¹ كل من بيؤمن بأ، عيسى هو المسيح ، فهو ابن الله . ومن بيحب الاب بيحب عيالة والكل . ² واحنا داريين انحنا بنحب عيال الله ، ان كنا بنحب الله وبنخطى بوصيتة . ³ فأن محبتنا لله بتبان في انحنا بنخطى على وصيتة . ووصيتة مش هي صعبة ، ⁴ لان كل ابن لله بيغلب هذي الدنيا . وايماننا هي القوة اللي بنغلب فيها . ⁵ من اللي بيغلب هذي الدنيا ؟ اللي بيؤمن ان عيسى هو ابن الله ، هو وحدة اللي بيغلب هذي الدنيا . ⁶ عيسى المسيح هو اللي جاء بالماء والدم . مش بالماء وحدة ، انما بالماء والدم . والروح يشهد ان هذا حق ، لان الروح هو الحق . ⁷ يعني به 3 شهود للمسيح : ⁸ الروح والماء والدم ، وال3 متفقين . ⁹ احنا بنقبل شهادة الناس ، لكن شهادة الله اقوى ، انها شهادة الله على ابنة . ¹⁰ يعني من يؤمن بابن الله توقع هذي شهادتة موجودة في قلبة . اما اللي ما يصدقش الله ، فهو بيتهم الله بالكذب ، لانة مابيقبلش شهادة الله على ابنة . ¹¹ وشهادة الله انه ادالنا حياة الخلود ، وان هذي الحياة هي بواسطة ابنة . ¹² من معة الابن ، لة الحياة . ومن مابش معة ابن الله ، مابش لة حياة الخلود . ¹³ بين اكتب كل هذا لكم انتو اللي بتؤمنو بأسم ابن الله ، على ميد تعرفو ان حياة الخلود هي لكم . ¹⁴ احنا بنوثق فية لان لو كنا بنطلب منة شي بحسب مشيئتة ، فهو بيسمع لنا . ¹⁵ ومادام انحنا داريين انه بيسمع لنا واصل ، فأن احنا نزيد ندرا ان بيوقع لنا اللي بنطلبة . ¹⁶ ان كان واحد بيبسر اخو بيفعل غلط ماتوديش للموت ، فلازم يدعي الله يمنح اخوة الحياة . هذا بس على ميد اللي بيفعلو غلط مايوديش للموت . به غلط يودي للموت ، انا مابين اطلبش انه يصلي على ميد هذا . ¹⁷ كل معصية هو غلط . لكن مش كل خطيئة تودي للموت . ¹⁸ احنا نعرف ان ابناء الله ما يستمروش على الخطيئة ، انما ابن الله بيحفظهم ، وابليس الشرير مابيئذهمش . ¹⁹ احنا داريين انحنا بننتمي لله ، وان كل الدنيا تحت سيطرة ابليس الشرير . ²⁰ واحنا داريين والكل ان ابن الله جاء وادالنا وفهمنا على ميد نعرف الإله الحق ، واحنا بننتمي لة هو الحق ، لانحنا بننتمي لابنة عيسى المسيح ، اللي هو الإله الحق وحياة الخلود . ²¹ يا العيالي الاعزاء ، احفظو انفسكم من الألهه الكذابة .