6

¹ اوبهوا انكم تفعلوا الخير قدام الناس علميد يبسروكم ، وإلا ما عيقعش لكم اجر عند ابوكم اللي في السماوات

² فلو عملتوا خير في احد ، فلا تعلنوهاش للكل ساع المنافقين في بيت العباده والشارع علميد يمدحهم الناس ، اقول لكم الصدق : انهم شلو أجرهم ³ ولكن لوما تدي صدقه لا تخليش شمالك ايش بتدي يمينك ⁴ علميد تكون صدقتك في السر ، وابوك اللي يبسر في الخفيه هو يجازيك ⁵ ولوما تصلوا لا توقعوش ساع المنافقين ، لأنهم يحبوا انهم يوقفوا للصلاه في بيت العباده وعند تقاطع الشوارع علميد يبسروهم الناس ، اقول لكم الصدق : قد شلوا اجرهم ⁶ اما انت فلو صليت داخل غرفتك وغلقت الباب عيوصل لأبوك اللي ماتبسره أي عين ، وابوك اللي يبسرك في الخفيه هو يجازيك ⁷ ولوما تصلوا لا تكونوش ترددوا الكلام ساع الوثنيين ، قصدهم ان الله عيستجيب لهم من كثرة هدارهم ⁸ لا توقعوش ساعهم ، لأن الله ابوكم داري ايش تشتوا من قبل ما تسألوه

⁹ فصلوا انتوا تيه الصلاه

ابونا اللي في السماوات

ليتقدس اسمك

¹¹ ادي لنا خبزنا اليومي ¹⁴ فلو سامحتوا الناس على غلطهم ، يغفر لكم ابوكم السماوي ¹⁵ وإذا ما سامحتوش الناس ، ما عيغفرش لكم ابوكم ذنوبكم ¹⁶ ولوما تصوموا لا تكونوش قالبين وجوهكم ساع المنافقين ، لأنهم يقلبوا وجوههم علميد يروو الناس انهم صايمين ـ اقول لكم الصدق : هولا شلوا اجرهم ¹⁷ واما انت لو صمت اغسل وجهك ودهن شعرك ¹⁸ علميد ما يعرفش الناس انك صايم ، بس ابوك اللي ماتبسره أي عين ، وأبوك اللي يبسر في الخفيه هو يجازيك ¹⁹ لا تجمعوش لكم ثروه على الأرض ، لأنه يفسدها السوس والذحل ، ويدوروا عليها السرق ويشلوها ²⁰ ولكن جمعوا لكم ثروه في السماء ، بقعة مابش لا سوس ولا ذحل يخربها ، ولا به سرق يدوروا عليها ويشلوها ²¹ وبقعة ما يطرح كنزك يطرح قلبك ²² سراج الجسم هو العين ، فلو عينك سليمه يوقع جسمك كله منور ²³ ولو كانت عينك تاعبه ، عيوقع جسمك كله ظلام ، فلو كان النور اللي فيك كله ظلام فهو أشد الظلام فيك

²⁴ ما يقدرش أي احد انه يخدم سيدين ، لأنه عيكره واحد ويحب الثاني ، او يوقع وفي للأول والثاني ماشي ، ما تقدروش انكم تخدموا الله والفلوس سوا ²⁵ علميد ذيه اقول لكم : ما يهمكمش في حياتكم ايش تاكلوا وايش تشربوا ، ولا لجسمكم ايش عتلبسوا ، مش الحياه احسن من الطعام والجسم أهم من اللبس؟ ²⁶ ابسروا الطيور في السماء ، كيف انها ما تزرعش ولا تحصد ولا تخزن في مخازن ، وأبوك السماوي يرزقها ، مش انتوا افضل منها بخيرات؟ ²⁷ به أي احد منكم كيف ما قلق انه يزيد ولو ساعه واحده على عمره؟

²⁸ وليش تقلقوا على الملابس؟ ابسروا كيف زنابق الحقل وكيف تكبر ، وهي لا تتعب ولا تغزل ²⁹ اقول لكم : ولا حتى سليمان في كل جلاله كان يلبس ساع واحده منها ³⁰ فلو كان الله كذيه يلبس عشب الجربه وهو يرتمي غدوه في النار ، انتوا اولى منه انكم تلبسوه يا قليلين الايمان ³¹ علميد ذيه لا تهتموش وتقولوا : ايش ناكل؟ وايش نشرب؟ وايش نلبس؟ ³² فذيه يدوره الوثنيين ، وابوكم السماوي داري انكم تحتاجوا ذيه كله ³³ اطلبوا اول شي ملكوت الله ومشيئته ، وهو يزيدكم الله ذيه كله ³⁴ لا يهمكمش غدوه ، لأن كل يوم يوبه لنفسه ، ولكل يوم من التعب كفايته