1 2 1..በጎይታ ፍቃድ ኧርስቶስ ኪሸረኘ ተኸረ ተጳውሎስቪ ተኧሰመንራ ተጥሞትዮስ፥ ህመኽቭ በአካይያ ገኘ አነውታ ክርስቲያን እንእ ። 2. ተአባንራ ጠጋቪ ወገሬትቭ አሁዋ ኧህር። 3 4 3. አፍ ይካ አቭቪ ያትፓፓካቭ ጎይታ፣ ህመኸቭ ኧጌታንራ ኧኢየሱስ ክርስቶስ አባ ኧኸረ ግፕይታ ሽኩር ኧስርአኩ። 4. ኢና ገግንራ ተጎይታ በረከቭኔ ኧትቁዋወርት ፣ በጁጓረ ከስ አነው ታሰቭ ናቁሟሙኔ ኢኸንረኸ ሁዳ በጁጓረንራ እንእ ያቁሟሙረንረ። 5 6 7 5. ክርስቶስ ኧትወቀሰን ወቀሳ ኢና ኧትወቀስነመኸ ፥ ኑእ ኧሳርት በክርስቶስ ንረህቭነዴ። 6. ንና ትትወቀስነዳ አሁዋ ትትቁሟሙሩዋቴ፤ ኢና ትትቁሟᎀነዳ አሁም ኢና ኢሰርአቨንረዳ ወቀሳ በፋራሂነድ ተኧቨይተሁዋ ትትቁሟᎀትቴ።7. ቢና ኧሰንአቨንረ ወቀሳ ባሁምን ኢሰርአዎሁዋታአአህር ኢናቭ ኧትቁሟᎀነመኸ አሁም ትትቁሟᎀሩዋመኸ ንሂኔ ኧኸሬ ባሁዋ ኧቫአ አነንረዳ ተስፋ ኖኦራናአር። 8 9 10 8. ኧሰማትኞ በእስያ ገኘ ኧረፐነ ግዝየ ፣ ኧሰንአቨንረ ወቀሳ ትሂሩዋይ ንሲኢነ፤ ህም ኧትወቀስኔ ወቀሳ አይኸንራአር ኧረፐሬ ኧኸሬ ፥ ንረቭነዴ ባይተነ አባነባነደ። 9. አቸ ሙድ ኧትፈንደቨንራአር መሰረንረ ባነደ፤ እመዳ ኧኸረ ሁዳ ኧዎደ ሰቭ ቢረሳካ በጎይታ ደረግን ባሀሬቢና ደረግ አኸረኸ ንሂነኔ። 10. ጎይታ ተዋኸ ተውንድ እፋድ አተነፈንረ፤ ያተርፈንረዴይቭ፤ ኧረገሞኋ ያተርፈንረዳ ሁዳ ኧኸሬ ኢናቭ ሂንንራ በሁዳ አወናነ። 11 11. አሁም በጠሎታሁዋ ኧጉዥንረ፤ ኢናቭ በሮኦራሁኗ ጠሎት ኑእ እገዠ ትነህቭነዳ ኖኦራ ሰቭ ቢና ኧቫአ ኧጎይታ ሽኩር ዩሪ። 12 13 14 12. በዋ አለም ታሁዋ አነንረዳ መራህቭ ተጎይታ በረኰኔ ጥርርነድቪ ወሄነድቭ ኧረፐርነኸ ሂንንራ ኢሂር፤ እመዳቭ በሰቭ ኧሏርት ታይኸር በጎይታ ደረግን። 13. ታረᎅመዪ ትዌስሪሜ አይኸነሁዋአር አንጠፍኔነኩዋታ፤ እንእአአርኋ ኢጋአሁዋኸ አአቭር። 14. አሁዋ ቢና ሂናሁዋ ታዎሮዋመኸዪ ኢናቭ ባሁዋ ሂንንራ ናወራነኸ ኧቬሰርዂ ሁዳ አታአህርቭአአር ቢኸርቭ ጌታ ኢየሱስ ክርስቶስ ቲቫአካ እንእአእር ትኋርዋሴ። 15 16 15. እመዳቭ ጌኬርሁ ኧሂሪ ኧኸሬ ውርኤተጋ ትጠቆሙዋሴ ባሁታ ብደይተሁ አሁዋ አዥሁዋይ አአሴ ባሁ ጎቸ ወካሁ። 16. መቄዶንያ ትናርካ በቨያመኛ አዥሁዋመዪ፣ ተቨቄዶንያቭ ተዣቨይተሁታ ታሁዋይ ቃያ ኧይሁዳ ገኘ ትናርካ አርወዳአር ተኧጉኝሴ ባሁባነደ። 17 18 17. እመዳቭ ገኪተሁ ታናጫምጥወ ኤፐሁናአር ኢቨስርሁዋ? ዌ ኧዋ አለም ሰቭ ኢንኦዋመኸ አተጋ እከ ፣እከ» ህመጋ ባአይ ፣ባአይ» እካአር ኢቨስርሁዋ? 18. ጎይታ ሙርቴ ኧኸረመኸ ፣ አአሁዋ ንኢድኔኩዋታ ቃርንራ« እከቪ » ባአይቭ አኸረዳ። 19 20 19. ኢያቭ ብንኸር ዌ ሲላስቪ ጢሞትዮስቭ ኢና ኤኤድኔኩዋ ኧጎይታ ትከ ኢየሱስ ክርስቶስ « እከቪ ባአይቭ አኸረንዳ ፤ አነፐረዳቭ፤ ዘንጋ ጭን እንእ ቀረ በሁዳ «እከን» 20. ጎይታ አድጌአረንረ ዘንጋ እንእ ኢቴፕካ በክርስቶስን፤ኢናቭ ብዋዳ ኧቫአ አሚን ንነዳ ሁዳ በዋዳ ኧቫአን። 21 22 21. ባቴ ኢናቪ አሁም በክርስቶስ ቲቭኧተነ ንትሸከቭነኸ ኢንአንረዳቪ ኧሾመንረቭ ጎይታን ። 22. ኧሁዳአር ኧኸነኸ መርኸት ኢኸርካ ማተም ቢና አአተመ ሁተን ኧረገሞኋ ንረህቭኔዳ ዘንጋ ኧመንፈስ ቅዱስ ሄቶ ኤፐ በሂንንራ አወና ሁተን። 23 24 23. ኧቆሮንቶስ ከተማ ተዣቨይተሁ አማአሁ ድዳ ሂናሁዋ ባናቲእሁዋይ ባሁታነዳን፤ እመዳቭ ኧውረ ባኸረ ጎይታ ኧመስክርቪ ። 24. አሁዋ ተፓሁም ኧትሽከሁዋ ሁዳ በእምነት ኧኸሬ ኢሽርሁዋኸ ታሁዋ እማቲ ኔቭነዴ ባሀሬ ባሁዋ ፎር ኑኡነድ ናቲሽኔ አኸረንዳ።