¹ من : بولس وسيلا وتيموتاوس . لا عند : جماعة المؤمنين في تسالونكي ، اللي بينتمو لله إبونا وعيسى المسيح مولانا . عليكم النعمة والسلام . ² أحنا بنشكر الله دايمآ علميدكم كلكم ، ودايمآ بنذكركم في صلاتنا . ³ لان أحنا بنذكر دايمآ في وجود إلهنا وأبونا كيف إعمالكم بتثبت وبتدل على إيمانكم ، وأن جهادكم بيثبت وبيدل على محبتكم ، وان ثباتكم بيدل على تمسكم في عيسى المسيح سيدنا ⁴ وياكل الأخوة الأعزاء ، احنا قد درينا إن الله أختاركم له، . ⁵ لأن أحنا لاما بشرناكم بالأنجيل وما كنش هاذا كله بالكلام بس، مابلا بالقوة والكل ، وبالروح القدس ، واقنعانكم بالقوة وأنتو داريين أن أحنا لاما كنا عندكم فعلنا الصح بما هو خير لكم . ⁶ وأقتديتو فينا وبالمسيح . مع أنكم واجهتو المتاعب القوية لكن إنتو قبلتو بالرسالة وأنتو فارحين بالروح القدس . ⁷ ووقعتو مثال لكل المؤمنين وقدوتهم في مقدونيا وفي أخائية . ⁸ لأن أنتو نشرتو رسالة المسيح لاكل بقعة ومشهو في مقدونيا وفي أخائية بس ، مابلا وصل خبر إيمانكم بالله لا كل بقعة . وماعدبش شي ثاني إحتاجه علميد نقوله للناس وبهاذا الموضوع . ⁹ وهم بيتحاكو كيف رحبتو فينا وأهتديتو لله ، وكيف فلتو الأصنام علميد تعبدو الله الحي الحق . ¹⁰ وأن إنتو مريعيين لاما يجي من السماء إبنه اللي رده من الموت ، عيسى اللي عينجينا من الغضب اللي عيجي ..