¹ Bowiani kamo lisingi hate hahaino hekowase se nele?Iyase,ili koyi nakamo elino mbe ine iyena na hate ha ndjoto eino? ² Boyewa na kamo ehena boti ebwa,bohola kamu boisi na metema mebe,kasi bote na iyo boti bwa mbo ine ikoki enu ine bobwe bowiana kamu hema,lita ine boti elomba Aungu. ³ Kamu tango ene elombe enu,boti ebwa,lita ine boelomba na haluhani habe,wonangilisi kpo kamo elino wangine. ⁴ waito wa hasesia!botilui ine bowindi hewuisi ofini Aungu? Moto ono eundi ine awe nambi nahe ohewu,aya twesi wofini Aungu. 5 Henu wotangi ine lihohi lo Aungu isi kpo pamba? Aungu eunda no ofini owoya mwenda mone mwisi he hate ha haiso. ⁶ Naiyo Aungu ekalia esu waliwone wolotoli wofi lita ndenge ekpoma lihoyi:Aungu emalela waito wane ba mefeto, ekalia pasa elehe na wane ba mefeto, ekalia pasa elehe na wane beyalitesi. ⁷ Botemi Aungu kamu boema lele sitani,woyo he etilambo ohola nemu. ⁸ Awe na Aungu,he kamu elwambo auwe nenu.nenu waito obe,soholi hafindi ha haino enu haito ha mitema mabe,bosohole metema mebe,bosohole metema emaino!. ⁹ Liti mundu mundu omaino,bokele wingunda kamu bolele emesi ini woli owaino bwakihe bileli ,kamu bonangeliowaino bwatwe hahwa. ¹⁰ Boya titesi felo o ngi Aungu,lita he etombola mbo rnu. ¹¹ Bambi nango bota tongane enu na enu moto ono eye tonga kamu esambesa mambi nahe,etonga kamu esambisangele. ¹² Kainga ine,moto ono ekalia ngele he mangine,hioho ekoka owunesi kamu owoli. woyo ohe wisi senda,lita osambesi mambi na ho? ¹³ Bowe sikene enu one boekpoma ombwe to fifi toya mbo na mwengeoyo,toola mbo elo hehwa ohaye. ¹⁴ Boliwi haitahane heluimbo fifi? lita ine,wowui owaino wisi sembi?yo kpo lihumba line lihenena kpo yekkekani kolo,kamu mbuse ya lemoha. ¹⁵ Lita ndenge ekoki enu ekpomi:Ahe moumesi eunda,towambo na wume,kamu tokelambo lita line to ilo. ¹⁶ Kasi sikene,boya sesia bate ha mofeto omaino. boliwe ine,mofeto kpa londenge elo, loti wali. ¹⁷ Woyo,moto ono eliwi olongi haita hali,kasi eti tongo ho, ekela obe.