¹ 1 ተአስራ አርቫት ዘቨር ቀጥወ ሃአቭሁታ ኢየሩሳአሌም ከተማ ዋአሁ በኽም ግዚየ ተቫርናባስ እማትሜ ባነነደ ቲቶቭ ጠበጥሁንታ ወርሁ ባንደ። ² ኧወርሁ ጌታ ታቴሼ ወኼዘንጋ ኧትረሳ በአረማዊ ግት ኢኢድኩዳ ወንጌል ኧዋሰቨ አቲሽኮኔ።ኧኽር ባኻሬ ምስተኸ እመኸ ትራወእ ወይ ኧትራወሁ በኸረ ትንፈይ ኑእ ይዎስርታ ሁኖዋ ጌከርሁ አትኼርሁኖም። ³ ቲያ እማትሜ ኧረፐረ ቲቶ ስን ኧግሪክ ሰቨ ቢኸር፤ዘገር ያጎኦይ አናጨኖቂ ባንድ። ⁴ ዋ ዘንጋ ኧትረሳ አታት ኤነ አውጅወድ ኧሰማትንራ በክርስቶስ ኢየሱስ ኧረከቭኔ ነጣነድ ይሰልልዋይ ባሬያ ዬውንሬ በግትንራ ተስረነጩም በጉኦትሁኖተ። ⁵ ኧዋሰቨ እእማት ግዚየ ስን አትገዛዜኔኖታ ።ኢና ጭን ኧውረ ኧኸረ ወንጌል ባሁዋይ ታይሽጋገር ይረቭረኸ ኧቀሪጋ ስን ኧዋሁኖዋ ኧጅ አናቭኔ። ⁶ . ኑእ መሰርሙታ ይትረከውታ ሰቨ ሁኖዋ ኢያ አታአር ምሰይተ አትረከቬዳ ጎይታ ኢፍት ኤሽተ አያጥቌካ እም ሰቨ አታአር ኤኪሸርኛ ቧርምታ ኤደፖኒአር ኤንዳ። ⁷ ዘንጋ ጭን ኧጴጥሮስ ዘገር አገፖዮዋ ሁኖዋ ይኢደኸ አደራ አዊመኸ፤ኢያቭ ዘገር አናጎፖዮዋሁኖይ ወንጌል ኢኢድኸ አደራ አውኝኸ ጌከርሁ ኻርሁ። ⁸ ጴጥሮስ ኧአይኹድ ኪሸረኝ ይኸረኸ ኤፐ ጎይታ፤ቢያቭ ኧአረማዊ ሰቪይ ኪሸረኝ ኧኸርሁመኸ ኤፐ። ⁹ ዋና ኧቤተክርስቲያን መሪዋ ኧዋሪዮዋ ያቆብይ ጴጥሮስቪ ዮሐንስቭ ጎይታ ዋኸ ሜና ዬቨኸ ዃርሙ።ኹኖም ኽመጋ ኢያቭ ኧባርናባስ ኧጅንራ ጠቦጭምታ «ኢናቭ ታኹተንረ»ቧንረ ፥ ኢናቭ ኧአረማዊ ሰቪይ ናኔ ሆኖምታ ኧይኹዳ ሰቪይ ያርዋኸ እንመንራ ተስማማነ ። ¹⁰ ኢና በግትዅኖዋ አነውታ ዚጋ ሰቨ ንረዳኔዮይአደራ ቧንረ ፤እመዳቭ ኢያ አትቫቀርሁ ኤፐሁን። ¹¹ ጴጥሮስ አንጸኩያ ከተማ በቯአይ ኧውረ በኸረ ኢፋድኋ ኢፊት ኢፍት ቡሼኧኸ ማአቸሁወ ። ¹² አታት ሰቭ ኧያቆቢይ ቶኦትሁኖዋ ኢፍቲይ ተአረማዌ ኹኖዋ እማትሜ ይቨራ ባንደ ፥ኹኖዋ በዎኦዋጋ ጭን ዘገር አጎፖዮዋ ኹኖዋ ፈኝታ ተአረማዊ ሰቨ ኹኖዋ ገግዃኧዋትርቲይ ተሁኖዋ አሮት ቀነሰ፥ ¹³ ባርናባስ በሁኖዋይ ኸጥነድ ቲትሞተት ስን ኤኛ ኧአይሁድ ሰቨ በኹዳይ ኸጥነድ ወርሙ ። ¹⁴ ሜናመሁኖዋ ኧወንጌለኸ አኸረኸ በሃርሁ ቀጥወ ብንሞሁኖዋ ኢፍቲ ኤጴጥሮስ ዋኸ ባሁን አኸ ኧአይኹድ ሰቨ በኸርኸሜ በአረማዊ ቂጫ ባንኸሬ በአይሁዳዊ ቂጫ አትረቭርካ ባቴ ኧአረማዊ ሰቨ ኧአይሁድ ቂጫ ኧተኸ በግድ ይትኼተርዋኸ ቴቭኮዋ ። ¹⁵ ኧውረቭ ኢና ተዘርንራ ኧአይሁድ ስቭንረ፥ባጢረተኝ ኧአረማዊ ሰቨ አኸነዳ ። ¹⁶ ቢኸር ሰቨ ይጸድካ ኢየሱስ ክርስቶስ በኧወርትን ባሃሬ ቂጫ በኦዮት አንጸድቅነኸ ኒኺነ ። ^{19 17 18} ንጸድቅኔ ኧሶእትንራ ፣ኢናገግመንራ ባጢረተኝ ኧኸነኸ ያቲሽ ፤ እህ ባቴ ክርስቶስ ባጢር ይደብሰኸ ዬቭካ ኧዋርትኒ? ስርም አኸረዳ! ።18. ኢያ አፈረስሁ ሃአቭሁ ኢያቭ ኢናኩ በኸረኩ ቂጭ ኧጣስሁኸ ኧውየሞኋ አትሄርሁ ኧዋርትን። 19. ኢያ ኧጎይታአአር ሂንተሁ ኧረቭሪ ትንር በቂጫ አጋድ ኧቂጭ ሞትሁ ። ^{20 21} 20. ኢያ ተክርስቶስ እማቲ ተሰኧርሁ፤ተዋቴ ኢያ አነቭርካ፤ዘንጋ ጭን ክርስቶስ በሂኛ ይረቭር ።ዋካቭ በቨሰር ኧረቭርኩዳ ንቭረድ እማት በረመዴይቪ ኢያ ባረታ ገግኋ አዋአ ባአይፐረ በጎይታ ትከ ባነኒዳ እምነትን ። 21. ኢያ ኧጎይታ ጠጋ ባጭባች፤ ጽድቅ በቂጫ አጋድ ይረሁዊ በኸረሁ፣ ክርስቶስ እመኸ አታአር አኸራአር ሞደ ኧዋርትን !»