1 Baengainena awa, newai nelombe nenu lita liwenani na moumesi omaiso yesu klisto kamu lita liofambani owaiso elo nga he, 2 Ine bota pkohe soo hate ha haluhani ahaino kamu ine botawange sominga natina e mwenda sominga natina eliohi, sominga natina e lohoto lone lweneni ine lwakowa ngaiso, lita li boluhani ine wose wo moumesi wafola olui. 3 Emesia ine moto ata lisesi enu naondole se, lita ine wose womelo botilwa mbo pko ine wango walwe felo kamu moto omofeto aenesana, he mona owosengi. 4 Emalela mbo kamu eyasola mbo liolo e wilulu lio pka hetani wa aungu ambeke yaohema na lifambani, tee eyala mbo he na mbele e Aungu kamu eyafakolambo ine ewai Aungu pendja 5 Bowai boluhani soo ine inde pkome nenu haita hane ho pka aho etewe ngo nenu. 6 Boliwi kamu yo iwai imofetela he sikene ine aenane na hesemba ehahe. 7 Lita luili na mofeto nono luisi lokela lihwa, pko oyo aho ono esaka ekowa mbo. 8 Woyo, moto omofeto enena mbo ngia, he soho moumesi yesu emowola mbo he na mohe na monua omahe kamu emosengisa mbo he pkaa aho enena mbo he na hekekeni elwa mbo he. 9 Bolui owahe moto o mofeto ewa mbo lita li hahwa ha sitani, yahwa ha luili ho pka kamu na windembo kamu na bieneseli bi moloho, 10 Kamu na hanaho ho pka habe lita lwo wane wesenga mbo. Lita befeti womamani lundo lo solo kamu wume owawo. 11 Woyo Aungu ewai etomela wo luili lo wosengesi lita winoli owawo moloho, 12 Ine wo pka bahelesani wane weti winoli haita ha liwela kasi wenengeli hate ha obe. 13 Kamu yiumani nesu bouleseli Aungu wikekani owituhu lita ilaino, baenganena, baundami wa moumesi, lita ine Aungu aminole enu kowa na he bandeli ine boume na ndole he bainoli na mwenda kamu woinoli na haita hali. 14 A ete kamu enu na ndole imboli ndjali iyaiso ine bookwe ngbende imoumisi o maiso yesu klisto. 15 Woyo bainganena, boemale kamu bobwe linaho lia bwe enu ingaiso ambeke na liohi ambeke na ndole o lohoto. 16 Emesia ine moumesi omaiso yesu chlisto kamu Aungu ise ohoiso ono ewundji esu kamu akali esu wototalesi wo liwela kamu mohala mwali na ndole e pasa, 17 Aototalesi mitema emaiso kamu akomelesi enu na hahwe ha tuhu kamu na haohi hatuhu hali