¹ በጎይታ ፍቃድ ኧክርስቶስ ኢየሱሲ ኪሸረኘ ኢኸሪ ጎይታ ተኸናን ተጳውሎስቪ ተኧሰመንራ ተሶስቴንስ ፤በቆሮንቶስ አነዳ ኧጎይታ ቤተክርስቲያንቪ በአካይያ ኢረውርታቭ ቤተክርስቲያን እንእ፤ ² በቆሮንቶስ አነዳ ኧጎይታ ቤተክርስቲያን ፤በክርስቶስ ኢየሱስ ᎀጠርሙታ ኧሁኖመዪ ኢናሜ ጌታ ኧኸረ ኧጌታንራ ኧኢየሱስ ክርስቶስ ሹው ብንእ ኤኤዲ ቲሆሮታ ሰቭ እንእ ፤ ³ ተጎይታ ታአቦንራ ተጌታመንራ ተኢየሱስ ክርስቶስ ጠጋቪ ወገሬትቭ ታሁዋ ኧህር። ^{18 1918} . እንዴ እእስራኤል ሰቭ ኤፖውዋአር ኦዡዋ ፣ህትቭ ኤፐዊ ዋጋ በሰር ኧዎንኦዋ ሰቭ ህትቭ ቲንኧኰዳ ኤኤዲ እማትነድ አነፐረኖታ? 19.ባቴ ዋኸ ኧዋርትኛ ኧቅርኘ ኢጌቡርኴ አንጪ በሰር ያጌኪርካናአር ኧዋርትነኛ ? ብዌ ቅርኘ ያጌኪርካናአር ኧዋርትነኛ? ⁷ እመኸ ኧኸሬ ኧክርስቶስ ኢየሱሲ ኦኦት ትቱኡሮም ታነሁዋ ማንእየ አይነት ኧመንፈስ ቅዱስ ስጦታ አይዎኦሩወሁዋታ ። ⁸ ጌታንራ ኢየሱስ ክርስቶስ ቢቫአወዳ ቀረ ስን ቅነጨ አይቫር ሂንተሁዋ ትረውርዋኸ ፣ ሁዳ ቀረ ያርእወዳ ቀረ ስብ አጥቋጢቭተ የኧየሁዋሴ። ⁹ ተትከኋ ተኢየሱስ ክርስቶስ እማቲ ተረዋርዋይ ኧኸናናሁዋ ጎይታ ሙርቴን። ¹⁰ ኧሰማቶ በግታሁዋ መራክስ አይረቭረኸ፣እማት ሂን እማት አሳብ ኢረቭርሁዋኸ ኢረቭርሁዋመኽዪ ተድጋፖዋመኸ በጌታንራ በኢየሱስ ክርስቶስ ሹው ኧሰኧርሁዋ። ¹¹ ኧሰማቶ በግታሁዋ መራክስ አነኸተቀሎኤ አበሩስ ሰምአሁ። ¹² ዘጋሞኋ ዋኸትን አሁም እንእእንሁዋ «ኢያ ኧጳውሎስንሁዋአር ፣ኢያ አአጵሎስንኋአር ፣ኢያ ኧጴጥሮስንኋአር ኢያ ኧክርስቶስንኋአር» ባሁም ትትራኮሹዋ ቧርኝ። ¹³ ባቴ ክርስቶስ ተሻከደዪ?ጳውሎስሁ አሁዋ ባረ ተሰኧረዪ?ዌ በጳውሎስ ሹው ተጠመቁሁሚ? ¹⁴ ቀርጶስቪ ጋዮስቭ ባሀሬ ታሁዋ ግት አትዎኋ አናጠመቅዂ ኧኸሬ ጎይታ አትሸኩርኩ። ¹⁵ እመኸ ኧኸሬ በጳውሎስ ሹው ተጠመቅሁ ባይተ ኢኢድካአር አት ሰቭ ኤነዳ። ¹⁶ ውረቭ እእስጢፋኖሲ አበሩስ አጠመቅሁ፤፤ተሁኗ ኧኛአር ጭን ኢድዘከዴዳአር ኤነዳ። ¹⁷ ክርስቶስ ኧኬሼ ሁዳ ኧሰቭ ወንጌል ኢኢድኔ ባሀሬ አጠምቂ አኸረንዳ፤ ኧክርስቶሲ መስቀር አይትቀንጠኸ በሰቪ አአዮነድ ቃር ኧክርስቶስ ወንጌል አኒእድካ። ¹⁸ ኢየሱስ ክርስቶስ በቨስቀር ፎር ተሰኧረ ሞደ ይካ ቃር ክርስቶስ አያአውርዋ ሰቭ ጋውነድን ኢቨስርኮዋ፤በክርስቶስ አመነ ኧተነፍነ ኢኢና ጭን ኧጎይታ ደረግን። ¹⁹ እመኸ ቧርም ጣᎉ፥ኧሁኖዋይ ሀሪነድ ኤነኸ ኢንአኩዴ፤ ²⁰ አካ አዮ ኧቲ አነ; ቂጫሁ ኢሂርካ ሰቭ ኧቲ አነ?ኢትምራመርካሁ ሰቭ ኧቲ አነ?ጎይታ ኧዋ አለም ኧኋርት ጋውነድ አኔፐንዳ? ²¹ ተጎይታይ ኧኋርት ኧትረንሳ ፣ኧዋ አለም ሰቭ በገግኋይ ሀሪነድ ጎይታ ኧኋርት አኸረኔ ኧኸሬ፥ጋውነድ ቢቨስርካ ኢና ብኒኢድኔዳ በክርስቶስ ወንጌል ያአቭርካ ሰቭ ታተርፊ ኧጎይታይ ወሄ ፍቃድ ኸረ። አአይሁድ ሰቭእንእ ግዝየ ወግ ኢኸርካ መርኸት ኢሱኡዋ፤ኧግሪክቭ ሰቭ ሀሪነድ ኢሱኡዋ። ²² አአይሁድ ሰቭእንእ ግዝየ ወግ ኢኸርካ መርኸት ኢሱኡዋ፤ኧግሪክቭ ሰቭ ሀሪነድ ኢሱኡዋ። ²³ ኢና ጭን ክርስቶስ ኢኢና ባረ ኧትሰኧረኸ ንኢድነ፤ዋ ቃር ኧይሁዳ ሰቭ ጭን ቆፋትን፤ኧጊክቭ ሰቭ ጋውነድን። ²⁴ ጎይታ ኧኸናኗ ሁኗ ጭን ኧይሁዳቭ ሰቭ ቢሆሩዋ ዌ ኧግሪክ ሰቭ፥ክርስቶስ ኧግይታ ደረግቪ ኧጎይታቭ ሀሪነድምን። ²⁵ ተሰቪ ኧኋርት ኧጎይታይ ጋውነድ ኢረእ ሀሪነድን ተሰቭሜ አርወተኝነድ ኧጎይታይ ቂጨኝነድ ኢረእ ኢትቭአ። ²⁶ ኧሰማቶ እንዴ ጎይታ ኧኸናናሁዋ ግዝየ ምር አይነት ሰቭ ኧረፐርሁዋኸ አጫሙጭዋ፤ በሰቪ ሲፋን ታሁዋ ኢሮኡታ ኖኦራ ሀሪ ሰቭ አኖፖርታ?ኖኦራማሁዋ ተሩእ ሰቭቢድ አቧአሁዋታ፤ኖኦራማሁዋ ታቨጥቭ ቢድ አንቴኤኘሁዋታ። ²⁷ ዘንጋ ጭንጋበዋ አለም ሀሪ ኧሆሩዋ ሰቭ ያቅቨጪ ቲይር ፥ኧዋ አለም ጋዋ ዘንጋ ሸፐተ ጎይታ ጦናᎀንረ ዩርታ ሁኗ ያቅቨጪ ቲይር ፥ኧዋ አለም ቂጨኘ ዘንጋ ዓአፐተ። ²⁸ ጎይታ በዋ አለም ሰቪኧከበራአር ኢቨስርካ ሁዳ እንእ ኤነኸ ኢንአይ ፥ቦዋ አለም ሰቪ አአነሰቪ ኧቆጪቪ ባጭባጭቭ ኤፐዊ ዘንጋ ዘንጋ ሸፐተ። ²⁹ ኧኸረ ሁዳ በጎይታ ኢፍቲ አይድጋኬዝነኽ። ³⁰ አሁዋ ጭን ጎይታ ተክርስቶስ እማቲ ትረውርዋኸ ኤፐ፤ብእም ኧቫአ ጌታ ኢየሱስ ክርስቶስ ሀሪነድንራ፣ጽድቅመንራቪ ሙጭርነድመንራ ሱጉያመንራ ኤፐን። ³¹ ባቴ መጣፍ ይርመኸ«ሂንኋ ያወራካ በጉይታ አውራ።»