¹ Pitesi niïsuametu a Kristu tone, pitesi nodo atoomu nè, pitesi manaakiïsu kana nodo ne, ............... ² anesi ba niïdjadja bandrane nobu mumbee, anaagaki, noomu kana, anubu nakiïsu kana, bu naambaamba kana; ³ nodio sikana nungeekokimbee ba niïyo akuwe, too ne, niïsiïsia nesi ba anuguo eba kuè pitesi kafaami mafo; ⁴ Nombi kanaakana aamiéto, nangoguombee nambee bandreneandrepi, nanya bu esi mambineanye; ⁵ Anubu aamiéto nakoomu abru Yesu-Kristu to ne, ⁶ nei, abru ungaa Angea, kabrunanya pitesi nedu monyo kiïza ba nangobu mbee sawa bu Angea; ⁷ too, oguobrundre sikpa, besibrundre nebueni, boopubru pitesi ebà; ⁸ biïpobru pitesi nombi sikpa, biïsiandre ine sizindre, boya naakiïkoo tiï atonzi, tiï atonzi ato gbagba. ⁹ Anei Angea iïndribrutone, baowobruno erusi kepa eru ndubu ne; ¹⁰ ba, atorusi Yesu ane, ekaáti pite kesia nubo, atape bu atape buru, ¹¹ Bu b'odióti ndubu ba Yesu-Kristu a nékumu atokùmuï Angea bane. ¹² Baadru miïbaè, pitesi nuubua nak'eshima nè, anukpa nakeeru naanungwa atoraï bakine, kabanya pitesinaanuguama nè, too pitesi kaïma aamiéro; ¹³ Suato, Angea eiane aamiéto noomu bu nesesi atoomomu bandrene; ¹⁴ Anesiódio pite bila gbununu naakiïsu sikana; ¹⁵ suato anubu ebasi kaïèro odió dede nè, andrasi Angea bane kaïèro naadada atiimbese ada, badri nandiaï pitesi ne bendera atape, ¹⁶ Magba nodio Angeandre, moobruandre atotuèï Kristu bane, ba kabrumaro engo sikpa bu kabrumakpa sikpa. ¹⁷ Obuade ba makpandre pitesi némupè, mawondre atodioï bakine mesia mesi naakiïdjadja ba mabuaamiero ndubu atofuraa; ¹⁸ Aami siïso, anubu atiïdjadja siakieri bu imaro; ¹⁹ Moomua ba, Yesu aneru to makpa mia mia Timoté, naao mo nekpakpara mati nodioïanya aami nè. ²⁰ Si kaïmaro bombi kine apia odiosi moomua nè, betua tandriïsu odiosi bakine; ²¹ Iè ndubu, kanukonda siodianzi si banyene, ba kabá esi Yesu-Kristu bane. ²² Nutiaba owobrundre ataababu, nondre maroïpi todio Angeandre pitesi nengwa bu apane. ²³ Ma naakapapi makpa miko ne tonganiï magato andreepi mumbenè. ²⁴ Metua andriïsu Angea to ba maya buma gaadri. ²⁵ Maguonga mumbe mekpa mia miïba EPAPHRODITE, miïba ne moloandre bu naapruandre, neto nekpabru mo odiosi kaabia mato nè. ²⁶ Abruomu ba noguo aami dubu, abru siïso noodo kpara to saaï nugabru to nomoï bandrene nè. ²⁷ Abru namamomo, kundi atonzi ba Angea oguobru neto nodo, kaba si neto pi, obuade aama, kumbisi mangiïnzu mbee. ²⁸ Makpane na kiïsuaka, ba anubú naakidjadja idru nuguane, bu niïnzinzu nangobu mbee mato; ²⁹ Anupro nè atoru si Angea bane naakidjadja ndubu, aneeru eba djoè. ³⁰ Si obruondaba nonzí atodioï Kristu bane, bowobru nora bandrene besiamo odiosi abru ba anesimo nè.