¹ .ኢየሱስ ተኢያሪኮ ከተማ ግት ያር ባ፡፡ ² .በኽሜ ሹሞኋ ዘኪዎስ ዩሪዳ ኧቀረጥ አለቃ ባነ፡፡ ኽድ ደንገኘ ባነዳ፡፡ ³ .ዘኪዮስቭ ኢየሱስ ዩሪዳ ኧተዳ ኧኸረኸ ያዢ ይሲእ ባነደ፤ ቢኸር ጉፓኋ ኤኤር ኧኸሬ ተሰቭ ዲባሽ ኧትረሳ ያዝኩይ አንኸረነዳ፡፡ ⁴ በኽም መያ ቲያርካ ዘኪዎስቮ ኧኢየሱሴ ያዥኪይ ኢኢፍትኋይ ቲትራወኧ በአት ሸብራ ኤኧ ፎር ኧኗ፤ ⁵ ኢየሱስቭ ኧዋ ኧሸብራ ኤኧ መዬ ማአ ቲሰራአካ ፎረ ኤፐ አሸንታ‹‹ዘኪዎስ ኦኳ ታኸ እማትሜ በቪዳኸ ኧወርኦሞ ኖእታ ውረድ›› ባረን፡፡ ⁶ ተራወኧ ወንደታ ኢኢየሱሰ ሳረንታ ቴኤፐረን፤ ⁷ ኧነፖርዋ ሰቭ ኧኹዳ ቤድ ቲጋአታ አሾምታ ኢኢየሱስ ተባጢረተኘ ምስ እማቲ ይቨራይ ገፓ›› ባሪምታ በኺንኽኖዋይ ቁጮጮምተኛ፤ ⁸ ዘክዮስ ጭን በጐይታ ኢየሱስ ኢፍቲ በሸከፈታ ‹‹ጐይታኖ ታነኒታአር እንእ ግትኋ ኧዚጋ አቭሲ፤ በማኒም ሰቭ ቀቀኹ ኧወሰድኹንዋጋ በረፐረ አርአት ኧጅ አኝቶኽ ኧዝቨሴ›› ባረን፡፡ ⁹ ኢየሱስቭ ‹‹ዘኪዎስ የአብረኻም ዘርን ኦካ ኧዋ ቢድ ሰቭ ተነፍም፤ ¹⁰ ይኸርካአነ ኧሰቭ ትከ እቫአ ኧኧኝ ይሲኤሜ ያተርፊሜ ማአ ባረኖም፡፡ ¹¹ ኢየሱስ በሟሟካ ይዝረኩዳ ቃር ቲሰኦም ኢየሱስ ኢየሩሳሌም ከተማ ተኤነቨ፤ ኖኦራ ሰቭ ኧጐይታ መንግስት ኧተኤነቨአር መሰረኖም፤ በኽም ኧሟአ ኢየሱስ ዋ ሟሟካ ኤኤደኖም፡፡ ¹² ንኩስ ተረገሽተ ይማአይ ኖኢ ገኘ ወረ፡፡ ¹³ ኢፍቲ አስር ሜነኝኋ ኸናኖምታነ አጦጣኽኖዋ ብር አመኖምታ ‹ትንሟአ ዳር አቂጭኮ› ባረኖም፤ ¹⁴ ምስ ኧገኝኋ ሰቭ ይጦረይ ኧነፐሬ ዋምስ ቢና ፎር ይትረገሴ አሲኤነዳ› ቲይርዋ ኹድቭ በወረ ቀጥወ ኪሽረኝ ኬሽኮ፡፡ ¹⁵ ጭን ዋም ምስ ተባሰማአ በቫአቀወ ብር አቨነዋ ሜነኝኋ ምራካአር አተነፎዋኸ ይሳአርኮይ ኹሮዮዋ ባረ፡፡ ¹⁶ አአወተረ ሜነኘኋ ኢኢፍትኋይ መአታ ኦረፖይኞ ባኼ ብር አቄጥኹ አስር ኧድ አተነፍወ› ባረን፡፡ ¹⁷ ንጉስ ኹዳ ኤመነኝ አኸመቴ ሜነኝ ወኼቃር ኤፐኸ፤ ብኢሲያአር የታመርኼ የኸሬ በአስር ከተማ እዳም ሾምከ›› ባረን፤ ¹⁸ ቴኤነቨታ ንጉሶ ባኼ ብር አቄጥኹወ አምስት ኧጀ አተነፍኹወ›› ባረን፤ ¹⁹ ሜነኝ ‹‹አኸ በአምስት ከተማ ሾምከም›› ባረን። ²⁰ ኧሶስተኘ ሜነኝ ኧንጉስ ኹዳይ ቴኤነቨታ በጨርቅ ጥቫነርኹንታ ደኧርኹን አወናኹ ብራኸ እኩ፡፡ ²¹ ንጉሶ አኸ አናወነኸናአር ትወሰዲ አንዘናኧናአ ቁጥቁጥ ቴቭካ ምስ ኧኸርሄ ፈኘከ ባረን ። ²² ንጉስቭ ሁዳ አኸ ሙጥጥ ሜነኘ በዝሬከኸን ቃር ኧፈርድቨኸዴ አናወናሁን አአር ኧትሳአርካ አንዘንአሁንቭ አአር ቁጥቁጥ ኢንአካ ሙጥጥ ሰቭ ኧኸርሁኸ በሃርኸ ፤ ²³ አካ ኧቭር ፈራክኛ ተትርፍሞኋሜኤተሁ ኧዎስድኮኸ ኢንአወዳ ሰቭ ኧቭር አናኸዳ ? ²⁴ ንጉስብ ሁዳ በህመኸ ኧትሸኮዉዋ ሰቭ «ሃአ ዋጋ ቢጆዪታ አስር ኧጅ አተነፈ ሁዳ አቪ ባረኖ ። ²⁵ ሜነኘቭ ሁኖም ኧንጉስ ሁዳ ጌታንሮ ኧሁዳ አስር ኧጅ ትርፍ አነነ ቧሪ። ²⁶ ኢያ እቭሁዋ አነንዳ እንእን ኢደዉርነ ኤነነሁዳ ጭን ህም አነንዳ እንሲየ ሁዳ ኢዎስጅኰ ። ²⁷ በሁኖም ፎር ኧረግሲ አሳረኖዋ ባራጋራኛ ዋይ ኦኦዮሙታ ቢኢፍትኛይ ኡትሪዮዋ ባረኖም ። ²⁸ ኢየሱስቭ ዋ ሟማካ ቤኤደኖዋ ቀጥወ መያኋ ቀነሰ ። ኢየሩሳሌም ከተማ ያሪ ተተማሪኋ ኢፍት ኢፍቲ ያር ባንደ ። ²⁹ ደብረ ዘይት ዩዉሪዳ ቆቶ ሚዬ አኖዉታ ቤተፋጌምቪ ቢታኒያቭ ዩሪዮታ ቃያ ቲሰርአካ ዉርኤት ተማሪኋ ኢኢፍትኋይ ወኸ ትይቭር ኬሽኖም ። ³⁰ ቢኢፍታሁዋይ አነዳ ቃያ ሆሩዋ ፤ህሜ ትትሰርኧታ ገና አትቭ ሰቭ አቸናወ እእቫር ገንገር ባአኮጂ ኤኤዲ ትንኮዉዋሴ ፤ፍጆሙታ ዋይ ኦኦይ ። ³¹ ማንኝእም ሰቭ ኧቭር ትፎጄ ባይተ ቢትሳአርሁዋ ኧጌታ አትሴኤን ቧሪ ባረኖም ። ³² ኧኬሾዉዮዋ ሰቭ ዎርሙታ ኢየሱስ ኧቫረኖመኸ ኖኮዊ ። ³³ እእቫር ገገር ሁዳ ቲፎጄዳ እቫር ኧኸረኖዋ ሰቭ «ዋ እባር ኧቭር ትፎጄ?» ቧሪዮም። ³⁴ ሁኖም «ኧጌታ ያትሲእኩ» ቧሪዮም፤ ³⁵ እእቫር ገገር ሁዳ ኢኢየሱሲ አዎኦዪ ሁጅርመሁኖዋ በፎርኋ አተጉኰታ ኢየሱስ ኔከቨን። ³⁶ ቲያርታ ኢየሱስ ቢያርዎዳ መያ ሁጅርሁኖዋ ኢዝራኮነ ባነደ ። ³⁷ ኢየሱስ ኢየሩሳሌም ከተማ ኢጋአይ ደብረ ዘይት ቆቶ ገዳኒየ ኢዎይኦዋይ ቲቴኤኖዉታ ተማሪሞኋዪ ኧትሄተሪቭ ሰቭ ሳረኖም፤ሁኖም ኢየሱስ ኤፐን ወግ ዘንጋ አሰዉም ባንደ ፤ቃርመሁኖዋ ነሾሙታ ኧጎይታ ሽኩር ኧዋርት ቆነሹም። ³⁸ «በጎይግት ሹቭ ኢቫአካ ንጕስ ኧርዳረዳን አአር፤በሳቫይ ሽኛት ኧጎይታቭ ክብር ኧህር ቧርሙ ። ³⁹ በሮኦራ ሰቭ ግት ኧሮፖሩዋ አታት ኧፈሪሳ ሰቭ «አስተማሪዮ ዋ ተማሪያኸ ቁስ ቧሩዋ ባኮዋ»ቧሪ። ⁴⁰ ኢየሱስቭ ዠፐረታ «ኢያቭ ሁኖዋ ቁስ ቢዩሩዋ እቭር ዳር ኢዝረኵቴ»ባረኖም ። ⁴¹ ኢየሱስ ኢየሩሳሌም ማአ ቲሰርአካ ኢየሩሳሌም ከተማ አሽታ ᎆከ ፤ ⁴² « ምር ባኖደ ሽናት ኢኸርካ ሁዳ ተሃርኸ ዋአካ ጭን ዋ ዘንጋ ቴኤራኸ ተደኧረቨኸ ፤ ⁴³ ባራጋራኸ ትእንቭ አጋድ ኦኡር ህይተዉዋታ ያትጨንቅኮዳ ወቅት ኢቫአኬ ። ⁴⁴ አሁም በዋ ከተማ ትረዉርታ ሰቭ ዮኦትርኩዋቴ። ከተማሁዋ እቭር ብእቭር ፎር ዳር ኧኝኧተ ታ ሃአይ ኢዳስኬ ባኸቭ ከስር ኢረዉርታ ዴንጋ ታአፈር ኢትራኦርቴ እመኸቭ ኢኸርካ ሁዳ ጎይታ ያተርፍሁዋይ ኧቫአወ ወቅት አሃርሁዋይ ኧኸረደኔ ባረኖም። ⁴⁵ ኢየሱስ ቤተ መቅደስ ገፓታ ፤በቤተ መቅደስ ከስ ያቂጭታ ሰቭ ኦኦት ቀነሰ ። ⁴⁶ ኢየሱስቭ «ቢድኛ ኧጠሎት ቢድ ኢከርኬ ቧርሙ ጣፊ ባንደ ፤አሁዋ ጭን ኧፈንገያ ዋሻ ኤፐኊ »ባረኖም ። ⁴⁷ ኢየሱስቭ እንእ ቀረ በመያሞኋ በቤተ መቀደስቭ ያስተምር ባንደ ፤ህም ግዚየ ኧካህናት አላቃዪ ኧሙሴም ቂጫ አስተማሪ ኤኛ ኑእ ኑእ ሰቭ ኢኢየሱስ ዮኦትሪ ኢሱኡዋ ባንደ። ⁴⁸ ቢኸርቭ ጭንሰብ እንእን ሁዳ ይቭካ አአር ኢሰቭኦዪ ሂንሁኖዋ ሁዳይ ኧትፖሩዋይ ኧኸሬ ዮኦትሪ ኧሴኧዉዋ ሁኖዋ አታአር ኢንኦዋይ አኸረኖታ ።