Pasal 18
Siapa yang Terbesar di Dalam Kerajaa Surga?
1
Pas waktu no dakoh, murid-murid utukng ka Yesus ge' mansikat'n, "Asi ta da paling aihyo ka sadat'n Karajaan Saruga?"
2
Lalu, Yesus maba sook kangot inek ka-Ini', ge' mana' kangot inek dakoh wak tauda-uda ayo'a,
3
ge' nyansana, "Iko' muji' da subanar'a ka imu', kacuali imu' batobat ge' jadi ulah ayo-kangot, imu' kati aok maruh ka sadat'n Karajaan Saruga.
4
Asi da ngarendah adup'a ulah kangot diah diu'ta da paling aihyo ka sadat'n Karajaan Saruga.
5
Ge', asi da narima kangot inek ulah da nyungan diah ka sadat'n gaat'n-Ko', ini' narima Iko'."
Paringatan tentang Panyabab Duse
6
"Tapi aok'a, asi da manyasat salah satu umpat'n ayo-kangot inek da pacaya ka-Iko' diah, labih bait bagi'a sa nyabuah batu kilangan gat'n ngantukng ka jangok'a ge' gat'n nanggulup'm ka laut da paling sadat'n.
7
Calakalah dunia barang panyasat-panyasat da ani wak sadat'n'a! Sa', panyasatan memang arus tajadi, tapi calakalah sok da majaka'a.
8
Sa' barekng ato kajamu' umasmu' baduse, nyantak ge' matat'n ta dakoh. Labih bait bagimu' maruh ka sadat'n idup nige barekng da pugot ato pincang daripada umpu dua barekng ge' dua kaja, tapi gat'n matat'n ka sadat'n api kekal.
9
Sa' matu'mu' umasmu' baduse, nyungkil ge' matatnlah dakoh, labih bait imu' maruh ka sadatn idup nige' nyiteng matu', daripada umpu' dua matu' tapi gatnmatatn ka sadatn api naraka."
10
"Memperhatimih, iya' imu' ngaremeh nyungan umpatn ayo kangot diah. Sabab, Iko' muji' wa'imu' bahwa malaikat- malaikat ayoa' ka surga salalu nyantunung muka Sama'-Ko da ka surga.
11
[Sabab, Anak Talino nga utukng ya' nyalamat sok da ilakng.]
Parumpamaan manganai Domba da Ilakng
12
Langkina manurutmu'? Sa' sook ani 100 ungan domba, tapi da nyungan umpatn ayoa' layo, kati'a' sok dakoh ngagatn da 99 ungan ka gunung ge' anu ya' najo da nyungan da layo dakoh?
13
Ge', sa' ini' amput a', sasungguha' Iko muji' kimu', ini labih basukacita karna nyungan da layo dakoh daripada 99 da ti layo.
14
Ladakoh uga', inyatalah kahendak Sama'mu' da ka surga sa' nyungan umpatn ayo kangot diah binasa."
Manasihati Sok da Basara
15
"Sa' agemu baduse, anu ge' nyua' sara a', antara imu' ge' ini' sadi' ja'. Sa' ini ngadangahmu', imu' nga kaatn agemu.
16
Tapi, sa' ini' kati ngadangahmu, minsaknglah nyungan ato dua ungan agi' samahumu' supaya nige' saratn umpatn dua ato taru ungan saksi, satiap saratn gatnnatap.
17
Sa' ini' nulak ya' ngadangah ayoa', mujitalah hal dakoh wa' jemaat. Ge', sa' ini' malah nulak ya' ngadangah jemaat, biartalah ini' jadi ulah bangsa-bangsa laitn ge' pangubu' sewa.
18
Iko' muji' da sabanara wa'imu' bahwa jai da mu' ningo' ka bumi ao' tatingo' ka surga. Ge', jai da mu' ngarapas ka bumi ao' gatnngarapas ka surga."
19
Nyakali agi', Iko' muji' kimu' bahwa sa' dua ungan ka antaramu' sapakat ka bumi mahi tarutn, hal dakoh ao' tarjadi bagi ayoa' kat Sama'-Ko' da ani ka surga.
20
Sabab, ka tampat dua ato taru ungan samahu bakumpur sadatn Gaatn-Ko', Iko' ani ka tuda'-tuda' ayoa.'
Parumpamaan manganai Pangampunan
21
Lakadakoh, Petrus utukng wa' Yesus ge' mansikatn, "Tuhan, nyamani sering saharus a' iko' ngampun ageko' da baduse tarhadapko'? Sampai 7 sidah?"
22
Yesus muji' wa'ini', "Iko ti' muji' wa'imu' 7 sidah tapi sampe 70 sidah kali 7 sidah.
23
Karna dakohlah, Karajaan Surga gatnumpama ulah nyungan raja da umas paritongan nige' ayo hamba a.'
24
Jangkah ni' mule baritong, sok da barutang 10.000 talenta gatnminsakng wa'ini.'
25
Karna ini' dakoh ti' mampu mayar, tuana' ngadu supaya ini' gatnnyual, samahu sautn a' ge' ayo anak a', uga' smaan da ini' umpu', ge' nige'dakohta ni' umas pambayaran.
26
Maka, hamba dakoh maramuup ge' nyambah tuana', waatna', 'Basabarlah wa'iko' ge' iko' ao' mayar smaana wa' imu'.'
27
Lakadakoh, tuan umpatn hamba dakoh ani rasa mase, ge' ngarapasa' ge' mangkatn a' ampun atas utanga' dakoh.
28
Tapi, jangkah hamba dakoh mungkas ge' badaput nige' hamba laitn da barutang 100 dinar wa'ini', ini' nangkap gae nyikel hamba dakoh, ge' nyansana, 'Mayar agi' uang da imu' nginyapm unpatnko!'
29
Maka, hamba da barutang dakohsujud ge' mamuhon wa'ini', waatna', 'Basabarlah wa'iko' ge' iko' ao' mayar smaana wa'imu'.'
30
Tapi, ini' nulak a' ge' nyese' kawana' dakoh ka panjara sampe ini dakohaba' malunasi smaan utanga.'
31
Jangkah hamba-hamba da laitn mile' kejadian dakoh, ayoa' jadi mangkin sedih lalu utukng ge' malapor wa' tuana' manganai smaan da nga terjadi.
32
Lakadakoh, tuana maba' hamba da pamule dakoh ge' nyansana wa'ini', 'Imu' hamba da jahat. Iko' nga mengampuni smaan utangmu' karna imu' mamuhon wa'iko.'
33
Inyata saharus a' imu' ani pamase' wa' samu ka adupmu' hamba, ulah iko' uga' nga nyua' pamase' wa'imu'?'
34
Ge', tuana, ngabato-batol baji', nyaraha' wa ayo panyiksa sampe ini' kaatn mayar agi' smaan da ngagatnnginyapm wa' ini.'
35
Sama'-Ko' ka surga uga' ao' umas hal da samu' wa'imu', sa' imu' ti' mangampuni agemu' umpatn sadatn atemu'."