^{1 2} 1 ಅನೇಕೆ ಸಂದೇಹಸ್ಪನವಾನತ್ತೆ ಚರ್ಚಿಸ್ಮಾನಾ೦ಗ ನಂಬಿಕೆಕುರು ದೃಢಯಿಲ್ಲರನ್ನ ಸೇರಿಸ್ಗ್ಯೊಂಗು 2 ವಂಡು ಎಂತ್ತನ್ನ ತಿನ್ನಗ್ಬಹುದುಯಿಂಡು ನಂಬಿಕೆ ದೃಢಯಿಲ್ಲರಂದು ಕಾಯಿಪಲ್ಯಮಾತ್ರ ತಿನ್ಮಗಾಕು. ^{3 4} 3 ತಿಗ್ರದು ತಿಗ್ರತ್ತ ಹೀನೈಸ್ ಬಾರದು ತಿಗ್ರದು ತಿಗ್ರತ್ತೆ ದೂಷಿಯಿಂಡು ಎಣಿಸ್ಬಾರದು ದೌರೇ ಅತ್ನ ಸೇರಿಸ್ಕೊಂಡಿದೆ 4 ಇನ್ಮೊಡಲ್ ವಿಷಯವಾಯಿ ತೀರ್ಪುಸೈಯಿರ್ಕು ನೀನು ಯೇದು?ಅದು ನಿಂಡ್ರಿಕು ಬೂದೇಕು ಅದು ಅರ್ರು ಯಜಮಾನ್ನಕು ಸೇರಿಕ್ರದು ಅತ ನಿಲ್ಲಿಸ್ರಾದು ಅರ ನಿಲ್ಲಿಸ್ರಿಕು ದೌರ್ಕು ಶಕ್ತಿಯಿದು. ^{5 6} 5 ವಂಡು ವಂಡುನಾಲ್ಕಿಂತ ಇನ್ನೊಂದುನಾಲ್ಲುನ್ನ ವಿಶೇಷಯಿಂಡು ಎಣಿಸಾಕು ಇನ್ನೊಂಡು ಅದಿನಾಲ್ಲ್ ನ್ನ ವಂಡೇನಾಲ್ಯಿಂಡು ಎಣಿಸಾಕು ಪ್ರತಿಯೊಂಡಲು ತಟ್ಟು ಮನಸ್ಸ್ಕುರು ನಿಶ್ಚಯಿಸಿಕೊಂಡಿಕ್ರಪೋದು 6 ದಿನನ ಗಣ್ಯ ಸೈರಾದು ಅತ ಕರ್ತನ್ಕಾಯಿ ಗಣ್ಯಸೈಯಾಕು ದಿನನ ಗಣ್ಯಸೈಯಾರಾದು ಅತ ಕರ್ತನ್ಕಾಯಿ ಗಣ್ಯಸೈಯಿದಲ್ಲ; ತಿಂಗ್ರದು ಕರ್ತನ್ಕಾಯಿ ತಿಂಗಾಕು ಅದು ದೌರ್ಕು ಉಪಕಾರ ಸುತ್ತಿ ಸೋನಾಕು ತಿಂಗ್ದೆಯಿಕ್ರದು ಕರ್ತತ್ನಕಾಯಿ ತಿಗ್ದೆ ದೌರ್ಕು ಸೋತ್ರ ಸೋನಾಕು. ^{7 8 9} 7 ನಂಗುಲ್ಕುರು ವಂಡಲ್ಲೂನ್ನು ತಂಕಾಯಿ ತಂಕಾಯಿ ಸಾಗೂದಿಲ್ಲ 8 ನಾಂಗ ಪಾಗ್ಸೇಕೆ ಕರ್ತನ್ಕಾಯಿ ಪಾಕ್ಯರೋ ಸೆತ್ತೇಕೆ ಕರ್ತನ್ಕಾಯಿ ಸಾಕ್ರೋ ಪಾಗ್ಸೇಕು ಸೆತ್ತೆಕು ನಾಂಗ ಕರ್ತನಾಂಗ್ಲೇ 9 ಸಾತಲ್ಯಿ ಪಾಕಿರ್ಯಾಲ್ಕು ಒಡೆಯಾಗುರ್ದಿಂಡು ಕ್ರಿಸ್ತ ಸೇತ್ತು ಅದಿಂದು ಜೀವಂತನಾಯಿದು. ^{10 11} 10 ಅಂಗಾನೇಕೆ ನೀನು ನಿಟ್ಟು ಸಹೋದರ್ನುಕು ತೀರ್ಪು ಸೈರಾದು ಎಂತ್ಗು? ನಿಟ್ಟು ಸಹೋದರನ್ನ ಹಿನೈಸರಾದು ಎಂತ್ಗು? ನಾಂಗದೇರು ಕ್ರಿಸ್ತನ ನ್ಯಾಯಸನತ್ತೆ ಮುಂಕು ನಿಂಡ್ರಗುರ್ದೆ 11 ನಾಟ್ಟು ಜೀವಿತ್ ಮೇನಾಣೆ ಪ್ರತಿಯೊಂಡಲು ನಾಟ್ಟು ಮುನ್ನು ಮೊಣಕಾಲೂರಕ್ನು ಪ್ರತಿಯೊಂದು ನ್ಯಾಲ್ಕಿ ದೌರ್ಕು ಅರಿಕೆ ಸೈಯಕು ಇಂಡು ಕರ್ತನು ಸೋನಿದುಯಿಂಡು ವರ್ಜಿದು. ^{12 13} 12 ನಾಂಗುಲ್ಕುರು ಪ್ರತಿಯೊಂಡಲ್ಲೂ ತಟ್ಟು ವಿಷಯವಾಯಿ ದೌರ್ಕು ಲೆಕ್ಕ ಒಪ್ಪಿಸ್ರದು 13 ಇನ್ಮೆನ್ತಿಂಡು ವ೦ಡಲ್ ವಿಷಯ್ತಕುರು ಇನೊಂಡಲ್ಲು ತೀರ್ಪುಸೈದೇಯಿಕೋಮು ಸಹೋದರನ ಆದರ್ಕು ಅಡ್ಡಿಯಾನೇಕು ಎಡೆತಡೆಯನಾಗುಟ್ಟು ಹೊಡ್ಬಾರ್ದುಯಿಂಡು ತೀರ್ಮಾನಿಸ್ ಗ್ಯೂಂಗು. ^{14 15} 14 ಯೇ ಪದಾರ್ಥನು ಅಶುದ್ಧಯಲ್ಲಯಿಂಡು ನಾನ್ಕುಗೊತ್ತಿದು ನಾನು ಕರ್ತನನ ಯೇಸುಕ್ರಿಸ್ತನ ಮುಖಾಂತರ ದೃಢವಾಯಿ ನಂಬಿರೇ ಯೇದೆ ಪದಾರ್ಥನ ಅಶುದ್ಧಯಿಂಡು ವಂಡು ಭಾವಿಸ್ನೇಕೆ ಅದು ಅತ್ಗು ಅಶುದ್ಧನೇ 15 ನಿಟ್ಟು ಅಹಾರತಿಂಡು ನಿಟ್ಟು ಸಹೋದರನ ಮನ್ಸುಕು ನೋವನೇಕೆ ಪ್ರೀತಿಕಿ ತಕ್ಕಂತೆ ನೀನು ನಡ್ದ್ ಗ್ರವನಾಲ್ಲ ಯೆತ್ತುಗೋಸ್ಕರ ದೌರು ಸೆತ್ತೆಸೋ ಅತ ನೀನು ಅಹಾರತಿಂಡು ಕೆಡಿಸ್ಬಾರ್ದು. ^{16 17} 16 ನಿನ್ನ್ ಕ್ರೀಕ್ರ ಮೇಲು ದೊಷಣೆಕಿ ಅಸ್ಪದವಾಕ್ದು 17 ಯೆತ್ತ್ ಗಿಂಡೆಕೆ ತಿನ್ನಗ್ರದು ಕುಡಿರಾದು ದೌರ್ ರಾಜ್ಯಯಲ್ಲ ನೀತಿ ಸಮಾಧಾನ ಪವಿತ್ರಾತ್ಮ ನಿಗ್ರ ಆನಂದ ಇದೆ. ^{18 19} 18 ಕ್ರಿಸ್ತನ ಸೇವಸ್ಯರಾದು ಈ ವಿಷಯತ್ಕುರು ದೌರ್ಕು ಮೆಚ್ಚಿಕೆಯ್ಯಾಯಿಕಾಕು 19 ನಾಂಗ ಸಮಾಧಾನ ಸೈರಾತ್ತ ಪರಸ್ಪರ ಭಕ್ತಿವೃದ್ಧಿಯನ್ನುಂಟು ಸೈರಾತ್ತ ಅನುಸರ್ಸೋಮು. ^{20 21} 20-21 ದೌರ್ ಕಾರ್ಯನ ಆಹಾರದ ನಿಮಿತ್ತವಾಯಿ ಕೆಡಿಸ್ಬಾರ್ದು ಆದಿ ಪಧಾರ್ತನು ಶುದ್ಧ ತಿಂಗ್ದೆ ಯಿಕ್ರತ್ಗು ಅದು ಕೊಟ್ಟದೆಯಾಯಿದು ^{22 23} 22 ನಿಂಕು ನಂಬಿಕೆಯಿದ? ದೌರ್ ಮುನ್ನು ಅದು ನೀದ್ಕುಯಿಕಕೂಟ್ಟು ವ೦ಡು ತಾನು ಒಪ್ಪುಗ್ರ ವಿಷಯತ್ಕುರು ತನ್ನನ ತಾನು ಖಂಡಿಸ್ಗ್ಯದೆಯಿದೇಕೆ ಅದು ದನ್ಯನು 23 ಸಂಶಯಪಟ್ಟು ತಿಂಗ್ರದು ದಂಡಿಸಲ್ಪಡಗೂ ಯೆತ್ತಗಿಂಡೆಕೆ ಅದು ನಂಬಿಯಿಡು ತಿಂಗ್ಬಿಲ್ಲ ಯೇತ್ಗಿ೦ಡೇಕೆ ಅದು ನಂಬಿಯಿಡು ತಿಂಗ್ಡಿಲ್ಲಿ ಯೇತ್ತಗು ನಂಬಿಕೆ ಅಧಾರಯಿಕ್ ದಿಲ್ಲೋ ಅದು ಪಾಪ.