¹ Mi polo, mbe sungu Zegi, mi da ni apostolo we Yésus Chlisto ti pipi bagasa ani mu a Zegi loko ako ti gini boyambi: Akoyi bita yongo: Tipoyi bayina yongo ni ngbangba. ² Ama du ako ti lugu we yugu. Zegi mu ge a ndanga nzeke du, kosu kida ako bandi mbamba. ³ Wa a logbo lengbe. ko Zegi ba gusu ani hu na ni sungu We fufuka yongo me. ⁴ Mi sia kato Tito bita bosie; ani na boyambi kili Zegi buba na Chlisto Yésus ba gusu ani a hu ngalasiya na zezele du no. ⁵ Miyito na Creta tipoyi mo nyesi sungu leleke eclezia: Tite kikili, kikili moloko na yagba ani, wa nai timio. ⁶ Moloko kpati ani mu du ti ngbaya kana ga, mudumu na de kili; na a bosi ako du na boyambi na kele yongo ka kasi na botosi. ⁷ Ni kungba ku na babanda Eclezia, oni ba banda yongo sa Zegi, on pe ba du ni ngbaya ga kana ga: O du ni mbe lolendo du, ni mu na zinga ku mbe susule na be piku, ba yimi na ani ku, dikilo ku. ⁸ Kasi o yini ba yambi a gino ni ngbangba, oyi bakana kpati ngbaya yongo: O du ni mbe zezele du, na bita ni na o yini ba volonka Zegi, o yini ba bo duku. ⁹ O yini bita fukado wa ayugu mu niko, tipoyi ba lendisi ani ngbaya kpolo, na ba nyasa ambe sona ngba. ¹⁰ Ni bita, ani sigi du na ndata ziga afuka afukadomu ti molo se ku ona gela gini ya ndendengi akula a ba ko; mo na dinga ako sigi na ndagba ani mu ayele kilan ako. ¹¹ Mo pe kisa ngba ako: Aza gbeleke libota sigi ni zele yongo sa ako tipoyi ba zala nginzani kele ndata. ¹² Kili na ndagba ako fukaya "ambe Cretans du na ambe zele, kele nya, ambe ndangala, aba yi niliga". ¹³ Ni bita ni mu fuka ni bita tisu dumu mo pe ba zinga na ko ni ngulu tipoyi ako egi bita boyambi. ¹⁴ A gi ni nga kpolo aba Yuda ka, atosi hin ndika we ani mu yita bita yuga yongo. ¹⁵ Ti bongili ni mu ni ngbaya du ku, a hein nzu ni ngbaya. Kasi ti bongili ani mu dumu ni kele du ako, na ndata na du ako,ni negili. ¹⁶ Ana fuka ya ayini Zegi kitika kanaga sa ako aka seka: suka a gbegbeleke ani, ambe zinga, age lengbe ni ngbanya sungu ata kili du.