Pasal 22
Perumpamaann tentang Orang yang Diundang ke Pesta Pernikahan
1
Yesus nyansana agi' ka ayoa' sadatn parumpamaan-parumpamaan, waat-Na,
2
"Karajaan Surga bisa gatn ngumpama ulah nyungan raja da umas pesta bainyha' ya' anak are'a.
3
Ge' ini' ngadu ayo panyagu'a ya' maba' ayo sok da laka gatn ngundang ka pesta dakoh, tapi ayoa' kati' ituh utukng.
4
Lalu, raja ngadu agi' ayo panyangu da laitn, waatna, 'Mujiatalah ka ayo sok da ngagatn ngundang. Ile', iko laka nyiap pangkumanko'. Lembu-lembu are ge' tarnak-tarnak da gatn ngamanu' samaana nga siap ta. Utuknglah ka paruman bainyha' diah.'
5
Tapi, ayoa' kati' padulia' ge' boho, da nyungan ka uma'a, da laitn ka usaha'a,
6
ge' da laitn'a nangkap ayo panyangu raja dakoh, nyiksa'a ge' ngamis'a.
7
Maka, sang raja baji', ge' ngutus tantara-tantara'a, mambinasa pangamis-pangamis dakoh, ge' nyahung kota ayoa.'
8
Lakadakoh, ini' nyansana ka ayo panyangua, 'Gawe bainyha' nga siap, tapi ayo sok da gatn ngundang dakoh kati' layak.
9
Ya' karna dakoh, anu mih ka gala'-gala' da ayho ge' ngundang mih nyamani karah sok da kaatn imu' amput ka gawe bainyhak diah.
10
Maka, panyangu-panyangu dakoh anu ka gala'-gala' ge' ngumpur samaan sok da ayo amput, da bait ge' da jahe'. Ge', tampat bainyha' dakoh panhu ge' ayo tamu.
11
Ao' ta, jangkah raja maruh ya' badaput nige' ayo tamui a', ini' mile' nyungan sok ka teetn, da kati' ngiak pangiak ya' gawe bainyha.'
12
Ini' nyansana wa' ini', 'Age, langkina imu' kaatn maruh ka diah tampa ngiak pangiak ya' gawe bainyha'? Ge', sok dakoh tatunguh.
13
Lakadakoh raja dakoh nyansana wa' panyangu-panyangu a', 'Ningo' barekng ge' kaja'a', ge' nyangkahatnta ini' ka sadatn tampat da galap da paling sato. Ka teetn, ao' ani unse' ge' karatok japu.'
14
Sabab, karah da gatnmaba', tapi iget da gatnmilih."
Usaha Pamimpin Yahudi ya' Ngajerat Yesus
15
Lakadakoh, ayo Farisi anu ge' bapakat supaya ayoa' kaatn ngajerat Yesus nige' saratn-A.
16
Ge', ayoa' ngutus ayo murid ayoa' wa' Yesus samahu nige' ayo sok Herodian. Ayoa' nyansana, "Guru, kai pane bahwa Akupm jujur ge' ngajar gala' Jabata sadatn da taman. Akupm ti' buut wa' asi pun sabab Akupm kati' mile' muka.'
17
Kalo ladakoh, muji'ta pandapat-Mu wa' kai' Anita gatn ngataman ya' mayar pajak wa' kaisar ato kati'?
18
Ao'a ta, Yesus panane kajahatan ayoa' ge' nyansana, "Jailah imu' nyuba Iko', he munapik?
19
Nampilta wa' -Iko uang ya' pajak dakoh." Lalu, ayoa' nyarah nyakapikng dinar ka-Ini.'
20
Ge', Ini' nyansana wa'ayoa', "Gambar ge' tulisan asi diah?"
21
Ayoa' naham, "Kaisar."
Lakadakoh, Yesus nyansana wa' ayoa', "Oleh karna dakoh, mayarlah wa' kaisar hal-hal da kaisar umpu', ge' wa' Jabata hal-hal da anilah Jabata umpu'."
22
Jangkah dangah a', ayoa' aru herana', ge' ngagatn-A ge' anu.
Usaha Sok Saduki ya' Ngajebak Yesus
23
Wa' ano da samu, ayo sok saduki, da nyansana bahwa kati' ani kabangkitan, utukng wa' Yesus ge' mansikatn wa'-Ini.'
24
Ayoa' muji', "Guru, Musa muji' bahwa sa' nyungan are kabis ge' kati umpu' anak, age da are harus kawin gek sautna ge' nyambung katurunan wa' age a' da kabis dakoh.
25
Mati', ani ijo' badadik ka antara kai. Da ama bainyha', ge' kabis tampa ani umpu' anak, ge' ngagatn sautn a' wa' agea.
26
Ladakoh uga nige' da kadua, da kataru, sampe da kaijo.'
27
Pangkabas umpatn samana', mahung dakoh kabis uga.'
28
Wa' ano kabangkitan, mahung dakoh jadi sautn asilah umpatn da ijo badadi' dakoh? Sabab, ayoa ' samaan laka kawin ge' ini'."
29
Ao'ata, Yesus naham ge' nyansana wa' ayoa', "Imu' ngasasat, kati' ngarati Kitab Suci atopun kuasa Jabata.
30
Sabab, wa' ano kabangkitan, ayoa' kati' kawin atopun gatnngawin, tapi ulah malaikat-malaikat ka surga.
31
Namun, manganai kabangkitan ayo sok kabis, tinga bah mu' maca jai da gatn muji' wa'imu' uleh Jabata,
32
'Iko'ta Jabata Abraham, Jabata Ishak, ge' Jabata Yakub'? Ini' inya Jabata sok kabis tapi Jabata sok da idup."
33
Jangkah ayo sok da karah dangah hal diah, ayoa' batol-batol heran wa' pangajaran-A.
Hukum Dadumelah da Paling Penting?
34
Namun, jangkah ayo sok Farisi ngadangah bahwa Yesus laka umas ayo sok Saduki karatunguh, bakumpurta ayoa.'
35
Lakadakoh, nyiteng umpatn ayoa', nyungan ahli Hukum Taurat, mansikatn wa' Yesus ya' nguji-A,
36
"Guru, parintah dadume da paling penting sadatn Hukum Taurat?"
37
Ge', Yesus nyansana wa'ini', "Imu' harus nyayang Tuhan Jabatamu' nige' sapanhu atemu', ge' nige' sapanhu jiwamu', ge' nige'sapanhu pikiranmu.'
38
Diah anilah parintah da paling ayho ge' da uru.
39
Da kadua anilah ulah diah, 'Imu' harus nyayang samuadup kupm ulah adupmu.'
40
Sadatn kadua parintah diah, bagantong samaan Hukum Taurat ge' kitab ayo nabi."
Mansikatn manganai Mesias
41
Mati', samantara ayo sok Farisi bakumpur samahu, Yesus mansikatn wa' ayoa',
42
"Langkina pandapatmu' manganai Kristus? Anak asilah Ini'?" Ayoa' muji' wa'-Ini'. "Anak Daud."
43
Ini' muji' wa' ayoa', "Kalo ladakoh, langkinalah Daud, sadatn Roh, maba'-A 'Tuan', waatna,
44
Tuhan bafirman wa' Tuanko,
"Uyungta ka suutn sentao'-Ko', sampe Iko' mana' ayo musuh-Mu ka saroh kaja'-Mu'?
45
Sak Daud maba' Kristus jadi 'Tuan', langkina mungkin Ini' anilah anak Daud?"
46
Kati' nyunganpun da kaatn naham nyapatah kata pun wa'-Ini'. Ge', mule no dakoh, kati' ani sok da pagatn mansikatn partanyaan-partanyaan agi wa'-Ini.'