1 Wambinawo,iti na woluhu li wosiheneli enu haite hane heliti so to hengenga hene haita hemelo hekelanambe. 2 Na wiyo,enu wangine boliwi wali wose wo Nkolo watwambo ohene etwa hoiba na wotiho. 3 Ane ekpomaambo waito toyali na litemia na hai,o na hekeka hemelo wuhui wowuambo na kamwa,ohene muundu mowowoti mobwa mohali ono ewai na lieme,na kamu betikoka botili yo. 4 Enu wambinawa,botawe hate ha ngundu,yo wiyo wose womelo botibwe enu hia hoiba, 5 Kamo enukpa bowali waito wa tala kamu na mwasia.Toti waitowa hasiho to wane wa ngundu. 6 Yo wiyo,totalele bosingisi ohene waito wasihia,wune todiole haiso na toyakomani wali. 7 Atende waito wane beina ilo,bengala na otio,na wane beamala hana,behomala na otio. 8 Kasi esu waito wa mwasa,toyakomani waki.towe one wosola na ekeka he wita ho betola tulu e wita naa liko i hebende,tulu eleiso iwayi,winoli na lundo,liko eleiso i wai hisi metema ngi Aungu Moumesi. 9 Na iyo Aungu eminoli esu wango o wahe etielela mbo esu,kolo eleiso Yesu Klisto eumesa mbo esu. 10 He ehueli esu na ekeka ene eluambo he , eihana mbo esu tongowai na une sominga twahua towambo liwela na liwela ise ngai imoi nahe. 11 Yo iyo,holendesani na kamu bokalani nohala enu nenu ndenge emeseni. 12 Bambinango,twalombe neni botemwe waito, wane beyakalia na lita li wendesi enu na ndole ene mboli ndjali. 13 Boundi ho ohoya bolotoli lita li lisala line bekelao.bowe hai na hate eleino. 14 Bambinango,twabombe enu ine,boliwesi waito wane bei na hehela bakebe,bolendese waito wane bewanga basalesi wane belumbi okpamu, wandesi metema ngi waito kpa. 15 Bowahe na oliti lita one moto sominga omoi ata uleseli mambinahe obe,bokpalane ekeka kpa hokeli haita wali hateleino, na ngi waito kpa. 16 Bonangeli na ekekani fe. 17 Bota hene na olombi. 18 Toulesele Aungu pasa na haita fe, iyo ewai haita hane eundi Aungu bowe isungani imoi na Klisto Yesu. 19 Bofete mesala mo mwenda mo mwenda mongia. 20 Botaliole wasakoli. 21 Bolite haita fee hane ekpoma he,boande wane i wali (Boinole wane bei wali), 22 Bofeto wo be ho ndenge fe. 23 Aungu o hai he mangine atwese enu waito waye peza,abatele bo tuho eleino,motema,mwenda na ndoto,lita botatole wobe sominga imoi,hose eluambo kolo ohoiso Yesu Klisto. 24 Moto ono aeta enu ekelambo wiyo,na tina ine ekokesa haita hane ekpoma he. 25 Wambinawa,bolombe Aungu lita eleiso. 26 Bokali bopalia na wambinaiso fee, boyambane ndenge eundi waito ha Aungu. 27 Nalombe enu na lina li kolo,botangele wambinino fee longoto lone. 28 Wali hokolo eleiso Yesu Klisto wahe nenu.