¹ 1 ተ ጳዉሎስ፥ተሲላስቪ ፥ተጢሞቲዮስቭ ኧጎይታዪ ኧክርስቶስቭ አአር ኧሆሩዋ አተሰሎንቄቤተ ክርስቲያን ሰቭ ተጎይታ ታአቦንራዪ ተጌታ ቲኢየሱስ ክርስቶስቭ ፀጋቪ ሽኛትቭ አሁዋ አአር ኧህር ። ² 2 በጠሎትንራ ትንዘግድኔኩዋታ እንእ ግዚየ ባሁዋ ኧቫአ ኧጎይታ ናትሸኩርኔ ። ³ 3 ብእምነት ኤፐዂ ሜናሁዋ በጎያ ንማጀ ኤቄጥዂ ቂጭናማሁዋዪ በጌታ በኢየሱስ ክርስቶስ ኧረኮሁይ በጌታንራ በኢየሱስ ክርስቶስ ባነነሁዋታ ተስፋ ኧረኮዂ ቱኡነድ አአር በጎይታ ኢፍቲ እንእ ቀረ ናጫምጥነ ። ⁴ 4 ጎይታ ኢረድሁዋታ ኧሰማትኞ ኧሸፐተናሁዋ ጎይታ ኧኸረኸ ኒሂርነ ። ⁵ 5 ብእመዳ ኧቫአ ወንጌልንራ አሁዋ ኤኤድኔኩዋ ሁዳ በሩእ ጦናዪ በመንፈስ ቅዱስቭ በሩእ ደረግምን ባኸሬ እማት በቃር አኸረንዳ ። ⁶ 6 ማንኝእ ኑእ ሥጓረ ቢሰርአቨሁም ቢኸር ኧጎይታ ቃር ተመንፈስ ቅዱስ በረኮዂ ኧሳርት ቴኤፐርሁምታ ኢያቢ ጌታ ኢየሱስቭ መሰርሁም። ⁷ 7 ብእም ኧቫአ በሜቅዶኒያቪ ባአኪይያቭ አኖዉታ ክርስቲያን ወሄ መያ አቴሸሁዮም። ⁸ 8 ኧጌታ ኢየሱስ ቃር ታሁዋ ተረሳታ በሜቅዶንያዪ በአክይያቭ ኧትሶዉኦትኋ ታይኸርቭ በጎይታቭ ኧታአሞርታሁዋ ብእንቭ ኤኤዲ ቴሄረ። እመኸቭ ኧኸሬ ኧዋዳ አአር እኢና ኧዘጉት አያቲሲኧንረዳ ። ⁹ 9 ኧተኸ አቫይዘርሁንረመኸዪ፤በዘቨር እንእ ኢረቭርካቪ ዉረ ኧኸረ ጎይታ ታጌኲሩዋይ ተቅርኘ ኧጎይታይ ኧተኸ ካች ባሁም ኧትዠፐርሁዋኸ ሁኖም ገግምብሁኖዋ ኢኢጁዋ ። ¹⁰ 10 ህመኸቭ ጎይታ ተቩድ ኧረሳን ቲቫአካ ኢፋድ ያተርፈንረዳኧትከኋ ኢኢየሱስ ተሳቫይ ኦኦት ኧተኸ ቱኡሮዋኸ ኢጁዋ ።