¹ Boengale elei,itisi na waito waye isengani eleino beaisa na wenesi,lita line boliyi ine towambo na wosambisani esolo. ² Tolihi ine esukpa tokela wobe ohene,a moto eti kela wobe na liohi,isi motongia, ekomeli na wabwi ndoto elehe na monyololo. ³ Aya toisa mondi na monua mo punda lita a otemia esu,toende sa kamu ndoto elehe kpa. ⁴ Lita, liwange,eine mwa ofi na lifofela ofi, heenda na waito kolo,na haiso wa pilote. ⁵ Na ndenge emoi, liohi eisi hema,eisi moloho e waita o hafi hafi,lita iyohe kolo ekoka wosiheli wato hafi. ⁶ Liohi kamu eisi iyohe,eisi moili mo wobe. liohi ewisami hate na waito wane batumana, wosengisi ndoto kpa, ekalia iyofi na bume, tenga imo mangine isihela na hema ene etuanisa. ⁷ Lolenge kpa ha nama,noli,nama ine eyaluta na anda, nama ine euma na haye ikaliani na moili. ⁸ Lita liohi, moto somi emoi eti koka okali, eti wobe ene eti koki bokali itumbu,eisi tenga kenge. ⁹ Nahio,tousola muimisi kaka eleiso,naio kamu totuna waito wana bekelani na helilingi e Aungu. ¹⁰ Na liohi limoi tomola usoli nabotuni otakele, baenga nela elei,yawe ohoyo. ¹¹ Nongo lone ekawa yo,eundola haye na ngia na kanu hane eisi wobe. ¹² Mote,baenganela elei mokoka ohoti,touma? haye ha iyihe etikoka boomoli waifio. ¹³ Nda hate eleino eisi na hakili na hayele? ene enesa hasala eleye na boendi na wali na hakili. ¹⁴ Aya boisi na hate eleino haluhani wobe na mwenda mo nga, bota ya komesi na kamu botayaise na lundu ¹⁵ Hakili imo etilui liolo,elui nde na mbu, na ndoto,na moloho. ¹⁶ Lita line,isengani eisi haluhani wobe eisi na mwenda monga ,isi na hehela na hahela na haita mbe kpa . ¹⁷ Haluhani ha liolo eisi felo ngie,eisi lisala wali,mwese,womanisi,endjali na motema mo hohwa,na touma ndjali,eti na moloho . ¹⁸ Iumi i wosembo ihonama na hoyi lita li waito wane bekpalana hayi.