¹ Natunga, baenganena, wolombe lita ilaiso ine liohi li moumesi liende luhele kamu lia sesane hate ha haino, ² Kamu ine toume kowa na hehela kamu na obe, lita waito owa tuhu beti na winoli. ³ Kamu Aungu ewai solo, he ekali esu kamu ekomani enu longo lobe. ⁴ Twa fola winoli na moumesi kamu na enu ine bowai bokela kamu bokela mbo mbuse haita ha tome esu. ⁵ Emesia ine moumesi aendesi metema emaino na lundo lo Aungu kamu na luili lo chlisto. ⁶ Baenganena, towai totome enu na lina li moumesi ysu chlisto ine botaende na wainganena owa tuhu wane beenda na hehela kamu befeta womamani helenge hia bwe enu ngaiso. ⁷ Lita ine boliwi enu kamu heta imani enu wongoli esu. esu toti wai na hehela hate ahaino. ⁸ Toti lei wima bi moto pamba kasi twa kela lihwa na luili, otiho na mwasa, ine to tawe na ndo liolo li omoi ohoino. ⁹ Toti keli woyo lita ine tolumbi wokondji, kamu lita ine tokali enu wenesi lita liwongoli esu. ¹⁰ Lita, ata aho etewe esu felo elino, twanahe enu woyo ine, ambeke moto yoho etiunda wokeli lihwa, ata le kamu. ¹¹ Lita ine tookwa ine wasiha bewai wendi hate ahaino na hehela, bewai beti tonga lihwa pko hawhwa ha pamba. ¹² Toisi totoma kamu wokali linaho na waito na helenge hemelo hate ha moumesi yesu chlisto ine bakele lihwa na hai ine ba le wima iwawo penza. ¹³ Bainganena, bota hene hate ha wokeli wali. ¹⁴ Ambeke moto yoho efeta liohi ilaiso na lohoto lone, bomoliwe moto omelo kamu botaende nahe isinga imoi lita ine aokwei haisi so. ¹⁵ Bota motangi ine bomofini kamu bomoliwesi heta moenganena. ¹⁶ Emesia ine moumesi na hai he mangine akali enu hai hekekani hiyo pka kamu na ndole iyo pka. Moumesi awe nenu fe isinga imoi. ¹⁷ Bopalia wone boisi na lifindi ila ngo mangine Paulo. Lifita ine lisi na ngoto o tuhu, na ngo, nisi nesiha wune. ¹⁸ Pasa e moumesi omaiso yesu chlisto awe nenu o watuhu.