¹ እማ ገድም ኒውክ ምቅለስ፡ኒውክ ጎርሒስኽር ኤልከስኽር ቀንትኽር ኒውክ ልኻኽር ሺርደሉ። ² - ³ ጃር በኪት አኸት ታምድኖሉ ዋንትደነን ፡ኒድ ደአነድ ለገትኖ መታን ናና እኻርሰው ቆሊዕሰና እን ሕበር ሻኽገው ሸብ መንፈሳውነቱስ ጀረባ። ⁴ እን ከውድ ቃበብሳኹ ጃርድኻ ማላኪን ፍሪርሳኹዲ ክበራኹዲ መንደርታኹ ክርጚል ስኩርዱኑ። ⁵ እንትጝር መንደርተው ክርጝሰና ኣኽዲነ፡እን እየሱስ ክርስቶስድ ጃርሊ ከለብርሳኹ መንፈሳዊ ፍዳ ስኩስትኖ ፡እን ቅዱስ ከዳ ኣካኹ መንፈሳዊ ልጝንድ ገበርሳ። ⁶ ናጛ ኮዶ እናሓን ጽዮንትል ፍሪርሳኹዲ ከበራኹዲ ክርጛ ገምዳኹን እንኩኹን ኒድ እምናኹ ስማረላኒ የኩ እን ክቱብል ህምባኹ። ⁷ እማ ገድም እንትን እምንደናኽርድ ክቡር ግን፡እን እምነገውድ እን እቕር ቃበበውሉ ክርጛ ኒ-ኣኾር ሓበርኒኹ ኣኹኹ። ⁸ ክርጛ ዓንቀፊሰናዲ ሸሻ መነስታታኹዲ ኮዶኽር ግን፡ና-ኣዘዝስና ብነድ እን ቆልድ ዓንቀፍሰነኩ፡ንድ ኮዶ መደብሰው ግን። ⁹ እንትን ኮዶ ትክያኹ ወራት እን ጭልምልድ ፈከርዳኹ በርህሊ ፍዳኹ ድዊትኖ መታን፡ፍሪርሰው ፈደን፡እን መንግስቲ ሕክሙኹድ ከዳታት፡ሻትካን ከው፡ማል ጃሩ ኣኻ ከው ግን እንትን። ¹⁰ እንትጝ ሰልፍ ቆም እርግግድናኽር ናጛ ቆም ጃሩ ግን፡መሓርስግድናኽር እርግድኑኹ፡ናጛ መሓርስድናኽር ግን። ¹¹ እንትን እንከልሰው፡ኣን ጋሸሰናኽር ስደተንጛሰናኽር ኮድጛኹንኩም እንኩኹን፡እን ሪሕዲ ዋኺታኹ ስኺኹ እንከሊትልድ ሺራ። ¹² እንትን እከይ እስደናኽርሰና እሲነ ልኸውኩም እንታ ኪዳ ግብርሲ ቋልኖ እን ግርጋ ውንቅረድ ጃርሲ ሓመድድኖ መታን ቆም ነበክል እንታ ወንተተርነስ ሽኻርዳ። ^{13 14 15} ንሰና ኪሰሪ እስዱኑ ዓውድናር እን አርእገው ከውሲ አበትኖ ጃር ፍቓድ ግን እማ፡እን ኒድካ አወይሲ ህንባኹ ንጉስ፡ወሪኸ እን ምቅላ እሰው ቀጽዕስትኖ ኪዳ ግብር እሰው ሳብስትድኖ ኒልድ እንሸቕሰው መካንንቲ ጃር መታን ይድኖ ስርዓት ኣዳምሩ ኣኻኽሲክ ሓከምሳ። ¹⁶ ናጻ ፈሰና ኣገልገልቲ ጃሩሰና ግራ፡እን ሓራ ኣክነስ ኩሲሰና ምቅሊኹ እሰውሰና ኣኽጋ። ¹⁷ ኒውክ ኣዳምሲ ከበርዳ፡ሻናር እንከላ፡ጃርሲ ጒኢታ፡ሲምሲ ኮዶ ከበርዳ። ¹⁸ እንትን ገዝእስትደናኽር፡ዓመጨውሲኽር ግራ፡እን በካይዲ ሕሱናንዲሲ ካያ ኣኻላ፡ጒኢሲ እንታ አርደትድ ኣዘዝስታ። ¹⁹ ላኽ ድኳ ጃር ጅብሊ ዓመጭሲ ጌሄይነድ ሰብር እሰን ፡ኒን ገድ ግን። ²⁰ ሓራም እስዱኑ ጣዓምባድ ሰብር እስደነን ውራ ዋርዲትና ህንበኩንኩም፡ትክያኹ እስዱኑ ጅርበትሲ ሰብር እስደነን ኒን ጃር ጃብሊ ከለብርሳኹ ግን። ²¹ ንድ መታን ግን እንትን ሽጝስትድናኽር፡ክርስቶስ ኒጉርጉርበት ተለይትኖ መታን ዮ ኣራኣያ ባሮልኩም እንታ መታን ጅርበት ንብታኹ። ²² ኒ-ሓራም እሲጋኹ ጉርሒኽር ኒኣብሊ አርስጋኹ፡ ²³ ጀኺነሪትሉ ወንተሶ ጀኺጋኹ፡ጅርበት ብስነሪትሉ እን ቅንዓትድ ፈረዳኹድ ኒ-ሰንዓተስ ደኩሶ እውኹ ግራ ኣትፋሪህድላ። ²⁴ ሕራምድ ክርኖ ጨደቅነድ መንደርትኖ መታን፡ኒ ኒላውድ ይና ሓራምሲ እን ኒ-ስኺል እን ካኒል ምኹርኹሉ፡ኒ-ላኸንድ ግን እንትን እቢርድናኽር። ²⁵ እን ፋሕይረሪ በግሰና እርግድኑኹ እማ ናን እን ምቓቓዲ ተከወንታ እንታ ሪሕኹዲትል ወንተርድኖ ህምብደነኩ።