¹ በሰበት ቀረ ኢየሱስ አአት ኧፈሪሳ ገኘ ሰቭ አላቃይ ቢድ ሸረድ ኢቨርአይ ገፓ፤እም ኧፈሪሳ ሰቭ ሁዳ ኢኡሮይ ባንደ፤ ² በህሜ ሙርአ ሰቭነድኋ ኧረፋን አት ምስ ብኢየሱስ ኢፍቲ ባንደ ፤ ³ ኢየሱስቭ ዠፐረታ ኧሙሴ ቂጫ አስተማሪምቭ ኧፈሪሳ ሰቭ በሰበት ቀረ ኤኤመኖዋ ሰቭ አትርፉት በሙሴ ቂጫ ተፈቀደዪዌ? አንትፈቀደዳ ? ባረኖም። ⁴ ሁኖዋ ጭን ቁስ ቧርሙ ፤ኢየሱስ ኧቫ ሁዳ ተበጠንታ ተቫአሸኋ አተነፈንታ ፤ቢድኋይ ያረኸ አስራፐተን ። ⁵ ሃአቨ ዠፐረታ «በሰንበት ቀረ ኧችኃ ዌ ባዉራኋ በጎጀ ቢወይአወ ህመጋ አያዋአ ሰቭ ታሁዋ ማንተን ? ባረኖም። ⁶ ሁኖም ኧዋ ዘንጋ አአር ዩቩርታ አአር ቦኮርሙ፤ ⁷ ኧድግስ እኧሆኖዮዋ ሰቭ ኧክብር ኤኤዲ ሜጠርሙታ ኢቸኖዋይ ቲያትዋትርታ ኢየሱስ አሸታ ዋኸ ቲቭር ሟሟካ ኤኤደኖ። ⁸ «ማንኝእ ሰቭ አዠቨኘ ቢኸራከ ሆይተኸ በክብር ኤኤዲ አትቸራ ዌ ታኸ ኢረእካ ሰቭ አዠቨኘ ሆኖዪ ኢህርሴ። ⁹ አኸዪ ኧሁድቭ አዠቨኘ ኧኸናናሁዋ ምስ ሜኤተታ ኧዋ ምስ ኤኤድ ግፍርነታ ኢኢ ሆርታ ቸራ ቲይኸዳ ህም ግዚየ ቅቨጨኸታ ኢኢ ትቸናይ ታር ። ^{10 11} 0 ቢኸርቭ አዠቨኘ ኧኸናናኸ ምስ አቦጎዳኞ ኢኢፍቲ የኸታ ቸራ ይቭሄ አወተረ ኢኢ ሆርታ ቸራ ህምጋ ታኸ ተቸኖዋ ሰቭ እንእ ኢፍቲ ክብር ትንከቭሴ ። 1 ገግኋ ከፈ ከፍ ዬቭካ እንእ ኢትዋረድኬ ፤ገግኋ ያቲኢስካ እንእ ኑኡየ አአር ይህርሴ ባረኖም። ¹² 2 ኢየሱስ ኧድግስ ኧኸናን ምስ ኧዛፍ ዌ ኧርቫድ በደገስኸጋ ፤ኖም ባአጋሁኖዋ ኢሁሮኝሴ አጅግመኛ ኢዣዉርኒሴ ባይተኸ አቦጎዳኸ፥ኧሰማኸ ዌ ደንገኘ ወነሃኸ አትህራ ። ¹³ ዘንጋ ጭን ድግስ በደገስኸ ቀረ ዚጋ ኧሆሩዋ እንዱንር ጅረዪ ፉርጥቭ ሁኖዋ ህራኮዋ ። ¹⁴ ሁኖም አጅግ ኢዥፑሩዋይ አይኸኖዋይ ኧከሬ በረካ ትንከቭሴ ኧዎጁዋ ፃዲቅ ሰቭ ቢትረሸኮዳ ቀረ ጎይታ አክጋኸ ኢዣቭርነኸሴ» ባረን ። ¹⁵ 5 ኧድግስ ተቸኖዋ ሰቭ አት ሁዳ ዋ ኢየሱስ ኧዝሬከን ቃር ሰምአታ በጎይታ መንግስት ገፓታ ሸረድ ኢቨርአካ ኧሳርኩ» ባረኖም ። ¹⁶ ኢየሱስ ጭን «አት ምስ ኑእ ድግስ ደገሰ ኖኦራቭ ሰቭ ኸና፤ ¹⁷ ኧድግስ ሁዳ ግዚየ ቲሰርአካ ኧሆኖዮዋ ሰብ የሁዋ እንእ አአር ፈኧረ ባይተ ኢኸራኮይ ኧቪድ ሜነኘ ኬሸ ። ¹⁸ ቢኸርቭ እንእመሁኖዋ ንቫአኔ አያሰርአንረዳ ቧርሙ። በተረ አት ሁዳ ኣሲየሁን አፈር አዢ ኧሆርት አነቪ ኧድግስ ሁዳይ ባኖኦትኛ ባትቨኧችቪ ኧሰኧርኸ ባረን። ¹⁹ አትቭ ሁዳ አምእስት ጥማድ ቧዉራ ስየሁ ኧተኸ ኢቹጁዋኸ ኧፈትሽኮዋይ አርኬ ኧድግስ ሁዳይ ባኖኦትኛ ባትቨኧችቪ ኧሰኧርኸ ባረን። ²⁰ አትቭ ሁዳ ምሽራ አገፓሁ ኢቭ ምሽረኘንሁ፤ ህመኸ ኧኸሬ አንቫአካ »ባረን። ²¹ ኧቪድ ሜነኘ ሁዳ ማአታ ኧዋሪ አአር ያረቭርኩዳ ምስ ኤኤደን ፤ህም ግዚየ ድግስ ኧደገሰ ምስ ቡሼኧኸ ማአቸታ ኧቬነኘ ሁዳዋኸ ባረን፤ ካች ባርታ በመኪና መያሞኋዪ በኧግርቭ መያሞኋ ሆርታ ዚጋ ኧሆሩዋ ሁኖዋ እንዱንር ኧሆሩዋ ሁኖዋ ጅረ ዪ ፉርጥቭ ኧሆሩዋ ሁኖዋ ኢያይ ኢዎኦዋኸ አዉድኮዋ ባረን። ²² ኧቪድ ሜነኘ ሁዳ ተኬሸዊ ኤኤዲ ማአታ ታረቭሬዳ ምሶ ወርሁህራ ኧባሄኸ ኸናሁ ቢኸርቭ አሞኦታ ዋአካቭ ኢርችዕካ አንቸኖከ ኤኤዲ አነ ባረን ። ²³ ያርቭርኩዳ ምስ ሁዳ ኧቪድ ሜነኘኋ «ቢድኟ ቲቬንአ ስነጋ ተከተማ ሰቻኋይ ባኖዉታ ሜያ በቃያ አኖዉታ ሁኖዋ እንዳም በግርድ ጥጥታ አግቭአኮዋ ባረን። ²⁴ ኢያ እቭሁዋ ኢኢፍቲ ሜጠርሙ ተሆኖዮዋ ሰቭ እማትሁኖዋ ስን በዋ ድግስኛ አይቆሙሽታ »ባረን። ²⁵ ኖኦራ ሰቭ ቲኢየሱስ እማቲ ያሩዋ ባንደ ፤ኢየሱስቭ ተዘፐርታ ዋኸ ባረኖም ፤ ²⁶ ማንኝእ ሰቭ ኢያይ ኢቭአይ ቢሲእ አቭ ታአዶድሞኋ ኧቴእ ምሽትሞኋዪ ዴንጋሞኋ ኧቴእ፤ ኧሰም ኧተምሞኋ ኧቴእ ፤ኧገግሞኋ ነብስኋዳር ኢያ ቲቭር ባንቸኧ ኢያይ ተማሪ አይኸርካ ። ²⁷ ማንኝእም ሰቭ ኧገግኋይ መሰቀል ፈኒግተታ ቲኢኛይ አይትሄተሬ ኢያይ ተማሪ አይኸርካ ። ^{30 28 29} ታታሁዋ አት ሰቭ ግንብ ቢድ ያረሺ ቢሲእ ምርአካ አአር ያዋአኸ ብድይተ ቸየተ ወጪኋ አያጫምጥ ማንተን? 29-30 ሃባኸረ ኧቪድ ጓር አትሰከብታ ኧሱኡን ቢድ ኦሮሽት ቢዪኢምኩ አሸን ሰብ እንእ ዋ ምስ ምር ይቩሪ ? «ቢድ ያረሺ ቀነሰታ ኧጃዉርት ኤመን» ቧርሙታ ኢቆርጪ ። ^{31 32 33} 31 ዌ አት አስር ሁቭ ጋዘኘ አነንዳ ንጉስ ሆይተታ ቴኤኛ ገኘ ንጉስ ኢትዋካይ ቢሲእ ሁይአ ሁቭ ኢትዋካካ ጋዘኘ ታነንዳ ኑጉስ ኢትዋካይ ቢኸር አካ ሁዳ ባአስር ሁቭ ጋዘኘኋ ኢትዋካይ ኢኸነ አይኸነ ብደይተ ቸየተ አያጫምጥ ንጉስ ምር ንጉስን ? 32 አይኸነ በኸረ ህም ንጉስ ኢትዋካይ ገና ተሮኢ ቲቭአ ታነ ኪሸረኘ ኬሸታ ንትቂያቨጥነ ይቭኩ ፤ 33 አካ እመኸ ታሁዋ ማንኝእ ሰቭ አነንዳ እንዳም አይችእ ሁዳ ተማሪኛ ኢኸሪ አይኸነዳ ^{34 35} 34 ሃአቭታ ኢየሱስ«በኧድ ወሄን አአር በኧድ ቸቭናኋ በቨከረ ጭን በቭር የእቭሴ ? 35 ኧዋኸ በኧድ አአፈርቭ ኸረ ኧመዳበሪያሞኋ አያዎዲ ኧኸሬ ወረጀ አዎኦሙ ኢቋሺ ፤ኢሰቭአካ እንዝር አነንዳ ኧስቭአ»፤ባረ ።