Matius 21

Yesus Disambut Seperti Seorang Raja

1 Jangkah ayoa' laka riket ge' Yerusalem ge' laka utukng ka Betfage, ka bukit Zaitun, Yesus ngutus dua ungan murid-A.

2 Waat-A wa' ayoa', "Anuteetn ka desa da ani ka depanmu', ge' imu' ao' lansong amput nyungan keledai da gatnningo' ge' nyungan anak keledai samahu a'. Muhu mih pantingo' ayoa' ge' minsakng ta kadua a' wa'-Iko.' 3 Sak ani sok da muji' tarutn ka imu', imu' arus muji', Tuhan palalu a", ge' Ini' ao' capat mangkure' a'."

4 Hal diah tajadi supaya ya' manggenapi jai da gatn nabi muji': 5 "Muji'lah wa' mahu Sion, mile'lah, Rajamu' utukng ka imu', rendah ate, ge' makka nyungan keledai nige' nyungan keledai angot, anak umpatn keledai beban.

6 Murid-murid anu ge' umas ulah da nga Yesus perintah wa' ayoa.' 7 Ayoa' minsakng keledai samahu ge' anak keledai dakoh, ge' mana' jubah-jubah ayoa' ka tumukng keledai-keledai dakoh. Ge' Yesus unyung ka tumukng a.' 8 Nyabagi ahyo umpatn sok karah dakoh malampar jubah-jubah ayoa' ka gala', ge' da laitn a' nyantak daatn-daatn puutn, lalu nyarak a' ka gala.' 9 Karah sok bajalatn ka tura'-A ge' ayoa' da nganang a' ngampak,
"Hosana bagi Anak Daud! 'Gatnberkatlah Ini' da utukng sadatn gaatn Tuhan.' Hosana ka tampat da paling nyamo!"
10 Jangkah Yesus maruh ka Yerusalem, smaan kota jadi bago. Ayoa' mansikatn, "Asilah Ini' diah?"

11 Ge', sok da karah naham, "Ini' anilah Nabi Yesus, umpatn Nazaret ka Galilea."
Yesus Nyuci Bait Jabata

12 Lalu, Yesus maruh ka Bait Jabata ge' nguser ayo sok da agi' bajual ka Bait Jabata, lalu nyungkir balik meja-meja da ya' nukar uang ge' pangkeng-pangkeng ayoa' da nyual manuk-manuk acang.

13 Ini' nyansana wa' ayoa', "Ani tatulis, 'Ramin-Ko' ao' gatnmuji' ramin doa' tapi imu' umas jadi sarang ayo parampok."

14 Ge', sok da buta ge' uga da lumpuh utukng wa'-Ini' ka Bait Jabata, Lalu Ini' Ngangkauhatn ayoa.' 15 Tapi, jangkah ayo imam kapala ge' ahli-ahli Taurat mile' mujizat-mujizat da nga laka gatn Yesus umas ge' mile' anak-anak da ngampak sadatn Bait Jabata, "Hosana bagi Anak Daud," ayoa' jadi baji.'

16 Lalu, ayoa' mansikatn wa' Yesus, "Anita Akupm ani dangah da da gatn anak-anak muji'?"
Ge', Yesus naham ayoa', "Ai'. Tinga suah a' imu' maca', 'Umpatn baba' kangot bayi ge' kagot-kangot da nyusu', Akupm nga nyiap pujian ya' adup-Mu sadi'?"
17 Lakadakoh, Yesus ngagatn ayoa' ge' mungkas umpatn kota dakoh ka Betania ge' bangarum ka teetn.
Yesus Nyua' Kuasa Iman

18 Mati, wa' ano asat, jangkah Yesus malik ka kota, Ini' jadi siburuk. 19 Ge', jangkah mile' puutn ara ka pinggir gala', Ini' nutok a' ge' kati' ani amput jai-jai, kacuali dautn-dautn ja'. Ge', Ini' nyansana wa' puutn dakoh, "Kati' ao' suah agi' ani buah umpatn imu' sampe salama-lama a'!" Ano dakoh uga', puutn ara dakoh ngajadi karikng.

20 Jangkah murid-murid mile' hal diah, ayo murid terheran-heran ge' mansikatn, "Langkina puutn ara dakoh karikng tiba-tiba?"

21 Ge', Yesus naham ayoa', "Sasungguh a' iko' muji' wa'imu', sa' imu' umpu' iman ge' kati bimbang, imu' inya hanya ao' umas jai da gatnumas tarhadap puutn ara diah, bahkan sak imu' nyansana wa' gunung diah, 'Tarantatnlah ge' tacampaklah ka sadatn laut,' hal dakoh ao' tajadi. 22 Ge', tarutn jai pun da imu' mahi sadatn doa, pacayalah, imu' ao' kaatn a'.
Pamimpin Yahudi Ragu wa' Kuasa Yesus.

23 Jangkah Yesus maruh ka Bait Jabata, ayo imam kapala ge' ayo ama-ama bangsa Yahudi utukng wa'-Ini' samantara Ini' agi' ngajar ge' mansikatn, "Nige' kuasa jailah Akupm umas hal-hal diah? Ge', asilah da mangkatn-Mu' kuasa diah?"

24 Yesus naham ayoa', "Iko' uga' ao' mansikatn nyiteng hal wa'imu', da sak imu' bisa naham a', Iko' uga' ao' muji'kaimu' nige' kuasa jai Iko' umas smaan hal diah. 25 Umpatn umelah baptisan Yohanes? Umpatn surga ato umpatn talino?" Ge' ayoa' mule nyarita a' ka antara samu adup ayoa', waatn a', "Sak ite' muji', 'Umpatn Surga,' Ini' ao' muji' 'Kalo ladakoh, jai imu' kati' pacaya wa' Yohanes?' 26 Tapi ao'a, sak ite' naham, 'Baasal umpatn talino.' Ite' buut wa' sok karah karna ayoa' smaan muji' bahwa Yohanes anilah nabi."

27 Maka ayoa' naham Yesus, "Kai kati' pane." Ge', kalo ladakoh, Iko' uga kati' ao' muji' ka imu' nige' kuasa jai Iko' umas hal-hal diah."
Parumpamaan manganai Dua Sok Anak

28 'Tapi, jai pandapatmu? Ani sok da umpu' dua anak are, ge' ini' utukng wa' da ama ge' nayansana, 'Anakko, anu ge' bakarajelah ano diah ka kabon anggur.'

29 Ge', ini' naham, 'Ai', Sama', tapi ngalaka dakoh ini' kati' anu.

30 Lakadakoh sama' dakoh anu wa' da kadua ge' muji hal da samu'. Anak dakoh naham, 'Kati' tuh', tapi ni' nyasal ge' anu.

31 Asilah umpatn kadua anak dakoh da nurut wa' sama' a? Ayoa' muji', "Da tarakhir." Yesus nyansana wa' ayoa', "Sasungguh a', iko' muji' wa'imu' bahwa ayo pangumpur pajak ge' lonte-lonte ao' maruh ka sadatn Karajaan Jabata nyantulu imu.' 32 Sabab, Yohanes utukng wa'imu' sadatn gala' da taman ge' imu' kati' tuh pacaya, tapi, ayo pangumpur pajak ge' lonte-lonte tuh pacaya. Ge', imu', jangkah mile' hal diah bahka kati' nyasal ngalaka a' singge imu' kaatn macaya a'.'
Parumpamaan manganai Daumpu' ge' Danyewa Kabon Anggur

33 "Dangahlah Parumpamaan da laitn. Ani daumpu' kabon da mura' nyabuah kabon anggur, ge' masang paga ka kalilikng a', ge' ngari' tampat ngaccet anggur, ge' mantagutn menara. Lakadakoh, ini' nyewa kabon anggur a' wa' ani mani petani, ge' ini' barangkat ka luar negeri. 34 Jangkah musim buah hampir utukng, ini' ngutus panyangu-panyangu a' wa' petani-petani dakoh ya'nyamut buah a.' 35 Ge', ayo petani nangkap ayo palayan dakoh ge' mangkukng da nyungan, ge' ngamis da nyungan, ge' munu' da laitn a' nige' batu. 36 Nyakali agi', daumpu' kabon dakoh ngadu panyangu-panyangu da laitn, da labih karah daripada da katinga a'. Ge', ayo petani dakoh umas hal da samu' tarhadap ayoa.' 37 Pangkabas a', daumpu' kabon dakoh ngutus anak a' wa ayoa', waatn a', 'Ayoa' ao' manghormat anakko.'

38 Tapi, jangkah ayo petani dakoh mile' anak a', ayoa' nyansana ka antara ayo samu adup, 'Ini' anilah ahli waris, kaeh ite' ngamis ini' ge' ngarampas warisan a'.' 39 Lalu, ayoa' nangkap anak daumpu' kabon dakoh, nyangkahatn ka sato kabon anggur, ge' ngamis a.' 40 Karna dakoh, jangkah daumpu' kabon anggur dakoh utukng, jai da ao' ini' umas wa' petani-petani dakoh?" 41 Ayoa' nyansana wa'-Ini', "Ini' ao' mambinasa ayo sok jahe'. Ge' ao' ngadu nyewa kabon anggur a' wa' petani-petani da laitn, da ao' nyarah wa'ini' buah-buah wa' musim a'."

42 Yesus nyansana wa' ayoa', "Anita imu' ti' suah maca sadatn Kitab Suci: 'Batu da gatnulak ya' tukang-tukang bangunan nga jadi batu penjuru. Hal diah tajadi umpatn pihak Tuhan, ge' hal diah ajaib ka matu' ite'?

43 Karna dakoh, Iko nyansana wa' imu', Karajaan Jabata ao' naap umpatnimu' ge' ao' mangkatn wa' ayo sok da ngasel buah umpatn a.' 44 Ge', asi da jantu' ka tumukng batu diah ao' gatnmucuh bakaping-kaping; ge' asipun da gatn batu ngantuk ao' ancur."

45 Jangkah imam-imam kapala ge' ayo sok Farisi dangah parumpamaan-parumpamaan-A, ayoa' ngarati bahwa Yesus agi' nyansana manganai ayoa.' 46 Tapi, jangkah ayoa barusaha ya' nangkap Yesus, ayoa' buut wa' sok karah dakoh da nganggap Yesus anilah nabi.