¹ Moyugu na ako yongo mu du ako inise we no fuka na ako ogini yongo sa ambe ni Zegi na a gbenge nzu. Ana tosi ako na ba yi poyi yongo mudumu nzu ni ngbaya. ² Oni kana ngbangba yongo na ani nzu ni yugu ngbaya du oni na ako. ³ Mi kungba ku, ani hi mbita zo ani hingi gini ani du ani we gbegbeleke yongo ani da ambe se ati mbe gbegbeleke yongo. ⁴ Ti su Zegi ba gusu ani su yugu na ani du ko ni ngbaya, na ngbangba yongo na ani. ⁵ Agumi ani tipoyi ogini ndila tipoyi ani Chlisto, Zegi ya kisi ani na molimo satu. ⁶ Ni bita tipoyi ba gusu ani Yésus Chlisto Zegi ya lisi na molimo satu. 7 Tipoyi, yongo o kpi na ekulusu, ani dani mbe kaka na ga, yongo sako na boyi sani nve na mo. ⁸ Kpolo ni ngbangba, mo fuka na ko tipoyi ani mo dumu ini Zegi ako henge ka naga sako ni ngbangba. ⁹ Mobi yongo mo mu du ni ngbangba tipoyi akumba. Oni yita kala soni, oni ita gbegbele du tipoyi ngbangba, tipoyi tini tina ku. ¹⁰ Mo hoto, wa mbita wa kasa zo yongo mo dumu, oni kana tipoyi oni kpala. ¹¹ Mo ini ni ngbangba wili kumba kili o bili du ko, tipoyi po yini ko kili na du ko zoo oza ka na gbegbeleke yongo. ¹² Logbo mu miza ka yo nzu Altemas hu Tychiki, oni ga inya tipoyi oni dingi Nicopolis, tipoyi ka zo su mika yongo. ¹³ Oni dingi ngulu tipoyi oni no na Zenas, ni mudumu na do kpotoko sa boyambi, na apolo oni zanga hen kili ku. ¹⁴ Wa meama agumi sa ani o enge ba kana yongo ni ngbangba ti bosi ako gu du ndagba yongo sako, tipoyi ako na kusa ngbaya buna.