ፊኻ - 10

1 1. ላኽ ሻትክ ፡ ሒለቱኹ ብካና ፡ ወንጸፍሮ ፡ ሰማይልድ ፡ ገሙንሲክ ቃልኹን ፡ ኒኣዌስኻ ፡ ክብር ብካኒኹ ፡ ህንባኹ ፡ ኒገሽኻ ፡ ካሪሰና ፡ ግን ፡ ኒሉኩክኻ መሱን ፡ ለኺሰና ፡ ግን ፡፡ 2 2. ኒናንሊኻ ፡ ላሪ ግናይ ፡ ብስትረሪ ክታቢ ፡ ህንበቲሉ ፡ እን ፡ ላልከ ፡ ትውርት እን በሓርሊ ዳድኹላ ፡ እን ሸንገብሪ ልኪትኻ ፡ ብሪል ፡፡ 3 3. እን ገመና ህድራኹሰናኽር ፡ ክብሰ ህድሩኽ ፡ ህድርሰናኻ እን ለናታ ጋንጋታትኽር ናደሃይድ ጋቢኑኹ ፡፡ 4 4. እን ለናታ ጋንጋታት ጋቢነሪት ፡ ኣን ከተቢያ ጀሬቢኹን ፡፡ ሰሚልድኽር ፡ እን እና ለናታ ጋንጋታት ጋቢነውሲ ሓተሚሉ ከተብግሉ ፡ ያኹ ዳሃይ ዋስኹን ፡፡ 5 5. እን ባሓርዲ በረዲትል ደውዮ ቃለኹሉ መላኢከትኻ ፡ ኒላውናንሲ ሰሚል ኣኽራሲክ ዘርግሕኹላ እማ ፡ 6 7 6-7. ግርጋት እን ለናተር መላኢከትዲ ፡ ኒ መለካት ነፍሕሮ ደለመሳና ፡ እን ምስጢር ጃሩኩኻ እን እና ኒባሮትሲ በሸርደሰናሎም፡ እንሲን ኣኺሮ ግን ፡ ዮ እን ሰማይዲ ኒል ህምባኹዲ ፡ ብረዲ ኒል ህምባኹዲ ፡ በሓርዲ ንርትል ህምባኹዲ ፈጠራኹ ፡ ዲማ ዳይም ክረጋኹ ኣኾ መንደርታኹድ መሓለኹ ፡፡ 8 8. እን ሰሚልድ ዋሰኹሉ ዳሃይኻ ፡ ፈሪ እማ እን ባሓርደዲ ብረዲትል ደውዮ ህምባኹ መልኣኽ ናንሊ ህንብረሪ ግናዪ ብድስትረሪ ክታቢት ኣዲላ ፡ ዮ ሓዲስድ ይዲ ጋቢኹ ፡፡ 9 9. እን መላኣኽሊ ፈረኻ ፡ እን ክታቢት እዊለ ይኹኑ ፡፡ ናኻ ፡ ኣዲላ እማ ቂላ ፡ ኩጎድግሲ መንሻኹ እሲቶሉ ግን ፡ ኩኣብሊኻ መዓርሰና ታሚትረሪ ኣኺቶግን ፡ ይኹለ ፡፡ 10 10. እን ግናዪ ክታቢት እን መልኣኽ ናንሊድ ኣዶ ቒኹና ፡ ይኣብሊ መዓርሰና ታሚቲለ ፡ ቄሪትላኻ ፡ ይጎዱግ መረሩኽ እማ ፡ 11 11. ሓዲስኻ ፡ ከውዲ እክዲትል ቓንቃታትዲትል ነጋስታትዲ ተነበይቶ ኣስተሃለኹካ ፡ ይስትኹለ ፡፡