¹ نكتب لكم في موضوع كلمة الحياة ، اللي هو موجود في البداية ، اللي سمعناه ، اللي ابسرناه بعيوننا ، اللي ابسرناه ولمسناه بأيدينا . ² فأن الحياة بانت ، واحنا ابسرناها ، ونشهد لها ، ونبشركم فيها ، يعني حياة الخلود اللي كانت عند الاب وبانت لنا . ³ فأحنا يعني ، نبشركم باللي ابسرناه وسمعناه على ميد يوقع لكم رابط معانا . وان رابطتنا مع الاب ، ومع ابنة عيسى المسيح . ⁴ واحنا بنكتب لكم هذا على ميد توقع فرحتا كاملة . ⁵ وهذي هي الرسالة اللي سمعناها منة وحاكيناكم فيها : الله نور ومابش فية ظلام ابداً ⁶ فأن كنا بنقول ان معنا رابطة معة ، ومع هذا بنعيش في الظلام ، فأحنا بنكذب ومابنفعلش الحق . ⁷ ولكن ان كنا بنعيش في النور وكأنة موجود في النور ، توقع لنا رابطة مابيناتنا البين ، ودم عيسى ابنة يطهرنا من كل ذنب . ⁸ إن قلنا انحنا بدون ذنب ، فأحنا بنخدع انفسنا والحق ماشهو فينا . ⁹ وان اعترفنا بذنوبنا ، فهو امين ويمكن ان نتوكل عليه على ميد يغفر لنا ذنوبنا ويطهرنا من كل شر . ¹⁰ إن قلنا انحنا ما ارتكبناش اي ذنب ، فيعني هذا انحنا بنتهمة بأن هو كذاب ، وإن كلامة مش موجود في قلوبنا .