ሰልፋ ፉዃ (ፊዃ-1) 2

1 .ከለላ ግርጋት ደምቢ ኻ ቅፍርናሆምትል ወንተሩዅ፡ልጝሊ ዋንተትኻ ዋስስቱዅ፡ 2 ከላእኻ ደንአብሊ አካን ቢስትራሲክ ኒል እንኩልኩልሱዅ፡ኒኻ ኒጋብሲ ዋሲሱሎም እርጉዅ። 3 ግርዋኻ ላኹ ኒ ገሮብ ረምሰስቶ ህምባዅሲ፡ላግርዋ ምግዱርሲ ዓራትሊ ምኹርኖሉ ናቕስኑዅሉ። 4 ብጅኽድኻ ኒድ ደኰናዅ ብኑዅ፡ልጝሊ ዓረግኖ አዋኹድ ሐንፈስኖ ትካ እን ኢየሱስ እርጋ አካንሊ ዓራትሲ ገመርድ ጠል ሲነ ኒጃብል ገምድኑኹሉ። 5 ና እምነትሲ ቋልነዲን ምግዱርሲ “ዎ ይኹራ ! ኩዓገብ ባርስቱዅካ” ይኹሉ። 6 ከታበንልድ ኒል ዲወው 7 “ኒን ውሪኹ ነወዮ ጋባኹን ኒን ጃርሲ ጀኸኲ እንኲዅ ላዅ ጃር ንኻ አውኒ ግን ዓገብሲ ብሕል ይሮ ገረሳዅ” ዩኑ ምቁላ ሃመትኑኹ። 8 ንርድ ኢየሱስ ናለፈካ ምክርህነስ ቋልነዲን “አበዲ ውሪኹ ነስ ተካ ምክርህነስ እንታ ጐስኲድ ሐሰብደናኹን። 9 ተካኹንኩም አዊን ናልድ ስዳዋዅን? እና ምግዱርሲ ኩዓገብ ባርስትኹካ ይነማ ወሪ ጒ ኲዓራት ምኹርዶ ፈሪ ይና፡ 10 አርእትኖ አዳሚንዱኹራ ዓገብሲ ብሕል ይሮ ሒል ክመት ዮኻ እን ምግዱርሲ፡ 11 ኲዓራት ምኹርዶ ፈሪ” ይኹሉ። 12 ኒኻ ንርድ ከርተፍ ዮ ኒዓራት ከስል ምዅሮ ናድካ ጃብል ብርፍዩዅ።ናዋ አስደመምዶሎም ነወያ ጋር ቋልኖ አርኒ ዩኑ እስቶስ ዩኑ ጃርድ፡ሐምደ አኽኒ ይኑኹ። 13 ኮዶ ኒራ ዓይግ ሸሊ አኽታሲክ ፈሩዅ ከው እንትኖሉኻ ክንሲዅሎም፡ 14 ዮ ደኩኻ ለዊ እልፍዮሱዅራስ ወርኮታት ፍዳዅሲ ቋሎ “ጒ ለሄኪለ” ይኹሉ ኒኻ ጐ ተለይኹሉ። 15 ኒዲ ምድሊ ዓገሎ ዋኑኻ እንተለየውሉ ገሪው እርግኑዅ ናዲ ኮዶ ገሪው ፍኖ ወርኮታት ፍደውዲ ዓገብዲ ኢየሱስዲ ኒታለይቶትዲ ምድል ዓገልኑዅ። 16 16.ከታቤንዲ ፈሪሳንዲ ወርኮታት ፍደውዲኽር ዓገቡድኽር ቋዅሲ ቋልኖሰናኻ ኒታለይቶትሲ “ኤበዲ ውሪዅ እና እንታ መምህር ዓገብዲ ኽር ወርኮታት ፍደውዲኽር ቋዅጝር፡ጅአዅጝር” ይንዅሎም። 17 ዋስዅሎም እማ “ትልላዅ ጀረብደውሎም ሽዅሽተው ግን ግራ ሽርው ኣኽኒ እማ አርእትኖ እን ይእንተርና ዓገቡሲ ሽጝያ ግን ግራ ሻትካንሲ ኣኽላ”ይኹሎም። 18 ታለይቶት ዮሐንስሩዲኻ ሹሙኑ ሰጘነኲ እማ ላው ኒል፡እንትኖ “ኤበዲ ውረድ ግን ዮሐንስር ታለይቶትኻ ሹመናኹን ኩኻ ሹመገው ይኖ” ወንቀርኑኹሉ። 19 መርዓዊራ ናዲ ዋንቱንሲክ ማስ ሹምድኖ፡ወጀበለሎምኒ፡ 20 አርእትኖ መርዓዊራ ናልድ ፈራ ወክት እንትሮ፡ግን እንሲን ሹምድኖ ግን” ይኹሎም። 21 ባልይሊ ሽልቱት ሐዲስ ሸፈጥጣዅ ላዅ እላ አከገጛ እን ሐዲስ ባልይሲ ሔቅሲሮ ግን ኒ ሔቅይናኻ ኩጝሮ ግን። 22 ኒሰና ላዅ ሚድ ሐዳይሲ ሐርፍፍ ድክንሊ እሳዅ እላ ኤኤገጛ እን ሚድ ሓዳይስ ድክንሲ ቀደደኲ እማ ሚዲ ሐርፍፍዲት ድሂሰኲ።ንድሰና፡አኾ ደምቢ ሚዲ ሐዳይስ ሐርፍፍ ሓዳይስሊ፡እንኩርስሮ ህምበኩሎም። 23 ሰንበርድ ኪሽጝ ነበክድ ደኩኻ ኒታለይቶት ሱር ስክሙሲ ቀንጢሺነክ፡ናናንትተል ሐሰይኖ ቊድኖ ተርሲኒዅ። 24 ኒስ ተካ ወራትሲ ቋልነሰና “እናሐን ቋላውር ነን ሃበነውሲ ሰንበርድ፡እስተጋ ወራት” እሰውሲ ይኑኹሉ። 25 “አብያታር አቅሸታ ሲም ኣኩ፡ዳዊት፡ማሕገድሊ አርሶሰና ካአርቶ እን ኒዲ እርገው ኒጨርዲ አኾ ፡ 26 ልጝል ኒ ጨርዲክ አኾ ሳንስዕ ሰደቐቱ አቕሸትካያ ቋነውሲ ኒጨርዲክ ቄት አንበብድግድናኽርማ፡ 27 7.እማ አርእትኖ ሰንበር አዳምሲ ኣኻዅ ግን፡ግራ፡ኣዳም ኣኽላ ሰንበር መታን መሃድሳዅ። 28 ኮዶ ኤርእትኖ አዳሚንዱኹራ ሰንበር አደራኽር ግን ይኹሎም።