¹ Ti poyi o, mofuka a yongo mu du ni bita ti malakisi we Zegi. ² Fuka ya a bandi ni, a ako sungu yi, ako du a bita ni na ndagba boyambi, ba sungukla. ³ Fuk ya abandi de du a mbe mbili pi ku, a ako du ani mu na wun ngbangba malakisi. ⁴ Na ndagba malakisi, ba paya na wili de o ini kumba na bosi sako. ⁵ na awili de du ambe i iyi sulungba ti a boluma aka, ambe sungu we duma, tipoi ani sengenga kpolo Zegi ku. ⁶ Mo fuka, ni ndenge kili wa wili kumba a ako du ani mu na kana ngbangba yongo. ⁷ Ba bi sa na ani keno ni ba kana ngbangba yongo. ⁸ Ngbaya kpolo tipoyi akele ni zeli nga gbegbeleke ti to ku. ⁹ Fuka ni mbe sungu ya o du ni mbe iyi sulu ngba. ¹⁰ O Zeli nga a hen kili ku. Kasi ako yuga na ani ka ko na bita ni na ambe iyi yongo, ani nzu zagonda Zegi ba gusu ani. ¹¹ Tipoyi galasia sa Zegi ti su gugusi ani nzu. ¹² Oza yu ga ni ani ya ani ita a gbegbeleke yongo Zegi no ya ani ga na ule mu na ndata na li ani. ¹³ Ba sungula ngbangba logbo we yagba zegi na Yesus ba gusu ani. ¹⁴ Ko kili boti tipoyi ba gusa ani na ndagba gbegbeleke yongo tipoyi ani du ambe kana a ngba ngba yongo sako. ¹⁵ Oni fuka yongo mu na gbenge so ita ya ni kili senge ngo ku.