1 Ine iwai ane ebandi mohili,ine itokwesu,ine iteene esu na haiso,toliti na tobwi na hafindi,iliti liohi liwumi, 2 Boumi nalitaline,litaenena esu nahaiso,tomweni tomokpomeli,twakpomele enu bume boti na tunga,bone bongawa mwamba mo kaka ini inga enenele esu. 3 Ine inteene esu ine yokwe esu,twakpomele enu, enu kaamu bowe na loundo na esu. Ine, boyambi owaiso bwisi na kaka kamu na mongo ohehe Yesu Kristo. 4 Tosiha haita hane,lita ine monangia omaiso mwisi ngia. 5 Mboli iyahe ine yokwe esu na he,eliwesi esu na enu,lita ine Aungu isi tala,elongahe ngundu etiaho. 6 Aya tokpoma ine twisi na wokwani nahe,bwendi isinga ingundu,eisi moloho,toti kelela wosembo. 7 Aya toenda namwa,hia enda hemangine na tala,tuisi isinga imoyi na hengunda ehahe,ngelo i Yesu yasohole esu wobe owaiso. 8 Aya tokpoma ine toti na hasumu,toya fotesia na hasumu,solo botiaho lisiha. 9 Aya totubela hasumu ahaiso,he eisi solo ongaiso elimbesi mbo esu,lita liwosoholi esu na wobe owaiso. 10 Aya tokpoma ine toti na wobe,tuisi na moloho, liohi ilahe litiwambo ngiso.