¹ Yaaqoob, hojjetaa Waaqayyoo fi goftaa Yesuus Kiristoos, gosoota warra kudha lamaan warra bittimmaa’aniif, nagaan isin gaafadha! ² Gammachuu hundumaatti lakkaa’aa, yeroo rakkinni addaa addaa isin irra ga’u. ³ akka qoramuun amantii keessanii obsa fidu isin ni beektu. ⁴ Obsi immoo akka isin guutummaatti guddatanii guutuu taataniif hojii isaa fiixaan haa baasu, utuu homaa hin dhabin. ⁵ Garuu isin keessaa eenyu illee yoo ogummaa barbaade, Waaqayyoon haa gaafatu, isa gaarummaadhaan warra gaafatan hundumaaf utuu hin dheekkamin kennu. Innis isaaf ni kenna. ⁶ Garuu immoo amantidhaan haa gaafatu. Namni shakku, akka bubbee galaanaa isa qilleensaan asii fi achi raafamuuti. ⁷ namni akkasii gooftaa biraa waa nan argadha jedhee hin yaadin. ⁸ Inni nama sammuu guddaa qabuudha, karaa isaa hundumaa irrattti keessatti kan hin tasgabbaa’iniidha. ⁹ Obboleessi inni gadi jedhaan ol ka’uu isaatti of haa jaju. ¹⁰ Sooressis gadi jechuu isaatti, sababii isaa inni akka abaaboo daggalaa isa maraga keessa jiruu ni darba. ¹¹ Akkuma aduun baatee ho’a isheetiin marga gogsitu. Abaaboon ni arca’a, miidhagni isaas ni darba. Akkasuma, namni badhaadhaanis adeemsa isaa keessatti, irraa ni darba. ¹² Namni qormaata obsu eebbifamaadha. Erga qormaaticha darbee booda, gonfoo jireenyaa ni fudhata. Isa warra Waaqayyoon sodaataniif qophaa’e. ¹³ Namni qoramu, “Waaqayyootu ana qore hin jedhin, Waaqayyo hamaadhaan hin qoramu waan ta’eef, akkasuma inni namas hin qoru waan ta’eef. ¹⁴ Garuu, namni hundumtuu fedhii ofii isaatiin qorama; yeroo fedha ofii isaan harkifamuu fi gowwomfamu. ¹⁵ Fedhiiin erga ulfooftee booda, cubbuu ni deessi, cubbuun immoo erga guutumaatti guddattee, du’a ni deessi. ¹⁶ Hin gowwofaminaa, yaa jaallatamoo obboloota ko. ¹⁷ Kennaan gaarii fi kennaan guutuun hundumtuu oliiti. Innis, Waaqayyo abbaa ifaa biraa dhufa. Isa bira sababii gaaddidduun naannofteef gara galuun hin jiru. ¹⁸ Waaqayyo akka nuti dubbii isaa irraa dhalannuuf nu fo’ate. Akka nuti uumama hundumaaf ija qabeeyyii taanuuf. ¹⁹ Isin kana beektu, yaa jaallatamoo obboloota ko. Namni hundumtuu dhaga’uuf ariifataa haa ta’u. dubbachuuf immoo suura haa jedhu; ariifis suuta haa jedhu. ²⁰ Aariin namaa qajeelummaa Waaqayyoo fiixaan hin baasu. ²¹ Kanaad xurii hundumaa of irraa baasaatii, hamaa hundumaas. Gaarummaadhaan sagalicha isa dhaabatte fidhadhaa, isa lubbuu keessan fayyisuu danda’u. ²² Warra dhagaa’an qofaa utuu hin ta’in warra sagalicha hojii irra oolchanis ta’aa,warra ofii isaanii gowwomsan hin ta’inaa. ²³ Nami tokko yoo kan hojii irra hin oolchine, dhageessuu qofaa ta’e, inni akka nama fuula uumamaa isaa of ilaallee keessatti ilaaluuti. ²⁴ Inni ofii isaa ilaalee, yeroo adeemu battaluma immoo maal akka fakkaatu irranfata. ²⁵ Garuu namni inni eeggannaadhaa seera walabummaa ilaaluu fi akkuma sanattis ilaaluu itti fufu, dhaga’ee isa irraanfatu, namni akkasii hojii isaa keessatti ni eebbifama. ²⁶ Namni tokko yoo ani amanaadha jechaa, arrabsa isaa immoo hin to’anne, inni garaa isaa gowwomsa, amantii isaas gatii hin qabaatu. ²⁷ Amantii isa Waaqayyoo abbaa keenya duratti qulqulluu ta’ee fi hin manca’in, warra abbaa hin qabnee fi dubartootas rakkina isaanii keessatti gargaaruuf, akka isaan biyya lafaa keessatti utuu hin manca’in jiraataniif.