¹ وبعدها أبسرت ملاك ثاني وقوي ، نازل من السماء ، ولابس سحابه ، وعلى راسه قوس قزح . ووجهه سعما الشمس وارجله سعما عمودين من نار ، ² وفي يد كتاب صغير مفتوح . وطرح رجله اليمنى على البحر والشمال على البر ، ³ وصيح صرخة عظيمة سعما حين يزئر الآسد ولاما يصيح ترد الرعود ال7 بأصوتها . ⁴ ولاما ردت الرعود ال7 ، تهيئت للكتابة . لكني سمعت صوت من السماء وبيقول لي : لا تكتبش ما قالته الرعود ال7 ، مابلا أحتفظ فيه سر ⁵ والملاك اللي أبسرته واقف على البحر والبر ورفع يده اليمنى لا السماء .. ⁶ وأقسم بالحي لا يوم الدين خالق السماء وما فيها والأرض وما فيها والبحر وما فيه ، وقال : " ماعدبش مهلة ما ذلحين ، ⁷ مابلا لاما يجي الوقت علميد ينفخ الملاك السابع في بوقه ، ويتم سر الله . هاذا السر هو الأنجيل اللي أعلنه لعبيده الأنبياء . ⁸ والصوت اللي سمعته من السماء وحاكني مرة ثانية وقال : " سير وشل الكتاب المفتوح اللي في يد الملاك الواقف على البحر والبر .. ⁹ وسرت لا عند الملاك وطلبت منه يديلي الكتاب الصغير . وقاللي : شله وكله ، وعيوقع مر في بطنك ، لكن في لقفك عيوقع حالي سعما العسل . ¹⁰ وشليت الكتاب الصغير من يد الملاك وأكلته ، وكان حالي ساع العسل في لقفي ، لكن بعدما أكلته كان مر في بطني .. ¹¹ وبعدها قالي : لازم ما تتنبأ مرة ثانية عن خيرات من الشعوب والأمم واللغات والملموك .. "