¹ 1. ዴንጎ ኧጌታ ኢየሱስ ኧኸርሁዋይ ኧአቭ ታዶዳሁዋ ኧታአዘዥት አነቭሁዋ፥ ² 2. «አቭ ታዶዳኸ አክብር»ይካ ትዛዝ ኧጎይታ ተስፋ ቃር አኖዳ ኧዋይፍቲ ትዛዝን ። ³ 3. ወኼአር ይኸነኸ እድሜያኸ በዋአፈር ፎር ይዴክነኸ ይካናአር። ⁴ 4. አሁም አቭ ታአዶድ ኧኸርሁዋ ዴንጋሁዋ በጌታ አየሱስ ትምርት ምኽርሙ አረኡዋ ባኸሬ አታትዋአቺዮዋ ። ⁵ 5. አገልጋይ ኧኸርሁዋ አሁዎ ኧክርቶስ ትታአዘዥዋመኸ በአፈር ፎር አነውታ አረፓሪ ኧሆርዋ ሰቨ ባአኩቡርት ፥በፍሮይት፥በወኼነድታአዘዥዋ ፤ ⁶ 6. ትታአዞዥ ኧጎይትታ ፍቃድ በውራ ኺንሁኖዋ ይጌክርታ ኧክርስቶስ ኧሁርት ባሃሬ ኧሰቭ ይሳርኩሴ ዋት አይኽር። ⁷ 7. ኧሰቨ ታይኸር ኧጌታ ኢየሱስ ታጌክርዋመኸ ኦኖም በውራ ኺናሁዋ አጎኩርዋ፥ ⁸ 8. እመኸ ኧኽርታ አገልጋይ ኸረ አረፓሪ ቢኸርኧአታት አታትኋ ቤፐን ወኼ ሜናኋ ጌታ ተኢየሱስ ይቴኤፐረኸ ቲኺርዋ። ¹⁰ 10. ኧሰማትኞ ኽሜ ስን በጎይታ በሁዳ ኑእ ደረግ ቱኦዋ። ¹¹ 11. ኧሴጣኝ ተኮል ሜና ይኸነሁዋኸ እሽጎይታ ኧአርቭ ግቭር እንእ ተሆደርዋ ። ¹² 12. ኢና ንትዋካነዳ ተቨሰር ታይኸር ተዋ ተጠነቫ አለም ትሲየካ ደረግ በሰቫይ አንዴኤዲ ኼፐፑምታ ታነውታ ተሴጣን ጋዘኝን፤ ¹³ 13. እመኸ ኧኸሬ ሙጥጣአር ቢቫአወዳ ቀረ ትቬተሁዋ ኧሰጎውት ይኸነሁዋኸ ኧጎይታ ሙራ ኧጋዝግቭር ተሆደርዋ፥እንእ በጀፐርሁው ቀጥው ትቭኤተሁ ትሸኮዋይ ይኸነሁዋ። ¹⁴ 14. ባቴ ቡቃሁዋ ኧውረ ዝናረኸ ታአጎጁምታ ኧጽድቅ ኧዳታ ኧቭረድ ውጅረኸ ተሆደርዋ ፤ ¹⁵ 15. ኧውረ ወንጌል ኧጫማኸ በሁሮት ተቁሟሞሩምታ ገኩርሙ ተሰጎዋ ፤ ¹⁶ 16. ተዋኽኖዋ እንእ በፎር ይረድድካእእሳድ ላባናኸ ቲኸርካ ኧሴጣን እሳድ ታአፎኬ ይኸርነሁኸ እእምነት አጎ ንሽዋ። ¹⁷ 17. እመኸቭ ይተርፍኮዳ ኧቭረድ ቆበኸ በጉረራሁዋ ድፎዋ፤ ኧጎይታ ቃር ኧመንፈስ ቅዱስ ሴፈኸ ጥጩዋ ። ¹⁸ 18. እንእ ግዚየ በመንፈ ቅዱስ ደረግ ጥሎት ትቴዋ ብንአር ሳአየ አተኧኑዋ፥እመኸቭ በዋአይነት ኧጎይታይ ኧቅዱሳን ሰቨ ጠሎት ኧኖነዋ። ¹⁹ 19. ኧወንጌል ሚስጥር ታንፈይ ኧአውት ይኸኒኸይ ብዝሬክወዳ ግዚየ ጎይታ ቃር ይቬኸ ኢያ ጠሎት ኦኖኒኒ ። ²⁰ 20. ዋ ወንጌል በኧወርትኛ በሰንሰለት ኧታአከትሁ ኧጎይታ ኪሸረኝሁ ፤እመኸ ኧኸሬ ታንፈይ በጨር ኢኢደኸ ኧጎይታ ጠሎት ኦኖኒ። ²¹ 21. ኧረምድኩዳ ኧሰምኛ በጌታ ኢየሱስ ሜና አአመረ ቲኪቆስ ኢያ ባነሁወዳአር ትሂሪዳ እንእ ዘንጋ ያኤድሁዋሴ ። ²² 22. እመኸ ኧኸሬ ኢና በቭር አነነኸ ቲሂሪዋኸ ሁዳ ያትቁማሙርሁዋሴ በዋርት አሁሜ ኬሸሁን ። ²³ 23. ኧአቭ ጎይታይ ኧጌታ ኢየሱስ ክርስቶስ ወገሬት ንማጅነድ ትእምነትመጋ ኧኧሰማትመኛ እንዳም ኧኽር ። ²⁴ 24. አያርእ ንማጅነድ ኧጌታ ኢየሱስ ክርስቶስ ይረሙታ ሰቨ እንእ ጠጋ ኧኽር ።