¹ Edjandreanà, mangoè miaa odiòsi ba nungesibombee bodio dede. Too nombi sikana esia nodio dede nè, nombi kana odiamaanè arè Angea tandrooburu, Yesu-Kristu nombi mumbe. ² Ine sizindre, onzibru atodió dede si bawene, kabasi aamaetopi, too bu atoba ndubu izaat'egi. ³ Iso nè, maangitine idru mariáh odiósi(amuri) bandrene. ⁴ Nombiï odia ba miitianerè, ba aríka odiósi bandrenenè a niitorombi bu nodio mabogoo kaï neto. ⁵ Too, nombii arià nodioï bandrenenè noomu ï Angea bane aneto, idrunè miïtia ba ma esi bandrene. ⁶ Nombiï odia ba odria inu Angea banè, nooyi pitesi Angea sizindre. ⁷ Miïba, kaï bodioiï(amuri) meïa miaa nè, ask nodio toka neï napatabru si ataatatunè, nodio tokanè aneï nungoga sigaadrinè. ⁸ Ndubu too nè, asi nodio adia neï amumbe Yesu-kristu to nè but aamietó nè so nekini anegia ba niïko(namungangaa) angedi. ⁹ Nombiï odiaba aato kpengbee ï niïko'andre(namungangaa) ba asi nu etia miïbane nè, akapa si atokini. ¹⁰ Nombiï oomua miïbane nè odria at'iïko(namungangaa), kaï bodio sikana aada to nè. ¹¹ Too, nombiï oomuka miïbane nè aa tokini, nooyoyiandre aa tokini, otika inu oyaï si nekini aanguutó amenwo. ¹² Mangoè miaa, edjandreanà, si odió dede si bakine kaangeginye atoru si bandrene Yesu-kristu. ¹³ Ma à miaa, Paapa è si nutiapete neyi abru atatunganè; ma à miaa, egbäma, si nuubruïta namasumbe. Ma à bu miaa, edjandre nyenyere, niïtibruïndo n'Apa. ¹⁴ Maèbru miaa Apaaè, si niïtibruïndo neyi atatunga nè; maèbrumiaa, egbama si na amekpakpara, si nodioï Angea bane odria aamieto, bu pitesi nubruïta namasumbe. ¹⁵ Nungoomumbee nape, obuade odiòsi napeàne; nombi oomua nape nè, noomuï Angea banè kaïneto; ¹⁶ Odió ndubu si kaatapenè, noomuï neepiandre, noomuï ewoanye, bu iïgbugi si noraranè, kakenganù Apaa ba, kenga inuàtape. ¹⁷ Nape afamafo, oodiósi bandrene; nombiï okpandre pitesi Angea oomuanè ora gboo ¹⁸ Edjandreanà, ne saa nemwishoandre aneyi, nugabrurè ba nombi etià Yesu-kristu nè anekua, sigaadri kabo ngboo; idrunè, mangoti bà ne saa nemwishoandre aneyi. ¹⁹ Kangedi aamaètó siomeru, kabruïè aamaèro, si kabruobu esi bawene nè, kabruodri aamaéro, nodio oopuáso si koguonye ba kaïè aamaèro ²⁰ aami, napatabru nezu at'ombiï a nak'iïsu angeandre nè ba aami ndudu nungapata noti. ²¹ Maèbru miaa, kaba ba nutika nodio mabogoo nè, too maèbru miaa si nutia moti nodio mabogoo suato, niïtoro kanenga atodio mabogoo. ²² Niïorombi aïngwe, idru obukaba si neyi etià Yesu ane Kristu nè ? Nombi nè etia Yesu-Kristu, aneyi etia n'Apa bu Nengwa. ²³ Neyi etia Nengwa nè, kaïnero n'Apa; neyi apia Nengwa nè, are bu n'Apa ²⁴ Neyi nugabru atatungane nodri aamietó, obuabà neyi nugabru siat'atunga odria aamietó nè, nudria siïso at'ongwa but at'Apa. ²⁵ nodio odiobru maa nè, a nora mileleandre. ²⁶ Ma à miaa odioè atobasi ketia aami nè. ²⁷ Aami, nezuï napatabru neto nè, odria aamietó, kaïaamiero uba ba kaado aami, pitesi nezu Angeandre anaado miaa odio ndubu è nè ba asi na ma mabogoo nè anudri netó anudrue adamesi owobru miaa nè. ²⁸ Sigadri, edjandre nyenyere, anudri netó, sidri iïpatonè, amabu bila beeru bu mangobumbee namendrondro neto. ²⁹ Niïtiaba Angea anuukweli ombi nè, nombiï okpandre at'uukweli nè, o ïandre neto.