^{1 2} 1 ಪ್ರತಿಯೊಂಡು ತನ್ನ ಮೇನಿಯಿಗ್ರ ಅಧಿಕಾರಿಕಿ ಅಧೀನರಾಯಿಗೂಟ್ಟುನು ಯೆತ್ತ್ಗಿಂಡೆಕಿ ದೌರನಹೂಟ್ಟಕೆ ಇನ್ನೆತ್ಗು ಅಧಿಕಾರಿಯಿಲ್ಲ ಇಗ್ರ ಅಧಿಕಾರಿಗ್ಯ ದೌರಿಂಡು ನೇಮಿಸಲ್ಪಟ್ಟಗ್ಯ 2 ಅಧಿಕಾರಿಕು ಎದುರಗ್ರದು ದೌರ್ನ ನೇಮಕನ ಎದುರಿಸಕ್ಕು ಎದುರಿಸ್ರದು ಶಿಕ್ಷೆಕಿಬಳಗಾಗ್ನು. ^{3 4 5} 3 ಕೂಟ್ಟಿಪಾನಿ ಸೈರತ್ಗು ಅಧಿಕಾರಿಯ್ಯ ಭಯಯಿಕರೇ ಹೂರತು ನಾಲ್ಲಪಾನಿ ಸೈರತ್ಗುಯಿಕಿದಿಲ್ಲ ನೀನು ಅಧಿಕಾರಿಕಿ ಭಯಪಡ್ದೇ ಇಕರ್ದು ಅಪೇಕ್ಷಿ ಸಯ್ಯಾ? ನಾಲ್ಲತ ಸೈಯಿ ಅಪೋದು ಅಧಿಕಾರ ತಿಂಡೇ ನಿಂಕು ಹೊಗಳಿಕೆಯುಂಟಾಕ್ದು 4 ಅದು ನಿಟ್ಟು ಹಿತಕ್ಕೋಸ್ಕರ ದೌರ ಸೇವಕ ನಾಯಿದ್ದಲ್ಲಿ ಅನೇಕೆ ನೀನು ಕೂಟ್ಟತ್ತ ಸೇದಿಂದೇಕೆ ಭಯಪಡುರ್ದು ಅದು ಸುಮ್ಮನೆ ಕೈಕುರು ಕತ್ತಿನ ಪುಡ್ಸುಗುಲ್ಲ ಅದು ದೌರ ಸೇವಕನಾಯಿದ್ದು ಕೂಟ್ಟತ್ತೆ ನಡಿಪ್ಕ್ರತ್ಗೂ ದಂಡನೆಯನ್ನ ವಿದಿಸಾಕು 5 ದಂಡನೆಯಾಕ್ ದುಯಿಂಡು ಮಾತ್ರವಲ್ಲಿದೇ ಮನಸ್ಸಿನ ನಿಮಿತ್ತವಾಯಿಯೂ ಅದೀನನಾಗ್ ಗ್ರದು ಅವಶ್ಯ. ^{6 7} 6 ನೀಂಗ ಕಂದಾಯನ ಕೂಡ್ನರಂಗ ಅಗ್ಯ ದೌರ ಪಾನಿಸೈರಗ್ಯೆಯಿದ್ದು ಪಾನಿಕುರು ನಿರತರಾಯಿಕ್ಕನ್ನು 7 ಅಲ್ಯ ತಲುಪ್ರತ್ತೆ ಸಲ್ಲಿಸಾಂಗೂ ಎತ್ಗು ಕಂದಾಯನೋ ಅಲ್ಯಿ ಕಂದಾಯನ ಎತ್ಗು ಸುಂಕನೂ ಅಲ್ಯಿ ಸುಂಕನ ಎತ್ಗು ಭಯ ಅಲ್ಯಿ ಭಯಾನ ಎತ್ಗು ಮರ್ಯಾದೆನೋ ಅಲ್ಯಿ ಮರ್ಯಾದೆನ ಕೂಡಂಗೋ. ^{8 9 10} 8 ವಂಡಲ್ನವಂಡಲೂ ಪ್ರೀತಿಸುರ್ದುಯಿಗ್ರ ಋಣನೇ ಹೊರತು ಬೇರೆ ಎಂತ್ರು ಪಾಲ ನಿಂಗುಲ್ನು ಇಕ್ಬಾರದು ಬೇರೆಲ್ಯನ ಪ್ರೀತಿಸ್ರಾದು ನ್ಯಾಯಪ್ರಮಾಣವದಿನ್ನು ನೆರವೇರಿಸಿದು 9 ವ್ಯಭಿಚಾರ ಸೈಬಾರ್ದು ನರಹತ್ಯ ಸೈಬರ್ದು ಕದಿಬಾರ್ದು ಸುಳ್ಳಸಾಕ್ಷಿ ಸೋನ್ಬಾರ್ದು ಅಶಿಸ್ಸಿಬಾರ್ದು ಈ ಅದಿ ಕಟ್ಟೆಳೆನ ನಿಟ್ಟು ನೆರೆಯವನ ನಿನ್ನಂಕಾನಿ ಪ್ರೀತಿಸ್ರ್ದು ಇಗ್ರ ವಂಡೆ ಓಕುಕುರು ಅಡಕವಾಯಿದು 10 ಪ್ರೀತಿ ತಟ್ಟು ನೆರೆಯವನಿಕು ಎಂತು ಕೇಡು ಸೈದಿಲ್ಲ ಪ್ರೀತಿಯಿಂಡೇ ನ್ಯಾಯಪ್ರಮಾಣ ನೆರವೇರಕು. ^{11 12} 11 ಇಪೋದು ನಿದ್ರಯಿಂಡು ಎಚ್ಚರವಾಗ್ರ ಕಾಲಯಿಂಡು ಅರಿತ್ಗ್ಯರಿಗೂ ನಾಂಗ ಮುನ್ನಿ ನಂಬಿದ ಕಾಲತ್ಕುರು ಇದ್ದತ್ಕ್ಕಿಂತ ಇಪೋದು ನಾ೦ಟ್ಟ ರಕ್ಷಣೆ ಹತ್ತಿರವಾಯಿದು 12 ಇರುಳು ಕಳ್ಚುಸು ಹಗಲು ಸಮೀಪವಾಸು ನಾಂಗ ಕತ್ತಲೆಕಿ ಅನುಗುಣವಾನ ಕ್ರುತ್ಯನ್ನೇ ಹೂಟೂಟ್ಟು ವಲ್ಲಸ್ರಕು ಅನುಗುಣವಾನ ಆಯುಧನ ದರಿಸಿಕ್ಯಮು. ^{13 14} 13 ಡುಂಡಾತನ ಕುಡುಕುತನ ಕಾಮವಿಲಾಸ ಜಗಳ ಹೊಟ್ಟೆಕಿಚ್ಚು ಇಕ್ದೇ ವಲಸ್ರಕು ಸರಿಯಾಯಿ ಮಾನಸ್ತರಾಯಿ ನಡುದ್ಗುಂಗೂ 14 ನಿಂಗ ದೇಹತ್ತ ಅಶೆನ ಪೂರೈಸ್ರತಕಾಯಿ ಚಿಂತೆಸೈದೆ ಕರ್ತನಿಗೆ ಯೇಸುಕ್ರಿಸ್ತನ ಧರಿಸ್ ಕೂಂಗೂ.