^{1 2} 1. ተዋቴ ጎይታ ይረምድሁታ ኧጎይታ ዴንጋ ኧኸርሁዋይ ሁዳ ምሶርዋ፤ 2. ክርስቶስ ኧረመደንረመኸ ጎይታ ይሽኮመኸ ዬቭካ ወኼ ሽትነድ አነንዳ ስጦታ ኽትቭ ኤፐታ ነፍስኋ ኢና ቲቭር አዋአ አቨመኸ አሁም በርማጅነድ ንዎርዋ። ^{3 4} 3. ኧዋኸአር ተቅዱሳን ሰቭ አይሰማአአር ኧኽሬ ተረከዊ ሰቨ ውጅር ኧድሙት ወይ ማኒምሙጥጥት ሜናይ ንፉግነድ በግታሁዋ ስርምአይበር ። 4. ይረካሞኋ ኧጎይታ ሽኩርት አዋ ባንኧሬ ያቅቨጭካአር ወይ ዋጛ አይረቨርኳአር ኺን አይሽርኳአር ኧዘጉት አይበርቨሁዋ ፤ኧዋኽ ጫወዳ ስርም ኧጮዮት ኤነቨሁታ ። ⁸ 8. አሁዋ ኧዋ ኢፊቲ በጠነቫ ከስር ትረውርዋ ባንደ ፤ዋአካ ጭን በጌታ ብርሃን ከስ ኧኸርሁዋመኸ ብርሃን ሆርምታ ትረውታ ሰቨኸ ንወርዋ ። ⁹ 9. ኧወኼነዲይኧጽድቅ እንእ ኧውረ ወማ ይትረከቭካ እዋየን ፤ ¹⁰ 10. እመኸቭ ኧጌታ ኺንኋ ይሽርኩዳአር ምር ኧኸረኸ ሰኡዋ ፤ ¹¹ 11. አያወድ ኧጠነቫ ሜና ሰቻይ ኦኦይ ባሃሬ ዋጋ ቴነን ተጠነቫ አተወርዋ። ¹² 12. በዱኡራቸ ዬዊዳ ዘንጋ ጫወዳኋ ስን ይቅቨጭካናአር ። ¹³ 13. እንእ ዘንጋ እእዋዬ ስቻይ ቲዋአካ ኧውረአር ኧኸረኸ መርክኋ እእዋየኸ ይትረከቭ ፤ ¹⁴ 14. እመዳ ኧኸረ እንግዚየ ይትረከቭካ እንእ እዋየን፤ ባቴ «ኧትገተርኸ ቃንዠ ባር ተውንድ ተሳ ክርስቶስ ያትረክቭኸሴ »ቧሪይ። ¹⁵ 15. ባቴ ይኺርታ ሰቨኸ ባሃሬ ኧጋዋሁኖኸ እትቦርዋ፤ኧተኸ ትረውርዋኸ በጨር ትትቬስርዋ ተጠፕዋ ። ¹⁶ 16. ዋ ዘቨር ሙጥጣአር ኧኸረኸ በሃርሁዋ ግዚየ እንእ ቴተጉይ። ¹⁷ 17. ባቴ ኧጎይታ ፍቃድ ምር ኧኸረኸ ኋርዋ ባሃሬ ጋዋ አትሁርዋ ። ¹⁸ 18. ኢኢፋድ ሜያ ወስዲ ኧኸሬ በወይን ጠጅ አትስከርዋ ፤ይረካሞኋ በመንፈስ ቅዱስ ተወኖዋ ። ¹⁹ 19. በመዝሙር በሽኩርት በመንፈሳዊ መዝሙር ገግ ተገጋሁዋ ተጫወጁዋ በሽኩርቲ በመዝሙር በኺናሁዋ ኧጌታ ሽኩርት አዊ። ²⁰ 20. እንእ ግዚየ ኧአቭ ጎይታ በጌታንራ በኢየሱስ ክርስቶስ ሽው ብንእ ዘንጋ ሽኩር ቧሪ፤ ²¹ 21. በክርስቶስ ታነነሁዋታ ክብር ኧትረሳ ታሁዋ አአታታሁዋ ኤኤኛኋ ኧታአዘዝ ፤ ²² 22. ኢስቾ ኧጌታ ኢየሱስ ትታአዘዥማኸ ኧቭሳ ታአዘዣ ። ²³ 23. ክርስቶስ ሚሲየኋ ያተርፍካ ኧቤተክርስቲያን ጉነር ኧኸረመኸ እንእ ምስ ኧቭሽትኋ ጉነን፤ ²⁴ 24. ቤተክርስቲያን ኧክርስቲስ ይታአዘዝመኸ ኢስቻ ኽናም ኧቭስኽና በቫኒም ዘንጋ ኧመኸቭ ኧታአዘዣ ፤ ²⁵ 25. ገሞ ክርስቶስ ቤተክርስቲያ ኧረመደመኸ እመኸቭ ሉሁሞኋ ኧቤተክርስቲያን አዋአ አአይፐረኸ አሁም ኢኢስቻሁዋ እመኸ ንውጅዋ ፤ ²⁶ 26. ክርስቶስ ዋዳ ኤፐ ቤተክርስቲየን ይቀድሲ ቲይን ፤ኧቀደሰን በቃርኋ አጋድ አጋድ ብእሃ ኤፐታን። ²⁷ 27. እመኸቭ ሙጥጣአርዪይ ኢፍት አአፎት ወይ ዋኸይዎስርታ ሁኖዋ እንእ ጥርር ኤኝተታ ቢኢፍትኋይ ያቴኤንቭኔ ። ²⁸ 28. እመኸቭ ገማአሁዋ ገግማሁዋ ትሮምጅዋመኸ ሚሽትማሁዋ እመኸ ኧርወይት አነቭሁዋ ። ²⁹ 29. ኧገግሞኋይ ሚሲየ ይጠራካ ማኒሞኋ ኤንዳ ይረካሞኋ ክርስቶስ ኣቤተክርስትያን ይቭመኸ ኧገግሞሃኸ ይኢየኩ ። ³⁰ 30. ኢናቭ ኧክርስቶስ ሚየንረ። ³¹ 31. «በዋ ኧቫአ ሰቨ አቭ ታአዶኋ ቸኧተ ተቪሽትኋ እማቲ ይረቭር፤ውሬቸመሁኖዋ እምት በሰር ይሆርዋ »ቧርሙ ጣፊይ ። ³² 32. ዋ ሚስጥር ኑእ ዘንጋን ፤እመኸ ኧዋርት ኧክርስቶስ ቤተክርስቲይናአር ሟሟካን ³³ 33. እኧኸሬ ኧኽርታ ምስ ኧቪሽትኋ ኧገግሞኋኸ ኧርቨዽ፤ምሽት ኧቭስሻ ታኽብድ።