¹ Miïba è, nungakpumbee napàpi atiïsu ndubu, too anaabu iïsuè anuti kama karè esi Angea bane nè si ebasi niïtoro ane kabreku. ² Anuti too nabrubruï Angea banè: niïsu ndubuï apià Yesu-kristu ekubru ateepi nè, a niïsuï Angea banè. ³ bu niïsu ndubuï apika Yesu-kristu nè, kaba neyi Angea bane, a neyi namasumbe banè ekubruïndo, sigaadri adri atape(ategiï) ⁴ Aami edjandre, na esi Angea banè, si niïtabruèïndo, suato nombiï aamieto nè aamekpokpo kupita neyi odria atape nè. ⁵ Iè ka esi nape'anè, anene kodiato odiosi nape odiakaanè ba nape ogaè. ⁶ Aama, m'ebasi Angea bane, nombiï otia Angea nè anoga'aama, nombiï otika Angea nè ogaka'aama. Idru nè, manu matia nabrubru mombe bu neyi kanombe nè. ⁷ Miïba è amoomuwe aama pite siayeri, si noomu a neyi Angea banè bu nombi piteï oomua nè, otia Angea. ⁸ Nombiï oomuka nè, otika Angea suato Angea a noomu. ⁹ Noomu Angea bane aaguobrundre aama eto si Angea ekpabru Nengwa ï bandrene sikana atape ba amara neto. ¹⁰ Kababa moomua Angea ne too si Angea oomubrun'aama bekpabru nengwa kana bandrene atape neku nonzi sikpa atodió dede si bawene ¹¹ Miïba è, obuaba Angea oomubru'aama nè, amoomuwe aamaetó siayeri. ¹² kaï bombi abruoguo Angea nè, moomuawe aamaetó siayeri nè, Angea odria aama eto, ba noomu bandrene amumbe aama'eto. ¹³ Manu matia ba madriá neto, ine bodriá bune aamaeto si owobrumaa nabrubruï bandrene. ¹⁴ Maangoguo, ba mapiá ba Angea ekpabru Nengwaï bandrene ku niïra nape. ¹⁵ Nombiï apiabà Yesu anengwa ï Angea bane nè, Angea odria neto bu ine Angea to; ¹⁶ Aama maabruoti noomu ï Angea ano aama eto nè ba mapiane. Angea a noomu, nombiï obua atoomu nè, anù Angea ba, ba Angea obua neto. ¹⁷ Pitesi anè aneï mató atapenè, si noomu amumbe aama eto suato amabu nookpakpara notueï ekubatonè. ¹⁸ Neèru kaba atoomu, kuti ba noomu mombe iïnzia neèru, si nombi'a mombe eèruka; nombiï eèruanè kaï ne atoomu Angea'banè. ¹⁹ Aama eto, moomuane si oomubrun'aama kisekee. ²⁰ Nombi sikana odiába : moomua Angea, too boomuka miïbane nè, a niïtoro'mbi. Suato nombiï oomuka miïbane ï anoguane nè, otuandre basi noomu Angea ï oguakane nè ? ²¹ Angea owa'maa nodio kpokpo ï : nombiï oomua Angea nè, noómu siïso miïbane.