¹ Neï abru tatunga nè, neï magabru nè, neï maguobru ayoonwo nè, neï mesibru ba magba ayoote nè odiosi kanya nodio mora Angea bane, ² nora eeguobrundre, maguobru badri madiaï namodio ba nora abru Angea tandrooburu bu Nengwa i bandrene ³ Neï maguobru ba maga nè, manû madia mia, anubu nome kana aama ero. ⁴ ma à mia odiòsi, ba amabu tiidjadja mombe. ⁵ Nodio adia magabru neto nè ba muutià mianè, aba Angea a namungangaa(niïkó), ba kaïneto bekini. ⁶ madiába ma tomè kana nero nè, ba manumoïya tokini nè, manû maamba, mesika nodio mabogoo. ⁷ Too, mooïa tamungangaanè, pitesi ine sizindre at'amungangaa, manero tome kana, ba aii si Yesu bane namengwa oba ⁸ Madiába kaïamaero ezambi nè (nodio dede), manu maambaye, kaïbodio mabogoo aama eto. ⁹ matubua esiame dede si bawene nè, obaama moba beegia esiame dede si bawene si ine a nombi mombe. ¹⁰ Madiá ba kaï aamaero esiame dede nè, mesiaye ïitoi bu nodio bandrene kai aamaeto.