Pasal 1

1 mpat ka' paulus man timotius hamba-hamba yesus kristus ka samua urakng baraseh nang pucaya ka yesus kristus nang ka pilipi uga nang pangarah jamaat man na pangurus jamaat 2 kasih pamare man damai sejahtra dari Jubata apa,diri man ka' yesus kristus ada ka kita. 3 aku basukur ka Jubataku satiap kali aku ngingatatn kita''. 4 man satiap kali aku babamang ka kita, ati ku kaja karepoatn 5 aku basukur ka Jubataku tagal kita dah sote ati ka' barita injil bamula ari pamulaatn sampe ka ari nian. 6 kade hal nian aku pucaya batol, ia koa, nang mulai'k pakarajaatn nang gagas ka samua diri,man narusannya sampe ka'arinya yesus atang agik. 7 ngka dah padan kade' aku bapikiratn lea koa ka'kita'. kita jukut ada ka atiku tagal samua' kita' uga' sigaji man aku singkajah namu labu pamare', parakatn aku tagah gi' ka' pinjara ge'nya parakatn aku gi' tagah ngabaratn barita Injil. 8 Jubata nang jaji saksiku, kade' aku man labu pangalere' Kristus Yesus, ina' batah ka' samua kita'. 9 NIan bamakngku; kira'nya baloa'- loa' ka' kita' labu pamare' ka' panu'anan nang sasidinya man samua kapanean. 10 Tagal koa kita' baya ngadiri'atn ahe nang edo', morongan kita' baraseh man nana' bakasalahatn sanape' ari Kristus atakng. 11 Binsi' dibuah kabaikatn nang di-Yesus ngarajaatn, nang nyehatatn man ningiatn Jubata. 12 Aku bakamao'atn ka' kita' samua ayukng samadi'atnku, morongan kita ' nau'an, kade' ahe nang dah tajaji ka' aku sau nyuruhatn barita injil sia'a kamajuan . 13 Tagal koa sau dah nawang ka' urakng istana man samua' urakng lain kade' aku kana pinjara tagal ngabaratn barita Injil. 14 manyaak' ayukng samadi'atn diri' nang sote' kapicaya'atn sau sia'a barani ngabaratn Injil, nana' agi' nau'an gali'. 15 Ada nang ngabaratn Kristus tagal teget man karusi'atn', bakatimpasatn, ada uga' nang ngabaratnnya tagal kabaikatn. 16 Urakng ka' koa ngabaratn Injil Yesus tagal kalabuatn, ia ka' koa jukut nau'an kade' aku atakng ka' keatn ngalawan Injil. 17 Nang lain agi' tagal ada mao'nya babaro man bapaninting nang jahat, dirinya matak, kade' pabuatannya ka' koa nyuruhatna' atiku marundo. 18 kade lekoa ina' ngahe uga',jukut lea koa uga'k kristus dingabaratn,gagas tapi bamaksud cara alok.maokpun cara jujur Tagal nang koa aku repo, aku repoa' ma'an. 19 Jukut aku nau'an pangabisatn samua'nya nian kasalamatn kita' di bamang kita' man Roh Yesus Kristus nang jaji panyalamat. 20 Aku jukut ngasa'atn man nana' batah kade' ka' samua' jukut nana' kasupe'atn, jukut nang dah doho', lekoa ampeatn, Kristus udah, katele'atn dah diningiatn ka' tubuh ku, tagah aku gi' idup ge'nya dah mati. 21 Tagal ka' idup ku nian ka' Kristus ihan, kamatiatn nguntungan aku. 22 Kade'nya aku gi' idup ka' ai' tanah nian aku karajaa' mare'a' buah. Mae nang ku sangi 'ai' aku nana nau'an. 23 Dua-duanya nyorongan aku, aku ampus badiapm man Kristus, koaba miah gagas', 24 nang miah palalu uga' badiapm ka' ai'tanah nian tagal kita'. 25 Ka' kapicaya'atn nian aku nau'an. aku tatap badiapma' man kita', nguatatna' kita' nyuruhatn sia'a maju man sia'a karepoatn ka' kapicayaatn kita'. 26 Tagal koa kita' sia'a diurakng puji, tagal di-Yesus Kristus sia'a batamah tagal aku, kade'nya aku mulakng agi' ka' kita. 27 Nang dikita' paringasatn, mao'nya idup kita' baca tarus ka' Injil Yesus Kristus, kade'nya aku atakng nae', aku nele', kade'nya aku nana' atakng, aku nangar, kita' tatap kuat badiri ka' sote' Roh, sote' ati man sote' sumangat, bakaraja kuat ka' kapicaya'atn nang muok tagal kabar injil. 28 Sabebetba nana' gali' ka' urakng nang ngalawan kita' ka' dangan koa ratinya tandahatn kamatiatn ka' kita' tandahatn kasalamatatn, nang atakng nya mpat ka' Jubata. 29 Ka' kita jukut buke' dimare'atn kamangkehatn ka' kapicaya'atn ka' Kristus, uga' bakamangkehatn mandarita man ia. 30 ka' pakarajaatn nang sama lea nang dikita' nele' ka' aku, man ampeatn nang dikita' nangar ka' aku.