘች ። 58 ወነኸመሻዪ ዶቦመሻ ጎይታ በፋራይህነድኋ ኤፐና ሜና ሶምኦምታ ተሂዳ ሳረኖምታ ኧሽኩርት ተዶሞጁም ። ^{59 60 61} 59 ትከ ሁዳ ቤኤኘዊ በሱዉት ቀረኋ ዘገር ያጎኦዪ ተዶሞጁም ፤ባአቦሞኋ ሹዉ ዘካሪያስ ዩዉሪ ሴኤዉም ባንደ።60 አዶድሞኋ አይኸርካ ዮሐንስ ቧሪ ባረች ። 61 ሁኖም «ተዶባሽ በዋ ሹቭ ኦሆኖይ አአር ኤንዳ »ቧሪያ። ^{64 65 66} 64 ህመጋ ዲዳ ኧረፐረ ዘካሪያስ ዳታኋ ተከፈደ አነቨድሞኋ ተፈታ ኧጎይታቭ ሽኩር ቲቭር ዝሬከ ። 65 ኧቃያ ሰቭ እንእ ተቭራኮጉምታ ወግ ኸረዎም እም ዘንጋ በቆቶዊየ በይሁዳ ገኘ እንእ ተሰምአ ። 66 ኧሰምኦዋ ሰቭ እንእ«አካ ዋ ትከ ምር ኢህርሴ? ቧርሙ በሂንሁኖዋ ያትዋኖዋ ባንደ ።ኧጎይታ ደረግ ተትከ ሁዳ እማትሜ ባንደ። ^{67 68} 67 ኧዮሐንሲ አቦ ዘካሪያስ በመንፈስ ቅዱስ ደረግ ኸረታ ዋኸ ባረታ ትንቢትብ ዝሬከ። 68 እእስራኤል እግዜር ሽኩር ኧስርአኩ ሰቭኋ አሸታ ቴተገኖም ። ^{69 70 71} 69-70 ተድረ ቆነሹምታ ኧረፖሩዋ እእግዜር ቃርኋ ኤኤጁዋ በሸፐተኖዋ ነቢ ኤኤደኸ ጎይታ በአገልጋይኋ በዳዊት ጥቭ ያተርፊ ደረግ አነነዳ አአር ነሳንረ ። 71 ያተርፈንረዳቭ ሁዳ ተጠላትመንራዪ ታይረምደንረቭ ሰብ ኧጅን። ^{72 73 74 75} 72-73 እመኸ ኤፐ ሁዳ አአቦንራ ምረት ኤኬ ባረ ኧዝሬከንኸ አአቦንራ አአብራሃም ኧገፓን ጉርዳ በዙጉጅትን። 74-75 እም ኡርዳ ኧገፓንረ ፤ ኢና ተጠላት ኧጅ ነጣ አዋአንረ ፤ ታንፈኝነ ኧሁዳ ናጌኪርነኔ ፤ እመኸ ብነቭርኔኮዳ ዘቨር እንእ ፤ በጎይታ ኢፍቲ በጥርርነድ ፤ በፅድቅ[በቩጭርነድ] ንረቭርነነኸ ። ^{76 77} 76 አኸ ትኮ ኧሩኡየ እግዜር ነቢ ዩቩኮዴ ፤ መያሞኋ ቲጔኲሪ ኢኢፍት ኢኢፍትኋይ ታርኬ ። 77 እመዳ ኧዋርት ጎይታ ሰቭኋ በቫጢርሁኖዋ አፉ ባይተ ያተርፍኮኸ ቲኢድኮቴ ⁸⁰ 80 ትከቭሁዳ ተራኧታ በጎይታ መንፈስ ተቁሟሞረታ ሜናሞኋ እእስራኤል ሰቭ ቲያትሄር ስን በቨረሃ ነፐረ።