¹ Atosi keeká ne, aniidjadjaki Angeato. Mabaka ba maandikamiya atodió kana, amieto odioè kanaambee. ² Anariki atósí, anariki atomoloyi aádá, anariki atobasi kofaè nuútú aádá ne. ³ Si esi kofa nuútú ne, kaama, aamasi manumookua Angeako noni atiisu neyi Angea bane, neyi manumoobrua Yesu-Kristu to, kametubó napapi bawene ateepi. ⁴ Ima siiso, idri ne, mabrubuma ba metu napapi bandrene ateepi. Nombikiye aamieto oomua bune ba netu napapi bandrene ateepi ne, maabúbruindo kisekee, ⁵ Ima, kofóbruma nekiniandre munane ne (8), atohï n'Israel andre, atobadru Benjamin bane, n'Hebrania kohïa t'Wahebrania ne atamibeko, namufarisayo; ⁶ atobuame, nombiï abruiguó n'Angeadjo ne, kadukanò atodio ne, atoyi anya napapa atamibeko ne. ⁷ Too, odió ndubú è kabrumato pitesi amatabisi, meékibrubó è pitesi ne perte, atodioyi Kristu bane. ⁸ Siiso manumanya odioè ndubú pitesi ne perte, atoti mombe neyi Yesu-Kristuandre nekumuyi bandrane, netoyi metia odió ndubú ba manumanyaè pitesi niïbotoho, ba mapata to Kristu, ⁹ ba mabú neto, kaba atapapa bandrane neyi enga atamibeko ne, too neyi anenga atapapi Kristu ne, ¹⁰ ba miiti Kristu, bu nekpakpara noru bandrenandre atonzi, too bu ba amoosewe bane atuuteswa bandrene ba moopu pitesi ine atonzi bandrene, ¹¹ ba moopu, idru miita, maru atonzi. ¹² Kaba ba miitá indo naapru, ao mangoopu atombe, too makapanu marua nego ba mapi ne, si ima siiso Yesu-Kristu aabruopima. ¹³ Miibà, kamaambá ba mangoopi ne, too manumesia nedu kana : Manu meegia odiosi kanu mezaa ne, manumanya si esi kanu meketu ne, ¹⁴ manumarua engo atoduïkpu, ba mapata nongo Angea bane neyi inubó ne Yesu-Kristu to. ¹⁵ Aama ndubu esi mamumbe ne, amabú nakaambaámbá ne, nubua atomekiye noodukiye ne, Angea etuamia namungangaa aaamieto mebó. ¹⁶ Nyaadí, atomeyi mangoopu to ne, amoyi nome kana. ¹⁷ Anubú aami ndubú ebasi kodrua odiosi mesia ne, anetu akienwo atosi kanukoyïa pitesiaama ne. ¹⁸ Si esi kanukoyïa namaayo bu negbagba Kristu bane ne kabu è siiso ngboo, madiobru miaa indó atamodio, manudiadí miaa sigadri manumamuàne. ¹⁹ Nadadùyi banyene obuba naádaáda, ka n'Angea banyene anyehô, ketua nekumu banyene atodiosi kanukowa kaa naanye ne, kanukaámbá si atodiosi napeane. ²⁰ Too, neba bawene anubó,inu manumanvayi nombiï iiraama ne nnekumu bawene Yesu-Kristu, ²¹ ineyi eewia neepi bawene naayeandre besia ba noopu pitesi neyi bandrene nekumuandre atokpakpara neyi odio ndubú kiïgatone ne.