¹ ಸಹೋದರರೇ ನಾನೇಕೂ ದೌರ್ ಸಾಕ್ಷಿನ ತಿಳಿಸ್ರವನಾಯಿ ನಿಂಗ್ಲಂಚುಗೂ ವಂದಪೋದು ವಾಕ್ಚಾರ್ತುಯ ತಿಂಡುಕೊಂಡು ವರುಲ್ಲ ² ಶಿಲುಬೇಕಿ ಹೊಟ್ಟ ಯೇಸು ಕ್ರಿಸ್ತನನ್ನೇ ಹುಟ್ಟೆಕಿ ಬೇರೆಯೆತ್ತಿ ತಿಳಿಜ್ಗಬಾರ್ದುಯಿಂಡು ತೀರ್ಮಾನಸೇರಿಗೊಂಡಿ೦ದೆ. ³ ನಾನು ಇಂಗ್ಲಂಚುಗು ವಂದಪೋದು ಬಲಹೀನನ ಸ್ಯಾನ ಭಯಪಡ್ರವನ್ನು ನಡುಗ್ರವನಾಯಾಯಿಂದೇ ⁴ ನಾಟ್ಟು ಭೋಧನೆಕುರು ಪ್ರಸಂಗತ್ಕುರು ಮನವೊಲಿಸ್ರ ಮನುಷ್ಯಜ್ಞಾನ ವಾಕ್ಯನ ನಾನು ಬಾಳ್ಸ್ದೇ ಆತ್ಮಬಲನ ಕಾಟ್ರ ವಾಕ್ಯನ್ನ ಪ್ರಯೋಗಿಸಿರೇ ⁵ ನಿಂಟ್ಟು ನಂಬಿಕೆ ಮನುಷ್ಯಜ್ಞಾನ ಆಧಾರ ಸೇದುಗ್ದೆ ದೌರ್ ಶಕ್ತಿನ ಆಧಾರ ಸೇದ್ಗುರ್ದು. ⁶ ಪರಿಪೂರ್ಣವಸಲ್ಕುರು ಜ್ಞಾನ ಸೋನರೋ ಇದು ಇಹಲೋಕತ್ ಜ್ಞಾನ ಇಲ್ಲದೇಹೋಗ್ರ ಇಹಲೋಕಧಿಪಯ ಜ್ಞಾನಲ್ಲ ⁷ ಗುಪ್ತವಾಯಿಗ್ರ ಜ್ಞಾನನ ತಿಳಿಸ್ರತ್ಕುರು ದೌರ್ ಜ್ಞಾನೇ ಸೋನಾರೇ ಅತತ್ತೇಯ ದೌರು ನಾ೦ಟ್ಟು ಮಹಿಮೆಕಾಯಿ ಲೋಕತ್ಪತ್ತಿಯಾಗ್ರಗಿನ ಮುನ್ನೇ ನೇಮಿಸಿಗ್ರದು. ⁸ ಇತತ್ತೇಯ ಇಹಲೋಕಧಿಪತಿಲ್ಯಕೂರು ಯೇತ್ತುಗು ಗೊತ್ತಿಲ್ಲ ಗೊಕ್ತಿಂದೇಕೇ ಅಗ್ರ ಮಹಿಮೆಯಿಗ್ರ ದೌರ್ನ್ನ ಶಿಲುಬೇಕಿ ಹೂಡತಯಿಕಿಲ್ಲನು ⁹ ಅನೇಕೆ ವರ್ಜಿಗ್ರ ಪ್ರಕಾರ ದೌರು ತಾನತೇಯ ಪ್ರೀತಿಸ್ಯಲ್ಯಕೀ ಸಿದ್ಧಸೇದಿಗೃತ ಕಾನು ಪಾಕೂಲ್ಲ ಸೂವಿಕೊಕುಲ್ಲ ಅತ್ತತ್ತೇಯ ಮನುಷ್ಯನ ಹೃದಯನು ಹರ್ತ್ಗುಲ್ಲು. ¹⁰ ನಾಂಗುಲ್ಕೋ ದೌರು ತಂಟ್ಟು ಆತ್ಮತ ಮೂಲಕವಾಯಿ ಅತತ್ತೇಯ ಪ್ರಕಟಿಸಿದು ಅ ಆತ್ಮ ಆದಿ ವಿಷಯನ್ನು ಶ್ಯಾನ ವಿಷಯನ ಪರಿಶೋಧಿಸ್ರದಾಯಿದು ¹¹ ಮನುಷ್ಯನ ಊಲ್ಲಿಕ್ರ ವಿಷಯ ಹಾಕೊಟ್ಟೆಕೆ ಹುಟ್ಟೆಕೇ ಇನೇತ್ಗು ಗೊತ್ತಿಲ್ಲ ? ಹಾಂಗೇ ದೌರ್ ವಿಷಯನ ದೌರ್ ಅತ್ಮನೇ ಹೊಟ್ಟೆಕೇ ಇನ್ನೆತ್ಗು ಗೊತ್ತಿಲ್ಲ. ¹² ನಾಂಗ ಪ್ರಪಂಚಿಕ್ತ ಅತ್ಮನ ಹೊಂದಿಗ್ದೇ ದೌರು ನಾಂಗುಲ್ನು ಉಚಿತವಾಯಿ ತಂದಿಗ್ರತೇಯ ತಿಲಿಜಗ್ರುಕು ದೌರ್ ಆತ್ಮನೇ ಹೊಂದಿಗ್ಯಂಡಿರೋ ¹³ ಮನುಷ್ಯ ಜ್ಞಾನತಿಂಡು ಕೇಚ್ಚಿಗ್ರ ಒಕ್ನ ಸೊಂದೇ ಪರಿಶುದ್ಧಾತ್ಮ ಕೆಪ್ಚಾಡ್ತೂ ಓಕಿಂಡು ಸೋನಿ ಆತ್ಮ ಸಂಬಂದವಾಗ್ರತ್ತೇಯ ಆತ್ಮೀಕವಾನತ್ಕುರು ಹೊಲಿಸ್ಗ್ಯಾರೋ. ¹⁴ ಮನುಷ್ಯ ದೌರಾತ್ಮನ ವಿಷಯತ್ತ ಸ್ವೀಕರ್ಸುದಿಲ್ಲ ಅದು ಅಲ್ಯಿಕಿ ಹುಚ್ಚುತನವಾಯಿ ಕಂಗಕು ಅಗ್ಯದಿ ಆತ್ಮವಿಚಾರತಿಂಡು ತಿಲಿಜ್ಗ್ರದಾಯಿ ಅಗ್ಯ ಅತತೇಯ ಗ್ರಹಿಸ್ದಿಲ್ಲನ್ನು ¹⁵ ಆತ್ಮನಿಂಡು ನಡಿಪ್ಚ್ಕ್ರವಾನೋ ಅದಿನ್ನು ವಿಚಾರಿಸಿ ತಿಲಿಜ್ಗ್ಯಕು ಅನೇಕೆ ಇದು ಎತ್ನೂ ವಿಚಾರಿಸಿ ತಿಲಿಜ್ಗುದಿಲ್ಲ ¹⁶ ಕರ್ತನ ಮನಸ್ಸನ್ನ ತಿಳಿಜ್ಗೊಂಡು ಅತ್ಗು ಉಪದೇಶಸೈರಾದುಯೇದು? ನಾಂಗುಲ್ನೋ ಕ್ರಿಸ್ತನ ಮನಸ್ಸು ಇದು.