¹ Amma, Obbolootaa, nuuf kadhadhaa; akka sagaleen Waaqayyoo ariifatuu fi ulifnas argatuuf, akkuma isinii wajjin jiru. ² Akka nuti xuraa’ummaa fi namoota hamoota irraa adda baanuuf. Hundumtuu amantii hin qabani. ³ Waaqayyo garuu amanamaadha, inni isin jabeessuu fi isa hamaa ta’e irraa isin eegu. ⁴ Nuti waa’ee keessaniif Waaqayyootti ija jabina qabna. Akka isin isa lamaan isaa gootanii fi isa nuti isin abboomnes godhuu itti fuftan. ⁵ Waaqayyo gara isa jaallachuu fi Kiristoosiifis jedhanii obsuutti ti garaa keessnan haa qajeelchu. ⁶ Amma egaa isin abboomna yaa obbolootaa, maqaa Yesuus Kiristoosiin, akka isin obboleessa hojii hin qabnee fi akka aadaa jireenyaa nurraa fudhataniitti hin jiraanne of irraa fagessitaniif. ⁷ Nuun fakkeechuun isiniif barbaachisaa akka ta’e akkuma waan beektaniif, nuti yeroo isinii wajjin turre hojii malee hin turre. ⁸ Utuu gatii hin baasin nyaata nama tokko iyyuu nyaannee hin beeknu; garuu halkanii fi guyyaa humnaa fi dadhabbiidhaan eenyutti iyyuu akka ba’aa hin taaneef hojjenneerra. ⁹ Kana immoo waan aboo hin qabneef goone miti; isiniif fakkeenya ta’uuf malee, isinis akka nu fakkaattaniif. ¹⁰ Yeroo isinii wajjin turre, “Namni hin hojjetne, hin nyaatinis” jennee isin abboomneerra ¹¹ Akka namootni hin hojii hin hojjenne isin gidduu jiran dhageenyeerra, warri hojiitti hin dhimmine, warri hoji maleeyyiin. ¹² Amma, nuti warra akkasii maqaa gooftaa Yesuus Kiristoosiin ni gorsina. Akka isaan itti dhamaa’anii hojjetanii buddeen ofii isaanii nyaataniif. ¹³ Isin garuu, yaa obbolootaa, waan gaarii hojjechuutti hin laafinaa. ¹⁴ Yoo namni dubbii keenya xalayaa kana keessa jiruuf hin abboomamne jiraate, isa dhiisaatii hariiroo isaa wajjiniis dhiisaa., akka qaaniin isatti dhagaa’amutti. ¹⁵ Garuu akka diinaatti isa hin ilaalinaa; akka obboleessaatti isa akeekkachiisaa. ¹⁶ Amma egaa gooftaan nagaa ofiidhuma isaatii karaa hundumaa yeroo hundumaa nagaa isiniif haa kennu. Gooftaa humduma keessanii wajjin haa ta’u, ¹⁷ Ani Phaawulos, kana harka kootiin isiniif barreesseera; isa mallatttoo xalayaa ani barreesse hundumaa ta’e. ¹⁸ Ayyaanni gooftaa keenya Yesuus Kiristoos hunduma keessanii wajjin haata’u; Ameen.