¹ ದೌರ್ ಚಿತ್ತಾನುಸಾರವಾಯಿ ಯೇಸು ಕ್ರಿಸ್ತನ ಅಪೋಸ್ತಲನಾಗುರ್ಕು ಅಗ್ಸಿಕ್ರ ಪೌಲನು ನಾಂಟು ಸಹೋದರನಾನ ಸೋಸ್ಪೆನ್ನು ² ಕೊರಿಂಥತ್ಕುರುಯಿಕ್ರ ದೌರ್ ಸಭೆಕಿ ಅಂಡೇಕಿ ಕ್ರಿಸ್ತ ಯೇಸುಕುರು ಪ್ರತಿಷ್ಟಿತರು ಪರಿಶುದ್ಧರಾಯಿಕ್ರತ್ಗೂ ಅಗ್ಸಿಂದಿಕ್ರಗ್ಯ ಅಯಿಕ್ರ ನಂಗುಲ್ನು ಪ್ರತಿಯೊಂದು ಸ್ಥಳತ್ಕುರು ನಾಂಟು ಕರ್ತನಾಯಿಕ್ರ ಯೇಸುಕ್ರಿಸ್ತನ ನಾಮಸ್ಮರಣೆಯನ್ನು ಸೈರಲ್ಲಕದೇರ್ಕ್ರು ³ ನಾ೦ಟ್ಟು ಕರ್ತನಾಯಿಕ್ರ ದೌರ್ರಿಂಡ್ಲು ಕರ್ತನಾಯಿಕ್ರ ಯೇಸು ಕ್ರಿಸ್ತನಿಂಡ್ಲೂ ನಿಂಗುಲ್ನೂ ಕೃಪೆಯೂ ಸಮಾಧಾನವಾಗೂಟ್ಟು ⁴ ಯೇಸು ಕ್ರಿಸ್ತನಿಂಡು ದೌರು ನಿಂಗುಲ್ನು ಅನುಗ್ರಹಿಸಿದ ಕ್ರುಪೆಯಯಿಂಡು ನಾನು ನಿಂಗುಲ್ನು ಯೇಪೋದು ದೌರ್ನಾ ಕೊಂದಪರೋ ⁵ ನಿಂಗ ಅದಿ ನುಡಿಕೂರು ಸಕಲ ಜ್ಞಾನತ್ಕುರು ಪ್ರತಿಯೊಂಡು ವಿಷಯತ್ಕುರು ಆತನಿಂಡು ವಿಷಯತ್ಕುರು ಆತನಿಂಡು ಸವೃದ್ಧಿ ಹೊಂದಿದವರಾಯಿರಂಗ ⁶ ಕ್ರಿಸ್ತನ ವಿಷಯವಾನ ಸಾಕ್ಷಿಯು ನಿಂಗುಲ್ಕುರು ಧ್ರಢವಾಯಿ ನೆಲೆಗೊಂಡಿದು ⁷ ನಿಂಗ ಯೇತುಲ್ಯೂನೇಕು ಕೊರತೆಯಿಲ್ಲದವರಾಯಿದ್ದು ನಾಂಟ್ಟು ಕರ್ತನಾಯಿಕ್ರ ಯೇಸು ಕ್ರಿಸ್ತನ ಬರೋಣಕಾಯಿ ಆದ್ರು ಪಾಕ್ರವಾರಾಯಿರೋ ⁸ ನಾಂಟು ಕರ್ತನಾಯಿಕ್ರ ಯೇಸುಕ್ರಿಸ್ತನ ದಿನತ್ಕುರು ಯೇದು ನಿಂಗ್ಲೂ ಮೇನಿ ತಪ್ಪುಹೊರಿಸ್ರಕಾನಿ ಆತನು ನಿಂಗುಲ್ನ ಕಡೆಯ ತನಕ ಧೃಡಪಡಿಸಾಕು ⁹ ದೌರು ನಂಬಿಗಸ್ತನು ನಾಂಟ್ಟು ಕರ್ತನಾಯಿಕ್ರ ಯೇಸು ಕ್ರಿಸ್ತ ನಿಂಗ್ರ ತಾಟ್ಟು ಮೌನ ಅನ್ಯೋನ್ಯತೆತಿ ನಿಂಗುಲ್ನು ಅಗ್ಸಿಕ್ರದು ಆತನೇ. ¹⁰ ನಿಟ್ಟದೇರ್ತ್ತು ಒಕೂ ಒಂಡೇಯಾಯಿಕ್ರದು ನಿಂಗುಲ್ಕುರು ಭೇದಯಿಕ್ಬಾರ್ದು ನಿಂಗ ವಂಡೇ ಮನಸ್ಸು ವಂಡೇ ಅಭಿಪ್ರಾಯಿಕ್ರವರಾಯಿಕ್ರದು ಇಂಡು ನಾನು ನಾಂಟು ಕರ್ತನಾಯಿಕ್ರ ಯೇಸು ಕ್ರಿಸ್ತನ ಪೆರ್ಯಿ೦ಡು ನಿಂಗುಲ್ನ ಬೇಡಿಗ್ಯಾರೇ ¹¹ ನಾಟ್ಟು ಸಹೋದರರೇ ನಿಂಗುಲ್ಕುರು ಜಗ್ಯಯಿದಿಂಡು ನಿಂಗುಲ್ನ ವಿಷಯತ್ಕುರು ಬ್ಲೋಯಯ ಊಟ್ಲ್ಯಾಕಿ ತಿಲಿಜಿವಂದಿದು. ¹² ನಾನು ಇಪೋದು ಸೊಂಡ್ರದಿಂಡೆಕೆ ನಿಂಗುಲ್ಕೂರು ಪ್ರತಿಯೊಂಡಲ್ಲೂ ನಾನು ಪಾಲನತಪೌನ್ನು ನಾನು ಅಪೋಲ್ಲೋನತೌನ್ನು ನಾನು ಕ್ರಿಸ್ತತ್ತೌನ್ನು ಇಂಡು ಸೊಂಗ್ಯರಾಂಗಯೇ ¹³ ಕ್ರಿಸ್ತನು ವಿಭಾಗವಾಯಿದೋ ನಿಂಗೂಲ್ನುಸ್ಕರ ಶಿಲುಬೆಕಿ ಹೊಡಿಚ್ಚಕೂನ್ಡದು ಪೌಲನ? ನಿಂಗ ಪೌಲನ ಪೆರ್ಕುರು ಬಾಪ್ತಿಸ್ಮ ಸಿಚ್ಚ್ಕೂಂಡಿರಾಲ್ಯ? ¹⁴ ನಿಂಗುಲ್ಕೂರು ಕ್ರಿಸ್ತನಿಕು ಗಾಯನಿಕು ಹೊಟ್ಟಿಕೆ ಇನೇತ್ಗು ನಾನು ಬಾಪಿಸ್ಮ ಸೈದೇಯಿಕ್ರತ್ಗು ದೌರ್ಕುಸೋತ್ರ ಸೋ೦ನರೇ ¹⁵ ನಾಟ್ಟು ಪೆರ್ಕುರು ಬಾಪ್ತಿಸ್ಮ ಸೈಚ್ಚಕೊಂಡಿರಂಗೆಯಿಂಡು ಯೇತ್ತುಸೊಂಡ್ರದು ¹⁶ ನಾನು ಸ್ತೆಫನನ ಲೂಟಲ್ಕಿ ಬಾಪ್ತಿಸ್ಟ ಸೇಚ್ಚಿರೆ ಇಲ್ಯಕಿಲ್ಲದೇ ಇನೆತ್ಗೂ ನಾನು ಬಾಪ್ತಿಸ್ಮ ಪೇದ್ಯಾನಿಯಿಲ್ಲ. ¹⁷ ಚಂಪ್ತಿಸ್ಮ ಸೈರಾತ್ಗಲ್ಲ ಸುವಾರ್ತೆನ ಸಾರುರ್ಕು ಕ್ರಿಸ್ತನು ನನನ್ನ ಹಂಪಿದು ವಾಕ್ಚಾತುರ್ಯತಿಂಡು ಸಾರುರ್ದು ಯಿಂಡು ಹಂಪ್ಪಿಲ್ಲ ಹಾಂಗೂ ಸಾರಿಂದೇಕೆ ಕ್ರಿಸ್ತನ ಶಿಲುಬೆ ನಿರರ್ಥವಾಗ್ದು. ¹⁸ ನಾಶವಗ್ರಲ್ಯಕಿ ಶಿಲುಬೆಯ ವಿಷಯತ್ತ ಸಾರೋಣ ಹುಚ್ಚುತನವಾಯಿದು ರಕ್ಷಣೆ ಹೊಂದಿಕ್ರನಾಂಗುಲ್ನು ಅದು ದೌರ್ ಶಕ್ತಿಯಾಯಿದು ¹⁹ ನಾನು ಜ್ಞಾನಿಯ ಜ್ಞಾನನ ನಾಗಸೈಯಾರೇ ವಿವೇಕಿಲ್ಲ್ಯ ವಿವೇಕನ್ನ ಇಲ್ಲರ್ಕಾನಿ ಸೈಯಾರೇ ಇಂಡು ವರ್ಜಿದು. ²⁰ ಜ್ಞಾನಿ ಯೇಟ್ಟಿ? ಶಾಸ್ತ್ರ ಯೇಟ್ಟಿ? ಲೋಕನ ತರ್ಕವಾದಿ ಯೇಟ್ಟಿ ದೌರ್? ಈ ಲೋಕತ್ತ ಜ್ಞಾನನ ಹುಚ್ಚುತನ ಸೇದಿದೇ? ²¹ ದೌರ್ ಜ್ಞಾನತ್ಕುರು ಲೋಕತ್ ಜ್ಞಾನತ್ತ ಮೂಲಕವಾಯಿ ದೌರ್ನ್ನ ತಿಲಿಜ್ಗ್ದೇಯಿಕ್ರತಿಂಡು ಹುಚ್ಚುತನತಿಂಡೇ ನಂಬುರಲ್ಯನ್ನ ರಕ್ಷಿಸ್ರದು ದೌರ್ಕು ಇಷ್ಟವಾಯಿದು. ²² ಯೆಹೂದ್ಯರು ಸೂಚಕಕಾರ್ಯನ ಕೊಕ್ಕನ್ನು ಗ್ರೀಕರು ಜ್ಞಾನನ ಹುಡ್ಕಕನ್ನು ²³ ನಾನೇಕೂ ಶಿಲುಬೇಕಿ ಹೊಟ್ಟಿಕ್ರ ಕ್ರಿಸ್ತನನ್ನ ಪ್ರಚಾರಸೈಯಾರೋ ಅಭ್ಯಾಂತ ಗ್ರೀಕರ್ಕು ಹುಚ್ಚುತನಯಾಯಿದ್ದು. ²⁴ ಅನೇಕೆ ಯಹೂದ್ಯರ್ಯಾಲ್ಯೂ ಗ್ರೀಕರ್ಕು ಕ್ರಿಸ್ತನೇ ದೌರ್ ಶಕ್ತಿಯು ದೌರ್ ಜ್ಞಾನಾವಾಯಿದ್ದು ²⁵ ದೌರ್ ಹೇರ್ಯಿ ಮನುಷ್ಯರ್ಕಿಂತ ಜ್ಞಾನವುಳ್ಳಾವಾನಾಯಿದ್ದು ದೌರ್ ಬಳಹೀನತೆಯು ಮನುಷ್ಯರ್ಕಿಂತ ಬಲವುಳ್ಳದಾಯಿದು. ²⁶ ದೌರು ನಿಂಗುಲ್ನ ಅಗ್ಸಪೋದು ಎಂಥಲ್ಯನ್ನ ಅಗ್ಸಿದುಯಿಂಡು ಅಲೋಚಿಸಿಗ್ಯೂಂಗೂ ನಿಂಗುಲ್ಕೂರು ಲೌಕಿಕದೃಷ್ಟಿಕುರು ಜ್ಞಾನತಗ್ಯ ಶ್ಯಾನಲ್ಲುಯಿಲ್ಲ ಬಲಿಷ್ಟರೂ ಶ್ಯಾನಲುಯಿಲ್ಲ ಕುಲೀತಗ್ಯ ಶ್ಯಾನಲುಯಿಲ್ಲ ²⁷ ದೌರು ಜ್ಞಾನಿಗಳನ್ನ ನಾಚಿಕೆಪಡ್ರಸುರ್ಕಾಯಿ ಈ ಲೋಕತ ಬುದ್ಧಿಹೀನರನ್ನ ಅರಿಸಿಕೊಂಡಿದು ದೌರು ಬಲಿಷ್ಠನ್ನ ನಾಚಿಕೆ ಪಡಸ್ರತ್ಕಾಯಿ ಈ ಲೋಕತ್ತ ಬಲಹೀನರನ್ನ ಅರಿಸಿಕೊಂಡಿದು. ²⁸ ದೌರು ಇಕ್ರತ್ತ ಇಲ್ಲರವಾರಾಯಿ ಸೈರತ್ಗು ಈ ಲೋಕತ್ತ ಹೀನರಾಯಿಕ್ರಲ್ಯನ್ನ ಅರಿಸಿಕೊಂಕ್ರಲ್ಯದೆ ಗಣನೆಕಿ ಬಾರ್ದೆಯಿಕ್ರಲ್ಯನ್ನ ಅರಿಸಿಕೊಂಡಿದು ²⁹ ಆತನ ಮುನ್ನು ಹೊಗಳಿಕೊಳ್ಳಡ್ರುಕು ಯೇತ್ಗು ಆಸ್ಪದಯಿಕ್ದಿಲ್ಲ. ³⁰ ನಿಂಗ ಕ್ರಿಸ್ತಯೇ ಸುಕುರುಯಿಕ್ರದು ಆತನಿಂಡೇ ಆತನು ನಂಗುಲ್ಕೂ ದೌರ್ ಚಾಯಿದ್ದು ಜ್ಞಾನ ನೀತಿ ಶುದ್ದೀಕರಣ ವಿಮೋಚನೆಯಾಯಿ ಸೈದಿದ್ದು ³¹ ಹೆಚ್ಚಳಪಡ್ರುದು ಕರ್ತನ್ಕುರು ಹೆಚ್ಚಳಪಡೊಟ್ಟು ಇಂದು ವರ್ಜಿಕ್ರಕಾನಿಯಾಯಿದು