¹ Wiyo sikene,wambinango,toneseli enu loendo lone lonangesela Aungu,i wiyo bounoli botutai yo. sikene tobondela ene (tolombela enu) peza na lina li kolo Moumesi bokeleli sia lisala bolotoli.Boliwi linao line tokali esu enu ² na lina likolo Moumesi. ³ Haita eundi Aungu ho hane:bowe waito wahe peza,bofete haita ha hasiso. ⁴ Moto na moto na hate eleino oyale na mohali emoi,na ndenge e moto ngia na ndenge oholuhu. ⁵ Ata tutai kamo mbe ohene waito bamoili mesiha mene metiliwi Aungu. ⁶ Na haita hane moto somi nga emoi ata une moloho isengani i mwenganena elehe,to omo kele obe,kolo he mangine ekalia mbo hetumbu na waito bekela haita ndengemelo. tokpomeli hala enu wosembo ine bokebe nayo ⁷ Natina ine Aungu eti esu towe waito wone bewai na lindi,toye nde wane buwai na hasala ha ngia. ⁸ Yo wiyo, moto kpa one efeti linao ine,eti feti moto kasi afeta Aungu,one ekali esu mwenda mongia emahe. ⁹ Lita li haita hane eliti lundo hate ha wambinahe,eti na tina eosiheli enu la looto, na lita ine:Aungu ene si hala enu ndenge ekoki enu bondani. ¹⁰ Bokele wiyo na waito kpa wa Maseduane. hatende wambinao,tuabondele enu bokele lisia wali wolotoli. ¹¹ Ndenge tolombi enu fele,bokele okpamu boyale na hai,moto na moto alite haita hahe he mangine,okele lisala li umeli nao. ¹² Yo ine bobwambo mofeto hate ha waito wane bewaina loiya,na moto somi omoi etitola boluhu olaino ¹³ Wabinahe,tundi tokosi nga na haita hane eleti wane bwi,lita botawe na hohua ohene waito wasia wane betisela Aungu metema. ¹⁴ Na tina ine toinoli Yesu ehui na kamu esekui. iwambo ndenge emoi na waito wane bewi isenga imoi na Yesu Aungu e yambo mbo ho isenga imoi nahe. ¹⁵ I wiyo,haita na kpomela enu ya kowa ngai kolo:esu waito to wai na une na kamu tootiala to hose kolo eluambo,toti lotola mbo waito wane belui so omoi. ¹⁶ Na tina ine ,liohi likumu na wazelu na kamu Mungu mo Aungu ekalia mbo lusa,na wiyo he mangine kolo ekowa mbo na kamu etita mbo liolo na kamu etita mbo ane sese.na ekeka emelo,waito wane behui beinoli Klisto besekua mbo felo. ¹⁷ Na mbuse, esu waito wone towai na hume,Aungu etolembo esu nao na hapata,lita toye botumani na kolo wine towambo liwela isengani imoi na kolo. ¹⁸ Bole ndesane na haohi hane, lita bokosi hohua hate eleino.