¹ Anis kanan jira, dhaltuun sun mucaa amma ta’etti garbicha irraa adda miti, yoodhuma guutummaan biyyaatti kan isaa ta’e illee. ² Inni hanga guyyaa isa abbaa isaatiin kaa’ameetti warra isa guddisanii fi geggeessan jala jira. ³ Akkasuma, nuti yeroo mucaa turre, barumsa isa kan biyya lafaatiif garboota turre. ⁴ Garuu yeroo yeroo isaa ga’etti, Waaqayyo ilma isaa erge, isa dubartii irraa dhalate, isa seera jalatti dhalate. ⁵ Inni akka inni warra seera jala jiran furuuf, akka nuti ilmaan guddifataa isaa argannuuf. ⁶ Sabii isin ilmaa isaa taataniif, Waaqayyo hafuura ilma isaa gara garaa keenyaatti erge. Isa “abbaa, abbaa’ jedhee iyyu. ⁷ Kanaaf, isin kana booda garba miti, ilma malee, akkasuma isin Waaqayyoo keessaan dhaaltotas. ⁸ Yeroo sana garuu, utuu Waaqayyoon hiin beekin, warra aboo uumamaa qabaniif garboota turtan, warra waaqa dhugaa hin ta’iniif. ⁹ Amma garuu gara Waaqayyoon beekuutti dhuftaniittu; akkamitti gara isa dadhabaa fi waa’ee hin baafne barumsa biyya lafaatti deebituree? Amma irra deebitanii garboota ta’uu ni barbaadduu? ¹⁰ Isin guyyoota, baatiiwwan haaraa, waqtii fi waggoota ni ilaaltu! ¹¹ Waanan akkasumaan isiniti dadhabe anatti fakkaatee isiniif sodaadha. ¹² Isin obboloota keessan ni kadhattu, akka koo ta’aa, anis akkuma keessan akkan ta’e. isin homaa anatti hin balleessine. ¹³ Garuu, sababii inni dhukkuba foonii, isa yeroo jalqabaaf ani wangeela isinitti lalalbe akka ta’e ni beektu. ¹⁴ Yoodhuma haalli qaama kootii isin qore illee, isin ana hin tuffane yookaan ana hin dhiifne. Qooda isaa, akka waanan ergaa Waaqayyoo ta’eetti ana simattan; akkuma waanan ofiikootii Kiristoos Yesuus ta’eetti. ¹⁵ Egaa eebbii keessan sun eessa jiraree? Akkuman dhugaa isnitti ba’e, utuu hin dandaa’ama ta’ee, ija ofii keessanii baaftanii anaaf kennitu turtan. ¹⁶ Kanaaf, waanan dhugaa isinitti himaa jiruufan duuna keessan ta’eeree? ¹⁷ Isaan isin irratti m’uu barbaadu, garuu immoo waan gaariidhaaf miti. Isaan akka isin isaaniif hinaaftaniif isinitti iyyu. ¹⁸ Yeroo hundumaa waan gaariif hinaafuun gaariidha. Yeroo ani isin bira jiru qodaa miti. ¹⁹ Ilmaan koo warra xixiqqo, ani akka isin warra isa irraa dhalatan taatanii fi kiristoos isin keessatti uumamuttin dhiphataa jira. ²⁰ Amma utuun isinii wajjin ta’ee qooqa koo jijjiiree nan jaal’adhan ture, sababiin isaa bitaa anatti galeera. ²¹ Anatti himaa, warri seera jalatti buluu feetan, seera hin dhaggeeffattanii? ²² Akka Abraham ilmaa lama qaba ture, tokko dubartii ishee garbitti irraa, tokko immoo dubartii ishee walabaa irraa. ²³ Tokko dubartii ishee garbittii irraa fooniin dhalate, inni tokko immoo dubartii ishee bilisaa irraa, kakuudhaan keessan dhalate. ²⁴ Isaan kun akka fakkeenyaatti hiikamuu ni danda’u. dubartoonni kun lamaan waan kakuu lama bakka bu’aniif. Keessa inni tokko tulluu siinaatti yeroo ta’u, garbummaafis ijoollota deessi, isheenis Aggaari. ²⁵ Aggaar amma, Biiya Arabaa keessa tulluu Siinaa bakka nuuti, Yerusaale ishee har’aa bakka buuti; ijoollee ishee wajjin garbummaatti waan jirtuuf. ²⁶ Garuu, Yerusaalem inni gubbaa jiru walaba, isheen haadha keenyas. ²⁷ akkas jedhamees barreeffamee waan jiruuf, “Gammadi, ati isheen dhabduun dhala godhachuu hin dandeenye; Iyyi, ililchis, ati isheen dhiphina da’umsaa hin argin, Sababiin isaa dubartoota abbaa manaa qabanii caalaa kan warra abbaa manaa hin qabnee baay’ataniiru.” ²⁸ Isin garuu yaa obbolootaa, akkuma Ysiyaaq ijoollee kakuuti. ²⁹ Yeroo sana inni akka fooniitti dhalate isa akka hafuuraatti dhalate ari’ate. Ammas akkasuma. ³⁰ Garuu caaffatni qulqullaan immoo maal jedha? “dubartii ishee garbittii fi ilma ishee ari’i. ilmi dubartii ishee garbitti kan ishee walabaa wajjin dhaala qoddachuu waan hin daneenyeef” ³¹ Kanaaf, yaa obbolootaa, nuti ilmaan dubarttii ishee garbittii miti, kan ishee walabaati malee.