¹ ሰቨ ወይ ተሰቨ አጋድ ታይኸር በኢየሱስ ክርስቶስ ኣኹብ ተውንድ ኧረሳን በአብ ጎይታ ኪሸረኛ ኧኸረ ተትኸና ጳውሎስ ፤ ² እማትሜ ታነውታ ኧሰማትመኛ እንእ ፥ተአቦመንራ ጎይታይ ተጌተመንራ ኢየሱስ ክርሶትስ ጠጋይ ወገሬት ኧኽር ። ^{3 4} ኧጌታንራ ኢኢያሱስ አቭመኸ ፍቃድ ተዋ ሙጥጥ አለም ያተርፈንሬ ቲይር ኧቫጢንራ ገግኋ አቨ ⁵ ፥5. ኧዘላለም ክብር አአባንራ ኧኽር አሚን ። ⁶ . በበክርቶስ ጠጋ ኧኸናናኹዋ ኹዳ ኸር ቼኤኹምታ አትቫተርኹም ኧኤኛ ወንጌል ኧተኸ ኧኾርታኹዋ ገረመይ ። ⁷ ኧውረሻአር በኸረ ኤኛ ወንጌል ኤነዳ ። ያድቫቨርኹዋታይ ኧክርስቶስ ያጥዋጥዋይ ይሲኢዋታ አታት ሰቨ አነዋ ። ⁸ . ዘንጋ ጭን ኢና ብንኸነ ወይ ኧሰቫት መላይካ ቢኦርዋ ቴኤዲኔኩዋ ወንጌ ኤኛ ወንጌል ይኢጅኩዋታ ኹኖዋ ኧዘላዓለም ኧሰተዋአር ኧኹርዋ ። ⁹ ኧዋኢፊቲ ኧቫኔኩዋመኸ ፥ዋአካ ኻአቭኹ እኹዋ ፥ ማኒሞኋ ቢኸር ተቴኤፐርኹይ ኤኛ ቡጭር ወንጌል ይኢትኹዋታ ኹዳ ኧዘላዓለም ኧሰተቫአር ኧኽር ። ¹⁰ ባቴ ኢያ ሰቨ ያጋጊዘይ ኧሲካአር ይቨስርኹዋ? ወይ ጎይታ ያጋጊዘይ ወይ ሰቨ ይሳርኩሴ ባኹታ ኤቭካአር ይቨስርኹዋዌ? ሰቨ ይሳርኩሴ ባይተኩ ኤቭካ ሰቨ ብንኸር ኧክርስቶስ ባሬያ ባንኸርኋ። ¹¹ ኧሰማትኞ ኤኤትኩዋ ወንጌል ኧሰቨ ሜና አንኸረከ ቲኺርዋይ ኧሲእ ፥ ¹² ተአት ሰቨ አንቴኤፐርኩንዳ ተአትሞኋ አተማርኹዳ ፥ ይረካሞኋ ተታሼ ተኢየሱስ ክርስቶስ ቴኤፐርኹን ። ¹³ ኧዋኢፊቲ በአይኹድ ኻይማኖት ኧተኸ ኧረቭር ኧነፐረኸ ኧጎይታ ቤትክርስቲያን ቡሼኤመኸ አሳትድሜይ አአይሜ ቡሼኧኸ ኧተኸ ጃድ እር ኧነፐረኸ ሰማኹም ፤ ¹⁴ ቢያ እድሜ ዘቨር ተረፖርዋ ትኖኦራ አይኹድ ሰቨ ይረእ ተአይኹድ ኻይማኖት ኧረእባ ፥ ኧአቦንራይ ንቭ ትንር ሟነታመ ባነኾ ። ¹⁵ ዘንጋ ጭን ተቶኾኝትኛ ኢፊቲ ጌተ ኤቬጤሬ በጠጋሞኋ ኧኸናይ ጎይታ ፤ ¹⁶ በአረማዊ ግት ኢኢየሱስ ክርስቶስአር ኢኢዲይ ኧጎይታ ኧች ቢያ ይትረከቪ በረመደ ግዚየ በሰር ተትኸተረ ሰቨ ተአትሞኋ አትማከርኋ ፥ ¹⁷ ቲያ ኢፊቲ ኪሸረኝ ኧኾርዋ ኹኖይ ኢየሩሳአሌም ከተማቭ አባአኋ፥ዘንጋ ጭን ኽመጋ አአረብ ገኝ በዋአኹ ቀጥወ ደማስቆ ተዠርኹ ። ¹⁸ ተሶኦስት ኽርቭ ቀጥወ ጴጥሮስ ኧስኩይ ትንር ኢየሩሳአሌም ከተማ ዋአኹ ተኹዳ እማትሜ ውሬት ሳምት ስን ቸናኹ ። ¹⁹ ዘንጋጭን ተጌታንራ ተኢየሱሲ ኧሰም ተያቆብ ኤኛ ኪሸረኛ ቢኸር ስርም አናሽኹኖታ ። ²⁰ ብጠፍነኹዋአታ ዘንጋ በጎይታ ኢፍቲ ኤናአር አኒኢድመኸ ትንዚሬካ አጬግኹ ኢኢቱኹዋ ። ²¹ ተኻ ቀጥወ ኧሶሪያ ገኝሜይ ኧኪልቅያቭ ገኝወርኹ ። ²² ገኝ አንውታ በክርስቶስ አአሞርዋ ሰቨ ኧዋኢፊቲ ኢፍትኛ ኤሽተዋ ባይኺርዳ ። ²³ ኹኖዋ ጭን «ኧዋኢፊቲ ኢና ያሳድድ ኧረፐረ ምስ ኧዋኢፊቲሜ ያአይኩይ ይሲኩ ኧረፐረ እምነት ኻአቨ ይኢድ »ይካ ዋራይ ሶሞም ባንደ ። ²⁴ ቢያቭ ኧቫ ኧጎይታ ሽኩር ይርዋ ባንድ ።