¹ يا عيالي الاعزاء ، كتبت لكم هذا على ميد ماتغلطوش . لكن ان غلط واحد ، فمعانا شفيع عند الاب هو عيسى المسيح الخير ² فهو ضحية التكفير على ذنوبنا . ومش على ذنوبنا احنا بس ، انما على ذنوب كل الناس والكل . ³ ان كنا نفعل بوصيتة ، غهذ يئكد لنا اننا بنعرفة . ⁴ من بيقول انة بيعرفة ، لكنخة مابيفعلش بوصيتة ، هو كذاب والحق مش فية . ⁵ اما من بيفعل بكلام الله ، فإن محبة الله توصل فية لا الكمال صح . وبهذا ندرا انحنا بننتمي لله . ⁶ من بيقول انهو بينتمي لة ، لازم يعيش ساعما عاش المسيح . ⁷ يا احبابي ، ان الوصيه اللي بين اكتبها لكم هانا مش هي جديدة عليكم ، انما قديمة وتعرفوها من اول . هذي الوصية القديمة ، هي الرسالة اللي سمعتوها . ⁸ ومن ناحية ثانية ، فأنا بين اكتب لكم وصية جديدة تبين لكم حقيقتها في المسيح وفيكم انتو . لان الظلام بدئ يرحلة ، ونور الحق اشرق فعلاً . ⁹ من اللي بيقول انة في النولر ، ولكنة في نفس الوقت بيكرة اخوة ، فهو عادهو جالس في الظلام . ¹⁰ من بيحب اخوة يعيش في النور ، ولاشي يخلية يحنب . ¹¹ اما اللي يكرة اخوة ، فهو في الظلام ، وفي الظلام يتخبط ، وما يعرفش اين هو رايح لان الظلام اعمى عينة . ¹² يا عيالي الاعزاء ، بين اكتب لكم لان الله غفر ذنوبكم على ميد اسم المسيح . ¹³ يا كل الآباء ، بين اكتب لكم لانكم تعرفو اللي هو موجود في البداية . يا كل الشباب ، بين اكتب لكم لانكم غلبتو ابليس الشرير . ¹⁴ يا عيالي الاعزاء ، بين اكتب لكم لانكم تعرفو الاب . يا كل الآباء ، بين اكتب لكم لانكم تعرفو اللي هو موجود في البداية . يا كل الشباب ، بين اكتب لكم لانكم اقوياء ، وكلمة الله في قلوبكم ، وقد غلبتو ابليس الشرير ¹⁵ لا تحبوش الدنيا ، ولا الحاجات اللي في الدنيا . من بيحب الدنيا ، مابيحبش الاب . ¹⁶ لان كل اللي بتقدمه الدنيا هوي شهوة الطبيعة الرخيصه ، وشهوة العيون ، والتباهي بأمور الحياة ، وهذي مابتجيش من الاب انما من الدنيا . ¹⁷ لكن الدنيا زايلة ، هي وكل اللي يشتية الناس فيها . اما من يفعل مشيئة الله ، فيعيش للابد . ¹⁸ ياعيالي الاعزاء ، جت النهاية . سمعتو ان عدو المسيح عيجي . والحقيقة هي ان خيرات من اعداء المسيح بانو صح . من هذا ندرا ان النهاية جت . ¹⁹ هولا ماكانوش مننا ، على ميد هذا خرجو مننا . لو كانو مننا صدق ، لا كانو يجلسو معانا . لكن خروجهم مننا يبين ان ولا واحد منهم بينتمي لنا . ²⁰ اما انتو فالقدوس مسحكم ، وكلكم تعرفو الحق . ²¹ بين اكتب لكم ، مش لانكم ماتعرفوش الحق ، انما لانكم تعرفوة ، وتعرفو ان كل ماهو كذب مايجيش من الحق . ²² من هو الكذاب ؟ الكذاب هو الشخص اللي بيقول ان عيسى مش هو المسيح هذا هو عدو المسيح اللي بيرفض الاب والابن سوا . ²³ من بيرفض الابن ، بيرفض الاب والكل . ومن بيقبل الابن ، بيقبل الاب والكل . ²⁴ اما انتو ، فالكلام اللي سمعتوة من الاول لازم يثبت فيكم . ان كان ما سمعتوه من الاول يثبت فيكم ، فأنتو والكل تثبتو في الابن والاب . ²⁵ وهذا هو ما وعدنا فية : حياة الخلود . ²⁶ بين اكتب لكم هذا وقصدي هذولاك اللي بيحاولو ان يضيعوكم . ²⁷ اما انتو ، فالمسة اللي كسبتوها منة عتجلس فيكم . على ميد هذا ما تحتاجوش لواحد ثاني يعلمكم ، لان المسحة تعلمكم كل شي . وهي حق مابش غش فيها . فأتمسكو في المسيح ساعما علمتكم . ²⁸ وذلحين ياعيالي الاعزاء ، اتمسكو في المسيح على ميد توقعو عندنا ثقة حين يجي ، وماتستحيش منة حين يرجع . ²⁹ انتو داريين ان الله رحيم ، يعني زد ادرو ان كل من يفعلو بالرحمة هم عيالة .